نىلقى اۋدانى «تۋىستار اپتالىعى» قيمىلىمەن سايكەستىرە «التىنى جەتكىزۋ» قيمىلىن دابىرالى ورىستەتتى

  • كەلۋ قاينارى: شينجياڭ زاڭ جانە تۇرمىس گازەتى
  • 03:06:36 02/01/2018

 

    8-جەلتوقسان كۇنى، اۆتونوميالى رايوننىڭ ۇلتتار ىنتىماعى بەرەكەلى شاڭىراعى اتىنداعى«تۋىستار اپتالىعى» قيمىلىن ورىستەتۋ اتتانىسقا كەلتىرۋ جيىنى اشىلعان سوڭ، نىلقى اۋداندىق پارتكوم، ۇكىمەت بەلسەنە ءۇن قوسىپ، تەز ارادا اتتانىسقا كەلۋ، ورنالاستىرۋ، دايەكتىلەندىرۋ قىزمەتىن مىقتى ۇستاپ، ءار دارەجەلى كادرلاردى تۋىستارىن ىزدەپ، ولارمەن تاماقتانۋدا، ەڭبەكتە، ۇيرەنۋدە بىرگە بولۋعا، پارتيا 19-قۇرىلتايىنىڭ رۋحىن ۇگىتتەۋگە، سول ارقىلى ءار دارەجەلى كادرلار مەن بۇقارانىڭ ەتەنە قاتىناستا بولۋىن كۇشەيتىپ، شيىنجياڭنىڭ قوعام ورنىقتىلىعى مەن باياندى تىنىشتىعى ءۇشىن ءوز ۇلەسىن قوسۋعا جۇمىلدىردى.

    نىلقى اۋداندىق پارتكوم ۇگىت ءبولىمى اۋداندىق ساياسي _ زاڭ كوميتەتى، پارتيا مەكتەپ، راديو _ تەلەۆيزيا مادەنيەت دەنە _ تاربيە مەكەمەسى، عىلىم –تەحنيكا مەكەمەسى جانە اۋىل - شارۋاشىلىق مەكەمەسى قاتارلى قاتىستى مەكەمە ورىنداردى ۇيىمداستىرىپ، نىلقى اۋدانداعى 13 اۋىل، قالاشىق، فەرمالاردا «تۋىستار اپتالىعى» قيمىلىمەن بىرلەستىرە وتىرىپ، يدەيالىق تاربيە جۇرگىزۋ، زاڭ – ءتۇزىم جەتكىزۋ، تەحينكا، مادەنيەت، دەنساۋلىق ساقتاۋ بىلىمدەرىن جەتكىزۋ، مەيىر –شاپاعات جەتكىزۋ سىندى «التىنى جەتكىزۋ» قيمىلىن دابىرالى ورىستەتتى.

    قيمىىل كەزىندە اۋداندىق عىلىم _ تەحنيكا مەكەمەسىنىڭ قىزمەتكەرلەرى حالىق بۇقاراسىنا عىلىم -تەحنيكالىق بىلىمدەردەن ۇگىت جاسادى ءارى ۇگىت كىتاپتارىن تاراتتى، كىتاپحانا قىزمەتكەرلەرى پارتيا 19-قۇرىلتاي رۋحى مازمۇنىنداعى گازەتتەر مەن كىتاپتاردى تاراتىپ بەردى، پارتيا مەكتەپتىڭ وقىتۋشىلارى 19-قۇرىلتاي بايانداماسى جانە ۇلتتار ىنتىماعىنىڭ ماڭىزدىلىعى جونىندە لەكسيا جاساپ، ءار ۇلت بۇقاراسىنىڭ پارتيا 19-قۇرىلتاي بايانداماسىن تەرەڭدەي تۇسىنۋىنە نەگىز قالادى. سونان اۋداندىق دەنساۋلىق ساقتاۋ سالاسىنداعى دارىگەرلەر بۇقارانىڭ دەنساۋلىعىن اقىسىز تەكسەردى. اۋداندىق ءان –ءبي ۇيىرمەسى پارتيانى، ۇلتتار ىنتىماعىن جىرلاۋ مازمۇنىنداعى ويىن نومىرلارىن قويىپ، پارتيانىڭ 19 - قۇرىلتاي رۋحىن باي مازمۇندى كوركومونەر قيمىلدارى ارقىلى جەتكىزدى. بۇل رەتكى قيمىلعا قاتىناسقان بۇقارالار «قازىر پارتيا مەن مەملەكەتتىڭ حالىق تۇرمىسىنا جەتكىزگەن ءتيىمدى ساياساتى بارعان سايىن كوبەيىپ كەلەدى، تۇرمىسىمىزدا دا زور وزگەرىستەر بولۋدا، ءتۇرلى ءتيىمدى ساياساتتار ءار بۇقارانىڭ ۇيىنە دەيىن ۇگىتتەلىپ جەتۋدە»، _ دەستى. حالىقتىڭ پارتياعا العىس ايتۋ، پارتياعا ماڭگى ىلەسۋ سەنىمدەرى ءتىپتى دە بەكەمدەلە ءتۇستى.

    قاراتوبە اۋىلى قاراوي قىستاق كادرى باقىتگۇل ماتكەرىم قىزى تىلشىگە: اۋداندىق پارتيا مەكتەپتىڭ وقىتۋشىسى تۇرسىنجان مۇعالىم قىستاعىمىزعا كەلىپ 19-قۇرىلتاي رۋحىنان ۇگىت لەكسيا جاسادى، لەكسيا مازمۇنىن حالىق تۇسىنەتىندەي ۇعىنىقتى تىلدە جاندى مىسالدارمەن ۇعىندىردى، بۇدان كەيىن قىستاق كادىرى بولعان بىزدەر 19-قۇرىلتايدا العا قويعان شارالاردى ۇگىتتەپ، تاياناقتاندىرۋعا كۇش سالامىز، جاڭا داۋىردە جاڭاشا قاداممەن ىلگەرىلەپ، ۇلتتار ىنتىماعىن قورعاپ، كاسىپتەنىپ، كەدەيلىك قيىنشىلىعىنان ەرتەرەك قۇتىلۋعا قۇلشىنامىز، _ دەدى.

    گۇليا ورالبەك قىزى

جاۋاپتى رەداكتور: جازيرا بولاتباي قىزى