2017 -جىلى تۇتاس جەر شارىندا 97 اقپارات قىزمەتكەرى قىزمەت ۇستىندە قازا بولدى

  • كەلۋ قاينارى: ىلە كەشى گازەتى
  • 04:50:50 25/12/2017

  

    باس شتابى جەنەۆاداعى «اقپارات بەلگىسى ارەكەتى» اتتى اقپارات ۇيىمىنىڭ جەلتوقساننىڭ 18-كۇنى جاريالاعان ەڭ جاڭا دوكلادىنا نەگىزدەلگەندە، بيىل جەلتوقساننىڭ 15-كۇنىنە دەيىن بۇكىل جەر شارىندا 97 اقپارات قىزمەتكەرى قىزمەت ۇستىندە قازا بولىپ، بۇل جۋىقتاعى 10 جىلدان بەرى جۇمىس ۇستىندە قازا بولعان اقپارات قىزمەتكەرلەرىنىڭ سانى ەڭ از بولعان ءبىر جىل ەكەن. دوكلادتا بىلاي دەلىنگەن: وسى اقپارات قىزمەتكەرلەرى 28 مەملەكەتتە جۇمىس ۇستىندە قازا بولعان. بۇل 2008-جىلدان بەرى قىزمەت ۇستىندە قازا بولعان اقپارات قىزمەتكەرلەرىنىڭ سانى تۇڭعىش رەت 100 ادامنان از بولعان ءبىر جىل. دەسەدە 2017-جىلى قىزمەت ۇستىندە قازا بولعان اقپارات قىزمەتكەرلەرى ىشىندە ايەلدەردىڭ سانى كورنەكتى دارەجەدە كوبەيىپ، 2016-جىلعى 5 ادامنان بيىل 16 ادامعا كوبەيگەن. مۇنىڭ ءبارى بۇل ايەل اقپارات قىزمەتكەرلەرىنىڭ قاتەرلى رايونداردا اقپارات قىزمەتىمەن اينالىسقانىمەن تىكە قاتىستى ەكەن.

    قاتىستى ماتەريالدارعا نەگىزدەلگەندە، وتكەن 10 جىلدا تۇتاس جەر شارىندا جالپى 197 اقپارات قىزمەتكەرى قىزمەت ۇستىندە قازا بولعان. وتكەن 5 جىل ىشىندە اقپارات قىزمەتكەرلەرى ءۇشىن ەڭ قاتەرلى 5 مەملەكەت رەت-ءتارتبى بويىنشا سىريا، يراق، مەكسيكا، پاكستان جانە افعانستان ەكەن. «اقپارات بەلگىسى ارەكەتى» ۇيىمى 2004-جىلى قۇرىلعان، تۇتاس جەر شارىنداعى مەديالاردىڭ جاعدايىن تەكسەرەتىن قۇرىلىم، بۇل قۇرىلىم جالپى الەۋمەتتى، مەديالاردى جانە باسقا دا ۇيىمداردى جۇمىلدىرۋ ارقىلى اقپارات قىزمەتكەرلەرىنىڭ ءومىرىنىڭ حاۋىپسىزدىگىن قورعاۋدى دارىپتەيدى.(A1)

جاۋاپتى رەداكتور: گۇلدەن ماقسات قىزى