مادەني كوڭىل اشۋ قىيمىلى كادرلارمەن جۇپتاسىپ تۋىستاسقان وتباسىلارى اراسىنداعى بەرەكە _ بىرلىك پەن تۇسىنىكتى تەرەڭدەتتى

  • كەلۋ قاينارى: شينجياڭ زاڭ جانە تۇرمىس گازەتى
  • 03:07:41 02/01/2018

  

    كۇنەس اۋداندىق ءتارتىپ تەكسەرۋ كوميتەتىنىڭ باقىلاۋ مەكەمەسى «تۋىستاسۋ اپتالىعى» قيمىلىن وراي ەتىپ، بەستوبە اۋىلى قاراعاشتى قىستاعىندا قىزىقتى مادەني كوڭىل اشۋ قيمىلى جانە ىسپورت جارىسىن وتكىزىپ، كادرلارمەن جۇپتاسىپ تۋىستاسقان وتباسىلارى اراسىنداعى بەرەكە _ بىرلىك پەن تۇسىنىكتى تەرەڭدەتتى.

    قيمىلدا كادرلار مەن تۋىستاسقان وتباسىلار بىرلىكتە اياقتارىن جۇپتاپ بايلاپ جۇگىرۋ، كەنگىرۋشە سەكىرىپ جۇرۋ، ارقان تارتۋ سياقتى قىزىقتى جارىس تۇرلەرىنە قاتىناستى، مۇنداي ەرەكشە تاسىلمەن ۇلتتار ىنتىماعىنىڭ بەرەكەلى شاڭىراقتارىنىڭ شاتتىققا تولى دۋماندى ورتاسى جاراتىلدى، جارىس ورنىندا كوپشىلىك دەنەتاربيە، كوڭىل اشۋ قيمىلىنا بەلسەنە قاتىناستى.

    كۇنەس اۋدانى بەستوبە اۋىلى قاراعاشتى قىستاعىنىڭ تۇرعىنى جاڭ مينجيە تىلشىگە: ەكى كۇننىڭ الدىندا تۋىسىم وتباسىمىزعا كەلدى، ونىڭ ادەتتە قىزمەتى قاربالاس بولسا دا بىزبەن بىرلىكتە وسىندا ۇزاق ۋاقىت بىرگە تۇردى، ءبىز وتە كوڭىلدىمىز، بۇگىن ول ءبىزدى وسى قىزىقتى دەنەتاربيە، كوڭىل اشۋ قيمىلىنا قاتىناسۋعا شاقىردى، مازمۇنى باي قيمىلعا بىرلىكتە قاتىناستىق، مۇنداي قيمىلداردىڭ بۇدان كەيىن دە كوبىرەك وتكىزىلۋىن، ءوزارا سۇيىسپەنشىلىگىمىزدىڭ ءتىپتى دە نىعايا ءتۇسۋىن ءۇمىت ەتەمىن، _ دەدى.

    قيمىلدا جانە بەستوبە اۋىلدىق ەمحاناسىنىڭ ەمدەۋ قىزمەتكەرلەرى كوپشىلىككە اقاۋسىزدىق بىلىمدەرى تۋرالى لەكسيا جاسادى، بۇل رەتكى قيمىل كادرلار مەن بۇقارانىڭ كاسىپتەن سىرتقى مادەني كوڭىل اشۋ تۇرمىسىن بايىتا تۇسۋمەن بىرگە، كادرلار مەن تۋىسقاندار اراسىنداعى قىزۋ سۇيىسپەنشىلىكتى نىعايتىپ، مەجەدەگى ونىمدىلىكتى قولعا كەلتىردى.

    كۇنەس اۋداندىق ءتارتىپ تەكسەرۋ كوميتەتى باقىلاۋ مەكەمەسىنىڭ ورىنباسار باستىعى گۇلشات قۇرمانبەك قىزى تىلشىگە: ءتارتىپ تەكسەرۋ كوميتەتىنىڭ باقىلاۋ مەكەمەسى، اۆتونوميالى رايوننىڭ ۇلتتار ىنتماعىنىڭ بەرەكەلى شاڭىراعى «تۋىستاسۋ اپتالىعى» قيمىلىنىڭ ءبىر تۇتاس ورنالاستىرۋى بويىنشا، ءبىز قاراعاشتى قىستاعىنداعى جۇپ قۇراپ، تۋىستىق قاتىناس ورناتقان وتباسىلارمەن ىشكەرىلەي ارالاسىپ، ولارمەن بىرگە تۇرىپ، بىرلىكتە تاماقتانىپ، بىرگە جۇمىس ىستەدىك. اسىرەسە بۇگىن قىزىقتى دەنەتاربيە جارىسى قيمىلى تۋستاسقان وتباسى مۇشەلەرىنىڭ بەرەكە _ بىرلىگىن كۇشەيتىپ، ءبىزدىڭ كوڭىلىمىزدى توعىستىرىپ، سۇيىسپەنشىلىگىمىزدى تەرەڭدەتتى، _ دەدى.

    ايقىن ورىنبەك ۇلى

جاۋاپتى رەداكتور: جازيرا بولاتباي قىزى