وقۋشىلاردىڭ وزدىگىنەن ىزدەنىپ، زەرتتەپ ۇيرەنۋ اۋەسىن جەتىلدىرۋ جونىندە

  • كەلۋ قاينارى: ىلە كەشى گازەتى
  • 05:07:46 25/12/2017

    ءابدىعاني جاناسىل ۇلى

    ساباق مەكتەپ ءتالىم - تاربيەسىندە وزەكتى ورىندا تۇرادى، وقۋ - اعارتۋدىڭ نىساناسى، قۇنى نەگىزىنەن ساباق ارقىلى ايگىلەنەدى جانە اتقارىلادى. سوندىقتان ساباق رەفورماسى وقۋ - اعارتۋ رەفورماسىنىڭ وزەكتى مازمۇنى، جاڭا داۋىردەگى جۇڭگوشا سوتسياليزم ساتىندە، جۇڭگونىڭ نەگىزدىك وقۋ - اعارتۋى ساپا اعارتۋىن جاپپاي ىلگەرلەتۋ تۋىن بيىك كوتەرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستىراتەگياسىن اتقارۋ جولىندا «نەگىز قالاۋ ينجەنەرياسى» جاۋاپكەرلىگىن شىنايى وتەپ جاتقان تۇستا، نەگىزدىك وقۋ - اعارتۋ ساباق رەفورماسى نەگىزدىك وقۋ - اعارتۋ رەفورماسىنداعى ماڭىزدى مىندەتكە تابيعي اينالىپ، قالىڭ وقۋ - اعارتۋ قىزمەتكەرلەرىنىڭ جانە تۇتاس قوعامنىڭ الدىنا ايقىن ءارى شۇعىل مىندەت بولىپ قويىلىپ وتىر. اسىرەسە، پارتيامىزدىڭ 19 - قۇرىلتاي بايانداماسىنداعى شي جينپيڭنىڭ: «پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگەلى ادام تاربيەلەۋ سىندى ءتۇبىرلى مىندەتتى تياناقتاندىرىپ، ساپا وقۋ - اعارتۋىن دامىتىپ، وقۋ - اعارتۋداعى ادىلدىكتى جەبەپ، سوتسياليزمنىڭ احىلاق، اقىل - وي، دەنە، ەستەتيكا جاقتارىنان جان - جاقتى جەتىلگەن قۇرۋشىلارى مەن ءىزباسارلارىن تاربيەلەۋ كەرەك» دەگەن نۇسقاۋى ساپالى ۇرپاق تاربيەلەۋ تالابىن اناعۇرلىم ايقىندادى.

    قازىرگى كەزدەگى وقۋشىلاردىڭ ۇيرەنۋىندە ورىن تەۋىپ وتىرعان ءبىرىنشى ماسەلە - وقۋدان جەرۋشىلىك. تەكسەرۋ مالىمەتىنە قاراعاندا، وقۋدان جەرۋ پيعىلى بار وقۋشىلار باستاۋىش مەكتەپتە شامامەن %22.4، ورتالاۋ مەكتەپتە %50.4 بولعان. مۇنداعى سەبەپتەر: جۇكتىڭ اۋىرلىعى، وقىتۋشى - وقۋشى قاتىناسىنىڭ ۇيلەسىمدى بولماۋى؛ ەمتيحاننان الاڭداۋشىلىق؛ ەستەتيكالىق، ەتيكالىق كىناراتتار بولىپ وتىر. بۇل كىناراتتار ۇيلەسىمدى شەشىلمەسە، وقۋشىلاردىڭ ۇيرەنۋ ناتيجەسىن جوعارىلاتۋ بوس سوزگە اينالىپ قالماق.

    ءبىز ءبىر جىلدىق باقىلاپ تەكسەرۋ ارقىلى مىنانى بايقادىق:

    ورتا مەكتەپ 1 -، 2 - جىلدىقتارىنداعى 310 وقۋشىعا «مەنىڭ ۇيرەنۋ ناتيجەمە ىقپال كورسەتىپ وتىرعان فاكتورلار» تاقىرىبىندا وزدەرىنىڭ ناقتى كوزقاراسىن جازۋعا ورنالاستىرىپ، جيناقتاعان ناتيجە تومەندەگىدەي بولدى. ءتۇيىن: وقۋشىلاردىڭ ۇيرەنۋدەن جەرۋىنىڭ، ناتيجەسى تومەن بولۋىنىڭ سەبەبى جانە ىقپال كورسەتىپ وتىرعان فاكتورلارعا تالداۋ جاساپ، ناقتى ماسەلەنى شىنايى ورتاعا سالۋ.

    ىقپال كورسەتكەن فاكتورلار

    ءبىرىنشى، ۇيگە قاتىستى ماسەلەلەر: ۇيگە بارعاندا ساباق پىسىقتاۋ جايىندا قالادى، باسقا جۇمىسپەن كەتەمىن، ساباعىڭدى وقى دەيتىن پەندە جوق، ەركىن تۇرمىس كەشىرەمىن؛ اتا - انام بالام وقىپ جاتىر دەپ الاڭسىز بولادى، قالاي وقىپ جاتقانىن ۇعىسىپ وتىرمايدى؛ اتا - انامىز سىناۋ ناتيجەسىن كورگەندە عانا جاقسى وقۋعا قۋزايدى، باسقا ۋاقىتتا ءىسى جوق؛ ۇيىمىزدە كومپيۋتەر دە، قولفون دا بار، ساباقتان سىرت ۋاقىتتا سونىمەن اينالسسام، ۇيرەنۋىم جايىندا قالادى؛ اتا - انام ماتەريالدان تارىقتىرماسا، بولەك ساباق وقۋ بولمەم بولسا.

جاۋاپتى رەداكتور: گۇلدەن ماقسات قىزى