«بيىلعى قىس مەن ءۇشىن جىلى قىس بولدى»

  • كەلۋ قاينارى: شينجياڭ گازەتى سايتى
  • 14:04:35 30/12/2017

 □ءتىلشىمىز حان شينيان، ەرىكتى ءتىلشى جياڭ جۋانجۋان

 

    اۋلانى سىپىرۋ، ءۇي ءىشىن جيىستىرۋ، وت جاعىپ پەشتى قىزدىرۋ، بوستەكتەردى رەتتەپ قويۋ... 20 - جەلتوقسان تاڭ ءسارى، اقتاۋ اۋدانى ءۇجىما اۋىلى ءۇجىما قىستاعىنىڭ تۇرعىندارى قىزىلسۋ قىرعىز اۆتونوميالى وبلىستىق ساياسي كەڭەس ورگانىنان تۋىسشىلاي كەلەتىن كادرلاردى قارسى الۋدىڭ دايىندىعىن جاساۋدا.

    كۇن سۋىق، جول ۇزاق بولعانىمەن اتۇش قالاسىنان شىعىپ ءۇجىما قىستاعىنا تۋىسشىلاي كەلەتىن كادرلار جىلۋلىقتى جۇرەك تۇكپىرلەرىنەن سەزىندى.

    «توڭىپ كەلگەندە تۋىسىمىزدىڭ قۇيعان ءبىر شىنى ىستىق شايىن ءىشىپ، تۇلا بويىمىز جىلىنىپ راحاتتانىپ قالدىق»، - دەدى قىزىلسۋ وبلىستىق ساياسي كەڭەستىڭ باس حاتشىسى لي چياڭ.

    اماندىق سۇراسا كەلىپ، تۋىسى تۇقا يۇنىستىڭ تۇماۋراتىپ دەنە تەمپەراتۋراسىنىڭ جوعارىلاپ، ناۋقاستانىپ جۇرگەنىنە بىرنەشە كۇن بولعاندىعىن ەستىگەندە، لي چياڭ مەن ونىڭ قىزمەتتەستەرى الدارىنداعى اسقا قاراماي، تۇقا يۇنىستى ءۇجىما اۋىلدىق ەمحاناسىنا ناۋقاسىن تەكسەرتۋگە دەرەۋ الا جونەلدى.

    ءنومىر الۋ، قان الۋ، كەستە تولتىرۋ... وسىنىڭ بارىنە لي چياڭ زىر جۇگىرىپ كومەكتەسىپ، ونى شيپاحاناعا جاتىپ ەمدەلۋگە ورنالاستىردى.

    «سەندەي جان اشىر تۋىسىم بولعانى ءۇشىن، بيىل قىس ماعان ەرەكشە جىلى سەزىلدى»، - دەدى اۋىلدىق ەمحانانىڭ ناۋقاس توسەگىندە جاتقان تۇقا يۇنىس اپاي تەبىرەنگەن سەزىممەن.

    سول قىستاقتاعى وشۇر توقتىنىڭ وتباسىندا قىزىلسۋ وبلىستىق ساياسي كەڭەستىڭ ورىنباسار باس حاتشىسى شيە شياۋلي اشىق - جارقىن تۋىسىمەن بىرگە ءدامدى قۋىرماشتار قۋىرىپ، ءبىر ءۇيلى جان «ىنتىماق تاماعىن» ءىشىپ، ءماز - مەيرام بولىستى.

    «وشۇر، ماڭايداعى كورشى - قولاڭداردى شاقىرىپ بىرلەسكەن ويىن - ساۋىق قيمىلىن وتكىزسەك قايتەدى؟»، «جارايدى!». تاماقتارىن ءىشىپ بولىسىمەن شيە شياۋلي مەن وشۇر قيمىل وتكىزۋدىڭ قاربالاستىعىنا ءتۇستى.

    كوپ وتپەي ماڭايداعى كورشى - قولاڭداردىڭ ءبارى وشۇردىڭ وتباسىنا جيىلىپ، تۋىسشىلاي كەلگەن كادرلارمەن بىرگە وتىردى.

جاۋاپتى رەداكتور: گۇلدەن ماقسات قىزى