اۆتونوميالى رايوندا تۇڭعىش توپتا 2 اۋداننىڭ باقىلاۋ - تەكسەرۋ كوميتەتى ۆيۋەسكا اسىپ قۇرىلدى

  • كەلۋ قاينارى: شينجياڭ گازەتى سايتى
  • 22:06:56 30/12/2017

    ءتىلشىمىز جاۋ جىيۇڭ، ەرىكتى ءتىلشى چىن شۇي 28 - جەلتوقساندا ۇرىمجىدەن حابارلايدى. 28 - جەلتوقسان تۇستەن بۇرىن قىزىلسۋ قىرعىز اۆتونوميالى وبلىسى اقشي اۋداندىق باقىلاۋ - تەكسەرۋ كوميتەتى مەن بايىنعولين موڭعۇل اۆتونوميالى وبلىسى بۇگىر اۋداندىق باقىلاۋ - تەكسەرۋ كوميتەتى ۆيۋەسكا اسىپ رەسمي قۇرىلدى. بۇل − شينجياڭنىڭ مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ سىناق ءتۇيىنى قىزمەتىنە ماڭىزدى قادام تاستاعاندىعىنىڭ بەلگىسى. ەندى اۆتونوميالى رايون، ايماق، وبلىس، قالا، اۋدان، قالا، رايون دارەجەلى باقىلاۋ - تەكسەرۋ كوميتەتىن قۇرىپ ۆيۋەسكا اسۋ قىزمەتى ۇزدىكسىز ورىستەتىلەدى، رەفورما سىناق ءتۇيىنى قىزمەتى جەدەل ىلگەرىلەۋ ارناسىنا تۇسەدى.

    «باقىلاۋ - تەكسەرۋ كوميتەتىنىڭ مەڭگەرۋشىسى بولىپ سايلانعاننان كەيىن بورىشىمنىڭ داڭقتىلىعىن، مىندەتىمنىڭ ماڭىزدىلىعىن تەرەڭ سەزىندىم. ءتارتىپ تەكسەرۋ جانە مەملەكەتتىڭ باقىلاۋ - تەكسەرۋ فۋنكتسيالىق مىندەتىنە نەگىزدەلىپ، پارتيا ۋستاۆى، پارتيا ەرەجەسى، پارتيا ءتارتىبى تانىمىمدى جانە نەگىزگى زاڭ، زاڭ جونىندەگى تانىمىمدى كۇشەيتىپ، قىزمەت جاۋاپكەرشىلىگىمدى تارتىپكە، زاڭعا نەگىزدەلە ادا ەتىپ، رەفورما سىناق ءتۇيىنى مىندەتىن جان - جاقتى ورىنداپ، تولىمدى جاۋاپ بەرۋگە قۇلشىنامىن»، - دەدى 27 - جەلتوقساندا اقشي اۋداندىق 16 - كەزەكتى حالىق قۇرىلتايىنىڭ 3 - ماجىلىسىندە اۋداندىق باقىلاۋ - تەكسەرۋ كوميتەتىنىڭ مەڭگەرۋشىسى بولىپ سايلانعان، اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى ماينۇر ماقسۇت.

    ۇعىسۋعا قاراعاندا، باقىلاۋ - تەكسەرۋ كوميتەتى مەڭگەرۋشىسىنىڭ كورسەتۋىمەن، اقشي اۋداندىق حالىق قۇرىلتايى تۇراقتى كوميتەتى باقىلاۋ - تەكسەرۋ كوميتەتىنە 2 ورىنباسار مەڭگەرۋشىسىن جانە باقىلاۋ - تەكسەرۋ كوميتەتىنەن 2 مۇشە تاعايىندادى. جاڭادان تاعايىندالعان باقىلاۋ - تەكسەرۋ كوميتەتى القاسىنداعىلار توپتىق نەگىزگى زاڭعا سەرت بەردى. رەفورما سىناق ءتۇيىنىن اتقارۋ جوباسىنا ساي، اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى جۇمىستى بىرگە ورنالاستىرىپ، ىشكى جاقتان 9 قۇرىلىم قۇرۋدى تۇراقتاندىردى، مۇنىڭ ىشىندە ءتارتىپتىڭ اتقارىلۋىن باقىلايتىن جانە تەكسەرىپ انىقتايتىن قۇرىلىم 7. ءتارتىپ تەكسەرۋ كوميتەتى مەن باقىلاۋ - تەكسەرۋ كوميتەتىندەگى قىزمەتكەرلەر، جۇمىستار جان - جاقتى توعىستىرىلىپ، ءتارتىپ پەن زاڭ، زاڭ مەن زاڭ جان - جاقتى سايكەستىرىلىپ، ءىرىپ - شىرۋگە قارسى تۇرۋدىڭ شوعىرلى، ءبىر تۇتاس، بەدەلدى، جوعارى ءونىمدى مەحانيزمى قالىپتاستىرىلىپ، ۇكىمەت بيلىگىن جۇرگىزەتىن ۇكىمەت قىزمەتكەرلەرى جاپپاي باقىلاۋ - تەكسەرۋ كولەمىنە قامتىلادى.

    «قاراستىلىقتى وزگەرتۋ تەك جۇمىس ورنى مەن مەكەمە ورنىنداعى وزگەرىس، ءىرىپ - شىرۋگە قارسى تۇرۋ بورىشى ەش ۋاقىتتا دا وزگەرمەيدى. قاراستىلىعى وزگەرتىلگەن كادر سالاۋاتىممەن، قىزمەتتىك قىلمىستى تەكسەرىپ ءبىر جايلى ەتۋ جاعىنداعى كاسىپتىك ارتىقشىلىعىمدى ساۋلەلەندىرىپ، جاڭا قىزمەت ورنىمدى تياناق ەتىپ، جاڭا ورتامەن توعىسىپ، ءىرىپ - شىرۋگە قارسى تۇرۋ كۇرەسىندە ءبىر جولاتا جەڭىسكە جەتۋ جولىندا تىڭ ۇلەس قوسۋعا قۇلشىنامىن»، - دەدى بەرىك سەنىممەن بۇگىر اۋداندىق حالىق پروكۋراتۋراسىنىڭ قاراستىلىعى وزگەرتىلگەن كادرى تۇرسۇن وسمان.

جاۋاپتى رەداكتور: گۇلدەن ماقسات قىزى