شينجياڭدا «جىبەك جولى ەكونوميكالىق بەلدەۋى وزەكتى ءوڭىرىنىڭ فينانس ورتالىعى قۇرىلىس جوباسى» جاريالاندى

  • كەلۋ قاينارى: ىلە كەشى گازەتى
  • 05:01:50 25/12/2017

  

    ءتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، اۆتونوميالى رايوندىق حالىق ۇكىمەتى «جىبەك جولى ەكونوميكالىق بەلدەۋى وزەكتى ءوڭىرىنىڭ فينانس ورتالىعى قۇرىلىس جوباسىن (2016-جىلدان 2030-جىلعا دەيىن)» جاريالاپ، جىبەك جولى ەكونوميكالىق بەلدەۋى وزەكتى ءوڭىرى فينانس ورتالىعى جوباسىنىڭ اتقارىلۋىنا جەتەكشىلىك ەتۋدى جاپپاي كۇشەيتۋدى ۇيعارعان.

    «جوبادا» وزەكتى ءوڭىر فينانس ورتالىعى قۇرىلىسىنىڭ دامۋ بەتالىسى: «ءبىر وزەك، ەكى قاناتتى» وزەك ەتكەن جىبەك جولى ەكونوميكالىق بەلدەۋى وزەكتى ءوڭىرىنىڭ حالىقارالىق فينانس ورتالىعىن قۇرىپ، ءۇرىمجىنى جىبەك جولى ەكونوميكالىق بەلدەۋى وزەكتى وڭىرىندەگى وزەك ەتىپ، قاشقار مەن قورعاستى جەكە-جەكە جىبەك جولى ەكونوميكالىق بەلدەۋى وزەكتى ءوڭىرىنىڭ فينانس ورتالىعىندا 2-ورىندا تۇراتىن تاعى ءبىر ورتالىققا اينالدىرىپ، «بازار قالىپتاستىرۋ، قۇرىلىمداردى شوعىرلاندىرۋ، ءونىم جانە قىزمەت وتەۋدە جاڭالىق جاراتۋ، فينانس جاعىندا سىرتقا قاقپا اشۋ اۋماعىن كەڭەيتۋدى» نەگىزگى جەلى ەتىپ، يقۋاتى كەمەلدى، شينجياڭدى تياناق ەتىپ، ورتا ازيا مەن وڭتۇستىك ازياعا باعىتتالىپ، جىبەك جولى ەكونوميكالىق بەلدەۋى اينالاسىنداعى مەملەكەتتەردى قامتىعان وڭىرلىك سيپاتتى حالىقارالىق فينانس ورتالىعىن قۇرۋ، دەپ تۇراقتاندىرىلدى.

    «جوبادا» مىنالار اتاپ كورسەتىلدى: 2030- جىلعا بارعاندا ەل ءىشى-سىرتىنداعى قارجىگەرلەر ورتاق ات سالىسقان، ءبىرشاما كۇشتى ساۋدا ايىرباسى، باعا تۇراقتاندىرۋ، ينفورماتسيا جەتكىزۋ جانە جاڭالىق جاراتۋ قۋاتىنا يە فينانس، ساۋدا جۇيەسىن قالىپتاستىرىپ، كوپ ساتىلى، شارپۋ اۋماعى كەڭ، جۇمىس ءبولىسى ايقىن ءارى ۇيلەسىمدى، ءبىر-ءبىرىنىڭ ولقىلىعىن تولىقتاعان فينانس ۇيىمى جۇيەسىن، سونداي-اق، يقۋاتى كەمەلدى، بىرلىككە كەلگەن، ونىمدىلىگى جوعارى وسىزاماندانعان فينانس نەگىزدىك قۇرىلعىلار جۇيەسىن، ساياسات، زاڭدىق جاقتان قولداۋ جۇيەسىن كەمەلدەندىرىپ، كاسىپ تۇرلەرى تولىق، قۇرىلىمى ۇيلەسىمدى، ءبىرشاما كۇشتى قولداۋ قۋاتىنا يە فينانس ادام كۇشى بايلىعى جۇيەسىن، حالىقارالىق فينانس دارىندىلارى شوعىرىن قالىپتاستىرۋ كەرەك. وزەكتى ءوڭىر فينانس ورتالىعى سول ءوڭىردىڭ قاتىناس ورتالىعى، ساۋدا، زات اينالىم ورتالىعى، مادەنيەت، عىلىم-تەحنيكا ورتالىعى، ەمدەۋ قىزمەت وتەۋ ورتالىعىنىڭ قىزمەت وتەۋ، قامتاماسىزداندىرۋ رولىن كورنەكتىلەندىرىپ، سىرتقا باعىتتالۋىن تىڭ دەڭگەيگە كوتەرۋى كەرەك.

    «جوبادا» تاعى وزەكتى ءوڭىر فينانس ورتالىعىنىڭ 4 ءتۇيىندى مىندەتى: وزىندىك ەرەكشەلىككە يە 3 ءىرى فينانس بازاسىن قۇرىپ، فينانس ورتالىعىنا قاجەتتى قۇرىلعىلاردى كەمەلدەندىرۋ، وسى ارقىلى فينانستىق قىزمەت وتەۋ قۋاتىندا جاڭالىق جاراتىپ جانە دەڭگەيىن جوعارىلاتىپ، فينانس حاۋىپ-قاتەرىنەن ساقتانۋ،- دەپ اتاپ كورسەتىلدى. (A1)

جاۋاپتى رەداكتور: گۇلدەن ماقسات قىزى