ورنىقتىلىقتى اڭساۋ، جاراسىمدىلىقتى تىلەۋ، دامۋدى كوكسەۋ شينجياڭداعى ءار ۇلت حالقىنىڭ ورتاق ءۇنى

  • كەلۋ قاينارى: ىلە گازەتى
  • 03:20:47 28/12/2017

     گۇلنار تۇرسىن قىزى

 

    رەفورما جاسالىپ، ەسىك اشىلعاننان، اسىرەسە، پارتيا 18–قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن دەم بەرۋىندە، شينجياڭنىڭ دارقان دالاسىندا قۋانارلىقتاي زور وزگەرىستەر تۋىلىپ، ەكونوميكالىق، قوعامدىق ىستەرى قاۋىرت دامىدى. قالا مەن اۋىلداعى ءار ۇلت بۇقاراسىنىڭ تۇرمىسى بارعان سايىن جاقسارىپ، رەفورما مەن دامۋدىڭ يگىلىگىنە كەنەلىپ، تابىس سەزىمى مەن باقىت سەزىمى تىنباي ارتتى، ۇلتتاردىڭ بەرەكە–بىرلىگى كۇشەيدى. مىنە، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتى نەگىز ەتۋگە تاباندى بولىپ، حالىق تۇرمىسىن جاقسارتۋدى، حالىقتى باقىتقا كەنەلتۋدى بارلىق قىزمەتتىڭ شىعار ءتۇيىنى جانە تابان تىرەر تياناعى ەتىپ، حالىققا ءتيىمدى ءبىر قىدىرۋ جاقسى ساياسات اتقارعاندىعىنىڭ ناتيجەسى. 19–قۇرىلتايدىڭ بايانداماسىندا العا قويىلعان حالىققا ءتيىمدى ءبىر قىدىرۋ جاڭا ساياساتتار، كەدەيلىكتەن ارىلتۋدان قامال الۋ شايقاسىندا باتىل جەڭىسكە جەتۋ، وقۋ–اعارتۋ ىستەرىن الدىمەن دامىتۋ، قوعامدىق قامتاماسىزداندىرۋ جۇيەسى قۇرىلىسىن كۇشەيتۋ، اۋىل–قىستاقتاردى كوركەيتۋ ستراتەگياسىن اتقارۋ سياقتىلاردىڭ بارلىعى حالىق بۇقاراسىنىڭ تۇرمىسىمەن تىعىز بايلانىستى. ءار ۇلت بۇقاراسى شي جينپيڭ جولداستى ۇيتقى ەتكەن پارتيا ورتالىق كوميتەتىنە شىنايى العىس ايتادى، مىناۋ تاماشا داۋىرگە شەكسىز سۇيىنەدى.

    ايتسە دە «ءۇش ءتۇرلى كۇش» مۇنداي تاماشا جاعدايدى كورۋدى قالاماي، وڭاي–وسپاق قولعا كەلمەگەن باقىتتى تۇرمىسىمىزدى بۇلدىرۋگە ۇرىندى. شينجياڭداعى ءار ۇلت حالقى بۇكىل ەلدەگى ءار ۇلت حالقىمەن بىرگە دوڭگەلەك داۋلەتتى ورەگە جەتۋگە قۇلشىنىپ جاتقان باقىتتى ساتتە، «ءۇش ءتۇرلى كۇش» لاڭكەستىك دەلولارىن تۋدىرۋ ارقىلى شينجياڭدى وتانىمىزدىڭ ۇلى شاڭىراعىنان ءبولىپ اكەتۋگە سۇقتاندى.

    «ءۇش ءتۇرلى كۇش» پەن «پانسىلاميزم، پانتۇركيزم» يدەياسىنىڭ كەرتارتپا ءمانى مەن سۇرقيا ماقساتى

 

    ۇلتتىق بولشەكتەۋشى كۇشتەر، ءدىني ۇشقارى كۇشتەر، لاڭكەستىك كۇشتەر سىندى «ءۇش ءتۇرلى كۇش» شينجياڭنىڭ قوعام ورنىقتىلىعىنا زالال جەتكىزەتىن ۋلى وسپە، سوڭعى جىلدارى شەكارا ءىشى–سىرتىنداعى «ءۇش ءتۇرلى كۇش» قۇتىرىنا زوبالاڭ تۋدىردى. ولار حالىقاراداعى جۇڭگوعا قارسى كۇشتەردىڭ جەلىكتىرۋىمەن «شينجياڭ ارقىلى جۇڭگونى شاۋجايلاۋ» دامەسىندە بولىپ، زورلىقتى كۇش لاڭكەستىك قىلمىستىق ارەكەتتەرىن ورشەلەنە تۋدىرىپ، حالىقتىڭ قان قارىزىن ارقالادى.

    كونەلەردە «سايتان قاشان دا پەرىشتە كەيپىندە كورىنەدى» دەگەن ماتەل بار، شەكارا ءىشى–سىرتىنداعى «ءۇش ءتۇرلى كۇش» وتاندى بولشەكتەۋدەي سۇرقيا ماقساتتارىنا جەتۋ ءۇشىن، ۇلت، ءدىن تونىن جامىلىپ، تاريح پەن رەالدىقتى بۇرمالاپ، «پانسىلاميزم»، «پانتۇركيزم» يدەياسىن تاراتتى.

جاۋاپتى رەداكتور: گۇلدەن ماقسات قىزى