قالا، اۋىلداردا حالىق تۇرمىسىنا قاتىستى 32 شەبەرحانا 3000نان استام ادامنىڭ تۇراقتى جۇمىسقا ورنالاسۋىنا دەم بەردى

  • كەلۋ قاينارى: شينجياڭ گازەتى تورابى
  • 11:03:50 25/12/2017

    قۇلجا قالاسى قالا، اۋىلداردا جۇمىسقا ورنالاستىرۋدىڭ جاڭا ۇلگىسىن قاراستىردى 

 

    ءتىلشىمىز چىن چىن 23 - جەلتوقساندا قۇلجادان حابارلايدى. «وسى جەردە جۇمىس ىستەپ، وتباسىما دا قارايلاسامىن، تابىس تا تابا الامىن». 17 - جەلتوقسان ءتۇستىڭ الدىندا شەبەرحانادا كيىم تىگىپ وتىرعان قۇلجا قالاسى ءپانجىم قالاشىعى پيليچى قىستاعىنىڭ تۇرعىنى ءجاميلا تىلشىگە: بۇل جەردە ۇيرەنىپ جاتقان 20 ايەل ۇيرەنۋدى تاۋىسقان سوڭ، قالاشىقتىڭ 3 قىستاعىنداعى حالىق تۇرمىس شەبەرحانالارىندا كيىم تىگۋدى ۇيرەتەدى، - دەدى قۋانا.

    شارۋاشىلىق قۇرعىسى كەلگەنىمەن، قارجىسى جوق، جۇمىسقا ورنالاسقىسى كەلگەنىمەن، اۋىلدان اتتاپ شىعا الماعان تۇرعىندار قايتكەندە جۇمىسقا ورنالاسا الادى؟ قۇلجا قالاسى ولارعا حالىق تۇرمىسى شەبەرحاناسىن قۇرىپ بەرۋ ءادىسىن قولداندى. 2012 - جىلدان باستاپ قالا بويىنشا 32 حالىق تۇرمىسى شەبەرحاناسى قۇرىلىپ، 3000نان استام ادامنىڭ تۇراقتى جۇمىسقا ورنالاسۋىنا دەم بەردى.

    ءپانجىم قالاشىعى پيليچى قىستاعىنىڭ تۇرعىنى ءجاميلا ابەي 2005 - جىلى شىلدە ۋنيۆەرسيتەت تاۋىسقان سوڭ، قىستاقتىڭ باستاۋىش مەكتەبىندە ۋاقىتشا وقىتۋشى بولىپ ىستەيدى، 2008 - جىلى «قوس ءتىلدى» بالاباقشاسىن اشادى، 2013 - جىلى قىستاقتاعى ايەلدەردى باستاپ بىرگە اۋقاتتانۋ ويىنا كەلەدى.

    2015 - جىلى مامىردا پيليچى قىستاعى كوميتەتى ءجاميلاعا 4 بولمەلى ءۇيى بار 3 مۋلىق اۋلا بەرەدى، ىلە قازاق اۆتونوميالى وبلىستىق مۇگەدەكتەر بىرلەستىگى 30 مىڭ يۋان كومەك بەرەدى، ءجاميلا ءوز جانىنان 60 مىڭ يۋان قارجى شىعارىپ، تىگىن ماشيناسىن، ۇتىك، پوپايكا توقۋ ماشيناسىن ساتىپ الىپ، اسيما كيىم تىگۋ شەبەرحاناسىن قۇردى. «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا قىستاقتا تۇراتىن قىزمەت اترەتى مەن قىستاق كادرلارى وتباسىلارىن ارالاپ ۇگىت جۇرگىزىپ اتتانىسقا كەلتىرىپ، قىستاقتاعى مۇگەدەكتەردى قامتىعان 86 ايەلدىڭ جۇمىسقا ورنالاسۋىنا مۇمكىندىك جاسادى، ءار ادام اي سايىن 1000 يۋاننان 4000 يۋانعا دەيىن تابىس تاباتىن بولدى.

    قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىسقا ورنالاسۋدى ىلگەرىلەتۋ كەڭسەسىنىڭ مەڭگەرۋشىسى زو جۇنپيڭ: حالىق تۇرمىسى شەبەرحانالارىنا قالا، اۋىلدارداعى بوس تۇرعان ۇيلەر پايدالانىلدى، كەيبىرەۋى جاڭادان سالىندى. ولار اياق كيىم، باس كيىم، قولونەر بۇيىمدارى، مادەنيەت بۇيىمدارى سياقتى ونىمدەردى شىعارادى، - دەدى. قۇلجا قالاسى پارتيا ياچەيكاسى تۇعىر ازىرلەۋ، ساياساتتىق سۇيەمەلدەۋ، كاسىپ سالاسى ارقىلى دەمەۋ، جۇمىسقا ورنالاستىرۋ اياسىن كەڭەيتۋ وي جەلىسى بويىنشا، حالىق تۇرمىسى شەبەرحانالارىنا ءوتىمدى، ەكونوميكالىق تيىمدىلىك جاقسى ەڭبەك شوعىرلانعان قولونەر كاسىپ بۇيىمدارىن جاسايتىن شاعىن، ۇساق كاسىپورىنداردى ەنگىزىپ، تۇرعىنداردى جۇمىسقا ورنالاستىردى.

جاۋاپتى رەداكتور: گۇلدەن ماقسات قىزى