اۋىل – قىستاق جاستار قىزمەتىن جانداندىرۋ كوكەيتەستى كەلەلى مىندەت

  • كەلۋ قاينارى: شينجياڭ زاڭ جانە تۇرمىس گازەتى
  • 03:18:43 02/01/2018

       ەرباقىت قابدەش ۇلى

 

    جاستار قوعامنىڭ كەلەشەگى، الداعى جارقىن بولاشاق جاستارعا ءتان، جاستاردىڭ احىلاق، اقىل – وي، دەنە جاقتان ساۋ بولىپ جەتىلۋى قوعامنىڭ تۇپكىلىكتى قاجەتى. ويتكەنى ولار بۇگىنگى وسىزاماندانۋ جورىعىنىڭ جاۋىنگەرلەرى. قازىر كوپتەگەن جاستار قوعامنىڭ سان – سالالى ورىندارىندا قىزمەت ەتۋدە. ال اۋىل – قىستاق جاستارىنىڭ دەنى باستاۋىش مەكتەپ تاۋىسقاندار، باسقا سالا جاستارىنا قاراعاندا، ولاردىڭ ءبىلىم ورەسى تومەن، ءوندىرىس تەحنيكاسى دا ايتارلىقتاي جەتىلمەگەن، وسىنداي اۋىل – قىستاق جاستارىنىڭ يدەياسىندا «قوعامعا شىقتىق، ەندى ءوزىمىز ءبي، ءوزىمىز قوجا» دەيتىن جاڭساق تانىم بەلەڭ بەرىپ، جازدىڭ 3 تە 4 ايىندا عانا ەڭبەك ەتىپ، باسقا ۋاقىتتارىن بوس وتكىزەتىن جالقاۋلىق؛ اراق ءىشىپ سەندەلەتىن سەرگەلدەڭدىك؛ وزگەنىڭ قۋانىشىنا قاساقانا كولدەنەڭ بولاتىن بەيباستاقتىق؛ باسقالاردىڭ مال - مۇلكىنە كوز قىزارتاتىن سۋىق قولدىلىق سياقتى قوعامعا زاردابى اۋىر ىستەر نەگىزىنەن جاستار اراسىندا كوپ بەلەڭ بەرۋدە. مۇنداي جاعدايدىڭ ءجيى تۋىلىپ وتىرۋىنىڭ باستى قاينارى __ اۋىل – اۋىل قىستاق جاستار قىزمەتىنىڭ جاندى جۇرىلمەۋىندە نەمەسە كەمەلدەنبەۋىندە. سوندىقتان اۋىل – قىستاق جاستار قىزمەتىن بۇكىل قىستاق قىزمەتىنىڭ ىشىندەگى ماڭداي الدى ورىنعا قويىپ، دەن قويا جۇرگىزۋ كەرەك. مەن اۋىل – قىستاق جاستار قىزمەتىن پارمەندى جۇرگىزۋ جونىندە ءوز ويىمدى كوپپەن ورتاقتاستىرماقپىن.

    1. اۋىل – قىستاق جاستارىنا بولعان ۇيىمدىق تاربيەنى جۇيەلەندىرۋ، كۇشەيتۋ كەرەك.

    اۋىل - قىستاق جاستارىنىڭ باسىم كوبى وداق مۇشەلەرى، سوندىقتان قىستاق پارتيا ياچەيكاسى مەن جاستار وداق ياچەيكاسى تىعىز سايكەسىپ، جوسپار بويىنشا بوس ۋاقىتتاردان ۇتىمدى پايدالانىپ، جاستار ورتاسىنا ۇيىمدىق تاربيەنى قانات جايدىرۋ كەرەك. مۇندا نەگىزىنەن ۇيىمدىق جيىن، بۇقارالىق جيىن، قىستاق كادرلار جيىنى سياقتى قوعامدىق ۇيىسۋلاردان تولىق پايدالانىپ، ۋستاۆ ۇيرەنۋ، گازەت – ماتەريالدار ۇيرەنۋ ارقىلى ولارعا قازىرگى ماڭىزدى ساياسي مىندەت بولعان قوعام ورنىقتىلىعىن ساقتاۋ، جاراسىمدى قوعام قۇرۋ ساياساتىنىڭ ءمانى مەن ناتيجەسىن تەرەڭ ءتۇسىندىرۋ، جاستاردى بازار شارۋاشىلىعىنا بەت الدىرۋ سىندى ۇگىت قىزمەتىن پارمەندى جۇرگىزۋ كەرەك.

    2. جاستار ورتاسىندا زاڭدىق تاربيەنى كۇشەيتۋ كەرەك.

    جاڭادان مەكتەپ قۇشاعىنان قايتقان اۋىل – قىستاق جاستارىنىڭ زاڭدىق ورەسى وتە تومەن، ولار قوعامداعى جاقسى مەن جاماندى ايقىن ايىرىپ جاتپاستان، وڭاي وزدەستىرىپ الادى. سوندىقتان قىستاق ەكى كوميتەت باسشىلىق القالارى جاستاردىڭ زاڭدىق كوزقاراسىن جەتىلدىرۋدى كوزدە ۇستاي وتىرىپ، اۋىل جانە اۋداندىق زاڭ ورگاندارىنان ارناۋلى ادامداردى ءار ۋاقىت ۇسىنىس ەتىپ، جاستارعا زاڭ بىلىمدەرىنەن لەكسيا سويلەتىپ، زاڭدىق تاربيەنىڭ جۇرىلۋىنە جەتەكشى بولۋ كەرەك.

جاۋاپتى رەداكتور: جازيرا بولاتباي قىزى