پارتيا 19- قۇرىلتايىنىڭ رۋحىن ءار ۇلت جۇرتشىلىعىنىڭ كوكەيىنە تەرەڭ ۇيالاتۋعا قۇلشىندى

  • كەلۋ قاينارى: شينجياڭ زاڭ جانە تۇرمىس گازەتى
  • 03:08:39 02/01/2018

 

    نىلقى اۋدانىنىڭ ءارقايسى اۋىل، قالاشىق، فەرمالارى ۇگىت مازمۇنى مەن فورماسىنا جاڭالىق ەنگىزىپ، نەگىزگى ساتى ۇگىتشىلەرىن، اقىنداردى، ات جالىنداعى ۇگىت گرۋپپاسىنداعى ۇيىمداستىرىپ، بۇقارا قىزعىن قابىلدايتىن الۋان ءتۇرلى، باي مازمۇندى فورمالار ارقىلى قىستاقتارداعى شارۋالار مەن وتارداعى مالشىلارعا دەيىن ۇگىت قيمىلىن كەڭ كولەمدە ورىستەتىپ، پارتيا 19- قۇرىلتايىنىڭ رۋحىن ءار ۇلت جۇرتشىلىعىنىڭ كوكەيىنە تەرەڭ ۇيالاتۋعا قۇلشىندى.

    مىس اۋىلىنداعى نەگىزگى ساتى ۇگىتشىلەرى مەن اتتىلى ۇگىت گرۋپپاسىنداعى ءارقايسى قىستاقتاعى شارۋالار مەن وتارداعى مالشىلارعا دەيىن پارتيا 19- قۇرىلتايىنىڭ تاقىرىبىن، اۋەلگى ماقساتىن، پارتيا 18 _ قۇرىلتايىنان بەرگى پارتيا مەن مەملەكەت ىستەرىندە تۋىلعان تاريحي وزگەرىستەردى، جاڭا داۋىردەگى ەلىمىز قوعامىنداعى باستى قايشىلىقتى، «قوس 100 كۇرەس نىساناسىن»، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ مازمۇندارىن شارۋالارعا تۇسىنىكتى سوزدەرمەن تاپتىشتەي بايىمدادى.

    ءبيعايشا توقتاسىن قىزى: «پارتيا 19- قۇرىلتايىنىڭ ماڭىزدى مازمۇنىن تەرەڭ ءتۇسىندىم، ۇيرەنگەن مازمۇنداردى ناقتى قىزمەتپەن تىعىز ۇشتاستىرىپ، ءوز قىزمەت مىندەتىم مەن جاۋاپكەرشىلىگىمدى ويداعىداي ادا ەتىپ، پارتيا 19- قۇرىلتايىنىڭ رۋحىن شىنايى تياناقتاندىرۋعا كۇش سالامىن. اۋىلىمىزدىڭ قوعام ورنىقتىلىعى مەن باياندى تىنىشتىعىن قورعاۋعا، ەكونوميكاسى مەن قوعامدىق ىستەرىنىڭ دامۋىنا ءوز ۇلەسىمدى قوسامىن،» - دەدى.

    مىس اۋىلى ۇتى قىستاعىنىڭ پارتيا ياچەيكا شۋجيى، قىستاق باستىعى سەرىك ءابدىرامان ۇلى: «قازىر قىستىڭ سايابىر مەزگىلى، وسى ورايدى مىقتى يگەرىپ، قىستاعىمىزداعى ءار ۇلت شارۋالارىن پارتيا 19- قۇرىلتايىنىڭ رۋحىن ۇيرەنۋگە ۇيىمداستىرىپ، قۇرىلتاي رۋحى جونىندەگى ۇگىت قيمىلىن كەڭ كولەمدە ورىستەتۋمەن بىرگە، اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇقاراعا ويداعىداي قىزمەت ەتۋگە، سونداي- اق، بۇقارانىڭ ءتول مۇددەسىنە قاتىستى بولعان كەلەر جىلعى ءوندىرىس جوسپارىن ويداعىداي جاساپ، قىستاعىمىزداعى ءار ۇلت جۇرتشىلىعىنىڭ باي - باقىتتى، شالقىعان داۋلەتتى تۇرمىسقا كەنەلۋىنە تاماشا - شارت جاعداي ازىرلەۋگە كۇش سالامىز،»-دەدى.

 

    ەركىنبەك وكەن ۇلى

جاۋاپتى رەداكتور: جازيرا بولاتباي قىزى