قۇرىلتاي رۋحى _ قۇنارلى وي، باي تاجىريبەنىڭ جەمىسى

  • كەلۋ قاينارى: ىلە گازەتى
  • 03:19:15 28/12/2017

    (جازۋشى، اعارتۋشى بالاپان ومار ۇلىمەن سىر–سۇحپات)

 

    _ باي مازمۇندى 19–قۇرىلتاي بايانداماسىن سان قايتارا وقىپ زەردەلەگەن بولارسىز؟ بايانداما مازمۇنى ءسىزدى قانداي تىڭ ويلارعا جەتەلەپ، شابىتتى سەزىم سيلادى؟

    _ ءيا، باۋىرىم، جۇڭگو حالقىنىڭ ورتاق ماقتانىشى مەن قۋانىشىنا اينالار وسىنداي ساتتەر تاريح بەتىنە ءالى دە التىن ارىپپەن تاڭبالاناتىن بولادى. ويتكەنى جۋىقتا عانا تابىسپەن اياقتالعان جۇڭگو كوممۋنيستىك پارتياسىنىڭ 19–قۇرىلتايى جۇڭگو تاريحىندا دۇنيەنى ەلەڭ ەتكىزىپ، جۇڭگو ارمانىنىڭ ناقتى امالياتىن ءار كوكىرەكتە ايقىنداي ءتۇستى. ءبىز 19–قۇرىلتاي بايانداماسىن تەلەۆيزوردان كوردىك، راديودان تىڭدادىق، گازەتتەن وقىدىق. ۇستەگى جىلى قاراشانىڭ 15–كۇنى موڭعۇلكۇرە اۋداندىق پارتكوم ۇگىت ءبولىمىنىڭ ۇيىمداستىرۋىندا 19–قۇرىلتاي بايانداماسىن ۇيرەنۋ جانە ۇگىتشىلەردى تاربيەلەۋ كۋرسىسىنا قاتىناسىپ قۇرىلتاي بايانداماسىن ۇيرەندىك. ۇيرەنىپ قانا قويمادىق، قۇرىلتاي بايانداماسىنداعى كەي مازمۇنداردى ەستەلىككە الىپ، وعان ءوزىمىزدىڭ ءىس جۇزىندىك ارەكەتىمىزدى قالاي ۇيلەستىرۋ جونىندە سان قايتارا تولعاندىق. اۋىلعا قايتقاننان كەيىن وتباسىندا، قوعامدىق ورتادا باياندامانىڭ تارتىمدى مازمۇندارىن اڭگىمەلەدىك. ال بۇگىن مىنە ىلە قازاق اۆتونوميالى وبلىستىق پارتكومنىڭ ۇگىت ءبولىمى ۇيىمداستىرعان وبلىستىق ادەبيەت–كوركەمونەرشىلەر بىرلەستىگى جەتەكشىلىك ەتكەن پارتيا 19–قۇرىلتايى بايانداماسىن جالعاستى ۇيرەنۋ كۋرسىسىنا قاتىناسىپ، وبلىستاعى ءىشىنارا مامانداردىڭ ساباعىن تىڭدادىق. ساباق مازمۇندارى بىزگە ەرەكشە اسەر ەتىپ، زور شابىت سيلادى، كۇشتى سەنىم بەردى. ەندى بايانداماعا كەلسەم بايانداما جالپى 13 مازمۇننان قۇرالعان، قوعامنىڭ بارلىق تۇستارىن، ءار سالاسىن تولىق قامتىعان نازاريالىق جەتىستىك. قۇرىلتاي اشىلعاننان بەرى جۇڭگوداعى ماماندار باياندامانىڭ قامىتۋ اۋماعىن نەگىزگە الا وتىرىپ، بۇل باياندامانى جۇڭگو تاريحىنداعى ۇلى شىعارما دەپ ەسەپتەدى. ءبىزدىڭ نازارىمىزدا دا سولاي. باياندامادا وتكەن بەس جىلداعى قىزمەتتەر قورىتىندىلانىپ، بۇدان كەيىنگى نىسانا، باعىت–باعدار ايقىن العا قويىلىپ، بۇدان كەيىنگى مىندەتتەر ەكى باسقىشقا ءبولىنىپ باياندالىپتى. ءبىرىنشى باسقىش، 2020–جىلدان 2035–جىلعا دەيىنگى مەزگىل بولىپ، مۇندا جاپپاي دوڭگەلەڭ داۋلەتتى قوعام قۇرۋ؛ ەكىنشى باسقىش 2035–جىلدان وسى عاسىردىڭ ورتا شەنىنە دەيىنگى مەزگىل بولىپ، مۇندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ دەپ العا قويىلدى. مىنە، بۇل بۇكىل مەملەكەت حالقىنىڭ جارقىن بولاشاعىنىڭ ۇلى نىساناسى، كەلەشەكتىڭ جوبا كەسكىنى، جۇڭحۋا ۇلتتارىنا دانىشپان پارتيامىز باسشىلىق ەتىپ وتىرعاندا، ءبىزدىڭ جۇڭگو ارمانىن جۇزەگە اسىراتىن جارقىن بولاشاققا جەتەتىنىمىز كامىل. 19–قۇرىلتاي بايانداماسىندا «جاڭالىق اشۋ ارقىلى دامۋ» كوزقاراسى كورنەكتى تۇردە ورتاعا قويىلعان. جاڭالىق اشۋ ءبىر مەملەكەتتىڭ كوركەيىپ–گۇلدەنۋىندەگى كۇرە تامىر، جاڭالىق اشۋدان ايىرىلعان ءارقانداي بۋىن، سالا، كاسىپ ومىرشەڭدىگىنەن ايىرىلادى. ادامدار يدەياسى دا جاڭالىق اشۋ جولىمەن قۇدىرەت تابادى. باس شۋجي شي جينپيڭ باياندامادا «حالىق تۇرمىسى»، «رەفورما» سىندى دامۋعا قاتىستى تۇيىندەردى كوپ رەت اۋىزعا الدى. مىنە مۇنىڭ ءوزى حالىق تۇرمىسىنىڭ رەفورما ارقىلى قۇدىرەتتەنەتىنىن كورەگەندىكپەن تانىعاندىق. رەفورمانىڭ قامتيتىن سالاسى كەڭ. ماكرولىق جاقتان تۇتاس قوعامدى قامتيدى، ميكرولىق جاقتان ءارقايسى وتباسىن، ءاربىر جەكە ادامدى قامتيدى. مەنشە، رەفورما ءار ادامنىڭ ميىندا، ساناسىندا ءجۇرىلۋى كەرەك. رەفورما دەگەنىمىز _ قايتا قۇرىپ شىعۋ، قايتا جاڭالاۋ دەگەن ءسوز.

جاۋاپتى رەداكتور: گۇلدەن ماقسات قىزى