اۋلا شارۋاشىلىعىن دامىتۋعا دەم بەردى

  • كەلۋ قاينارى: ءتاڭىرتاۋ تورابى
  • 14:00:16 30/12/2017

    سەرىك يمانقان ۇلى حابارلايدى. جۋىق جىلداردان بەرى، وتىرىقتانعان مالشىلار پارتيامىزدىڭ ابزال ساياساتىنىڭ ارقاسىندا، بۇرىنعى توپىراعى وپىرىلىپ قالعان تام ۇيدەن قۇتىلىپ، پارتيا مەن ۇكىمەتتىڭ ارقاسىندا سالىپ بەرگەن قازىرگى بەيقۇت ۇيگە كوشىپ كىردى. تۇرمىستارى جىل سايىن جاقسارا ءتۇستى. قۇلشىنعاندارىنىڭ قورجىنى قازىناعا تولدى. جۇرەگى مەيىرگە تولى، نەگىزگى ساتىعا بارعان كادرلار ەڭبەك مايدانىندا بىرگە قۇلشىنىپ، ءبىر جاعادان باس، ءبىر جەڭنەن قول شىعارىپ، شارۋالاردىڭ بىتپەي جاتقان شارۋاسىنىڭ شالعايىن قايىرىسىپ، كوڭىلدەرىن توعايتىپ، تۇرمىستارىنا شاتتىق سيلادى.

    جاقىندا بۋرىلتوعاي اۋدانى شىعانجيدە اۋىلى شىعانجيدە قىستاعىنداعى قانات قۇرىلىسبەك ۇلىنىڭ اۋلاسىنا ادام لىق تولىپ، ەرتەمەن مۇندا جينالعان بولاتىن. ويتكەنى بۇل اۋلادا اۋىل باستىعى مەن اۋىل - قىستاق سەنىمدى امانات - قارىز كووپەراتيۆىنىڭ جاۋاپتى جولداستارى قىستاقتا قۇرىلعان ورگانيكالى كوكونىس جىلىجايىنان ۇلگى كورسەتۋ بازاسىنىڭ شىمدىلعىن اشتى.

    «ۇعىسۋ، تيىمدىلىك جاساۋ، توعستىرۋ» قيمىلى بويىنشا اۋىل - قىستاق سەنىمدى امانات - قازىز كووپەراتيۆىنەن تۇسكەن قىزمەت اترەتى ايماقتىق پارتكومنىڭ تالابى بويىنشا بازاردى بەتالىس ەتىپ، اۋىل شارۋاشىلىق كاسىپ قۇرىلىمىنا تەڭشەۋ جۇرگىزۋدى مىقتى ۇستاپ، شارۋالاردىڭ كىرىسىن ارتتىرۋدى وزەك ەتىپ، تۇرمىستىق قاجەتتەرىن ويداعىداي قاناعاتتاندىرۋ ءۇشىن، 2017 - جىلى قازان ايىندا شىعانجيدە قىستاعىنداعى قانات قۇرىلىسبەك ۇلى وتباسىنىڭ اۋلاسىندا اۋماعى 120 شارشى مەتر كەلەتىن ورگانيكالى كوكونىس جىلىجايىنان ۇلگى كورسەتۋ بازاسىن قۇردى، سونداي- اق شارۋالاردى جوعارى ساپالى، ۇستەمە قۇنى جوعارى كوكونىستەر ەگۋگە باستاپ، قىستاق كولەمىندەگى كەدەيلەردى اۋقاتتانۋعا تىزە قوسا ۇمتىلۋعا جەتەكتەدى.

    «ۇلگى كورسەتۋ بازاسى ءبىزدىڭ وتباسىمىزدىڭ اۋلاسىندا شاڭىراق كوتەردى، ءوزىمىز كوكونىس باپتاپ ەگەمىز، كوكونىس جىلىجايى جوقتان بار بولىپ، قورجىنىمىز قازىناعا تولاتىن بولدى، تۇرمىسىمىز جاقسارسا كوڭىلىمىز توق، ءومىرىمىز شاتتانادى»،- دەدى قۋانىشىن جاسىرا الماي قانات.

    ۇعىسۋعا قاراعاندا، بۇل قىستاقتاعى ورگانيكالى كوكونىس جىلىجايىنان ۇلگى كورسەتۋ بازاسى 2017 - جىلى قازان ايىندا قولعا الىنىپ، قاراشا ايىندا جۇمىسىن اياقتاتىپتى. يەلەگەن اۋماعى 120 شارشى مەتر، قوسىلعان قارجى 127 مىڭ يۋان ەكەن. ۇلگى كورسەتۋ بازاسى شارۋالاردىڭ اۋلا شارۋاشىلىعىن دامىتۋىن دەمەۋمەن بىرگە، تيپتىك ۇلگى كورسەتۋدى جەتەكشى ەتىپ، مايسا ينجەنەرياسىن، اۋلا شارۋاشىلىعىن، كەدەيلىكتەن قۇتىلدىرۋدان قامال الۋدى جەبەۋ رولىن اتقارىپ، شاعىن اۋلا شارۋاشىلىعى ارقىلى شارۋالاردى ەكونوميكالىق جاقتان ەڭسە كوتەرۋگە باستايدى ەكەن.

جاۋاپتى رەداكتور: گۇلدەن ماقسات قىزى