تۇركيا پرەزيدەنتى شىعىس يەرۋساليمدە تۇركيانىڭ پالەستيندەگى باس ەلشىحاناسىن اشاتىندىعىن ايتتى

  • كەلۋ قاينارى: ىلە كەشى گازەتى
  • 04:52:04 25/12/2017

 

    جۋىردا ءىسلام مەملەكەتتەرىنىڭ باسشىلارى شىعىس يەرۋساليمدى پالەستيننىڭ استاناسى، دەپ مويىنداعاننان كەيىن تۇركيا پرەزيدەنتى ەردوعان 17-جەلتوقسان تاعى تۇركيانىڭ شىعىس يەرۋساليمدە تۇركيانىڭ پالەستيندە تۇراتىن ەلشىحاناسىن اشاتىندىعىن ايتتى. ەردوعان سول كۇنى تۇركيانىڭ ورتا بولەگىندەگى كارامان ولكەسىندە اشىلعان ءبىر رەتكى جيىندا: تۇركيا جانە باسقا ءسىلام ەلدەرى شىعىس يەرۋساليمدى پالەستيننىڭ استاناسى، دەپ جاريالادى، دەسەدە يەرۋساليمدى قازىر يزرايل جاۋلاپ العاندىقتان، تۇركيا شىعىس يەرۋساليمدە ەلشىحانا اشۋعا شاراسىز، كۇندەردىڭ بىرىندە ءبىز ول جەردە ەلشىحانا اشۋىمىز مۇمكىن، دەدى. وسىدان بۇرىن ول تالاي رەت ا ق ش پرەزيدەنتى ترامپتى «ەۆرەيلەردىڭ مەملەكەتتى قالپىنا كەلتىرۋ ارەكەتىن» قولداۋ ماقساتىندا بولماۋدى، كەرىسىنشە بولعاندا «اۋىر بوداۋ بەرەتىندىگىن» ەسكەرتكەن بولاتىن.

    ا ق ش پرەزيدەنتى ترامپ 6-جەلتوقسان يەرۋساليم يزرايلدىڭ استاناسى ەكەندىگىن مويىندايتىندىعىن جاريالادى ءارى ا ق ش –تىڭ يزرايلداعى ەلشىحاناسىن تەل اۆيفقا كوشىرۋ اياق الىسىن جەدەلدەتتى. ونىڭ بۇل ارەكەتىنە حالىقارالىق قوعام جاپپاي قارسىلىق ءبىلدىردى. اراب ەلدەرىن قامتىعان 57 مەملەكەت 13-جەلتوقسان شىعىس يەرۋساليمنىڭ پالەستيننىڭ استاناسى ەكەندىگىن مويىندايتىندىعىن، ا ق ش-تىڭ ۇيعارىمىنىڭ «كۇشكە يە ەمەستىگىن» جاريالادى. تۇركيانىڭ ديپلوماتيا مينيسترى: تۇركيا شىعىس يەرۋساليمدە تۇركيانىڭ پالەستيندە تۇراتىن باس ەلشىحاناسىن اشادى، دەدى.

    يزرايل 1967-جىلى يەرۋساليمدى جاۋلاپ العاننان كەيىن، تۇتاس يەرۋساليمدى «ءماڭگى ءارى بولۋگە بولمايتىن استانا» دەپ ءوز الدىنا جاريالاعان، ال، پالەستين جاق شىعىس يەرۋساليمدى استانا ەتكەن پالەستين مەملەكەتىن قۇرۋدى تالاپ ەتكەن بولاتىن. حالىقارالىق قوعام يزرايلدىڭ يەرۋساليمنىڭ ەگەمەندىك ۇقىعىنا يە بولۋىن جاپپاي قولدامايدى، سول سەبەپتى يزرايلمەن ديپلوماتيالىق قارىم-قاتىناس ورناتقان قىرۋار مەملەكەتتەر يزرايلدا تۇراتىن ەلشىحاناسىن يەرۋساليمدا ەمەس، قايتا، تەل اۆيفقا ورنالاستىرعان. (A1)

جاۋاپتى رەداكتور: گۇلدەن ماقسات قىزى