شينجياڭ جۇڭگو - موڭعۇليا - رەسەي ەكونوميكالىق ءدالىزى قۇرىلىسىنا قاتىناسۋدىڭ اتقارۋ جوباسىن جاسادى

  • كەلۋ قاينارى: شينجياڭ گازەتى تورابى
  • 11:02:04 25/12/2017

  

    ءتىلشىمىز شى شين 22 - جەلتوقساندا ۇرىمجىدەن حابارلايدى. ءتىلشى اۆتونوميالى رايوندىق دامۋ جانە رەفورما كوميتەتىنەن جۋىقتا اۆتونوميالى رايوندىق حالىق ۇكىمەتىنىڭ «شينجياڭنىڭ جۇڭگو - موڭعۇليا - رەسەي ەكونوميكالىق ءدالىزى قۇرىلىسىنا قاتىناسۋداعى اتقارۋ جوباسىن» (قىسقارتىلىپ «جوبا» دەلىنەدى) زەرتتەپ جاساپ، جۇڭگونىڭ شينجياڭىنىڭ موڭعۇليامەن، رەسەيمەن نەگىزدىك قۇرىلعى بايلانىسى، ەكونوميكا - ساۋدا، گۋمانيتارلىق ىستەر جانە قورشاعان ورتانى قورعاۋ سياقتى سالالارداعى سەلبەستىگىنىڭ جوعارى دەڭگەيدەگى جوباسىن كەمەلدەندىرە تۇسكەندىگىن ۇعىستى.

    «جوبادا» مىنالار ورتاعا قويىلدى: نەگىزدىك قۇرىلعى بايلانىسىن جەتەكشى، ءۇرىمجى قالاسى، التاي ايماعى، سانجى حۇيزۋ اۆتونوميالى وبلىسى، قۇمىل قالاسى سياقتى جول بويىنداعى وڭىرلەردى سۇيەنىش، تايكەشكەن، قىزىلتاۋ، ۇلاستاي، تەمىرتام سياقتى وتكەلدەردى نەگىز، كاسىپ سالاسى ىنتىماقتاستىعىن، كوپ جاقتىلى ساۋدانى جانە ءوندىرىس فاكتورلارىن ساپالىلاندىرۋدى قوزعاۋشى كۇش، ساۋدا، زات اينالىمى جانە ەمدەۋ جاعىنداعى ىنتىماقتاستىقتى ءتۇيىن ەتىپ، ىنتىماقتاستىق فورماسىندا بەلسەنە جاڭالىق اشىپ، سىرتقا ەسىك اشۋ اياق الىسىن جەدەلدەتىپ، جۇڭگونىڭ شينجياڭىنىڭ موڭعۇليامەن، رەسەيمەن ىنتىماقتاستىق ءورىسىن ۇزبەي كەڭەيتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جاپپاي ىلگەرىلەتۋدى جۇڭگو - موڭعۇليا - رەسەي ەكونوميكالىق ءدالىزى قۇرىلىسىمەن ىشكەرىلەي توعىستىرۋ كەرەك.

    «جوبا» 2016 - جىلدى نەگىزدىك مەزگىل ەتىپ، جۇڭگونىڭ شينجياڭى موڭعۇليا، رەسەي ەكى ەلمەن مىناداي ىنتىماقتاستىق نىساناسىن ورتاعا قويدى: 2020 - جىلعا دەيىن جۇڭگونىڭ شينجياڭىنىڭ موڭعۇليامەن، رەسەيمەن تۇتاساتىن جالپىلىق قاتىناس - تاسىمال تورابى نەگىزىنەن قالىپتاسادى، ىنتىماقتاستىق مەحانيزمى نەداۋىر كەمەلدەنەدى، وڭىرلىك قارجى قوسۋ، ساۋدا - ساتتىق جۇمىسى ۇزدىكسىز قولايلىلاسادى، گۋمانيتارلىق اۋىس - كۇيىس ونان ارى جيىلەيدى، ءوزارا پايدا جەتكىزۋ جاعىنداعى ىنتىماقتاستىق اناعۇرلىم كوپ سالاعا، اناعۇرلىم كەڭ كولەمگە، اناعۇرلىم تەرەڭ ساتىعا كەڭەيەدى.

    «جوبا» نەگىزدىك قۇرىلعى قۇرىلىسىن كۇشەيتۋ، شەكارا وتكەلى قۇرىلىسىن جانە كەدەندى، تەكسەرۋدى، كارەنتيندەۋدى، باقىلاۋدى، باسقارۋدى كۇشەيتۋ، ءوندىرىس قۋاتى جانە قارجى قوسۋ ىنتىماقتاستىعىن كۇشەيتۋ، ەكونوميكا، ساۋدا ىنتىماقتاستىعىن تەرەڭدەتۋ، گۋمانيتارلىق اۋىس - كۇيىستى كەڭەيتۋ، ەكولوگيالىق ورتانى قورعاۋ ىنتىماقتاستىعىن كۇشەيتۋ جانە جەرگىلىكتى ورىننىڭ، سونداي - اق شەكارا رايونداردىڭ ىنتىماقتاستىعىن كۇشەيتۋ سىندى 7 ءتۇرلى ءتۇيىندى مىندەتتى ارقاۋ ەتىپ، 34 ءتۇرلى باستى شارانى ورتاعا قويىپ، مىندەتتەردى ىلگەرىلەتۋدىڭ قىزمەت نىساناسىن ايقىندادى.

جاۋاپتى رەداكتور: گۇلدەن ماقسات قىزى