شومبال شوپاندار مال شارۋاشىلىق بىلىمىنەن ساباق الدى

  • كەلۋ قاينارى: ءتاڭىرتاۋ تورابى
  • 10:20:43 02/01/2018

    

    سەرىك يمانقان ۇلى حابارلايدى. جاقىندا بۋرىلتوعاي اۋدانى قاراماعاي قالاشىعى سارى تال قىستاعىنىڭ جيىن زالى ادامعا لىق تولدى. ويتكەنى وسى قىستاققا التاي ايماعى پروكۋراتۋرا مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تۇسكەن قىزمەت اترەتى «تۋىستاسۋ اپتالىعى» قيمىلىنىڭ ءمانىن ارتتىرىپ، ءتۇرلى تەحنيكالىق ونەردى، قۇرىلتاي رۋحىن شارۋالار جۇرەگىنە ويداعىداي جەتكىزۋ ءۇشىن كوزالداعى قىسقى سايابىر ۋاقىتىنان ۇتىمدى پايدالانىپ، مال شارۋاشىلىق وڭىردەگى مالشىلاردىڭ مال تابىن عىلمي جولمەن باسقارۋ، ءوندىرىس، تۇرمىس ءتاسىلىن جاقسارتۋ جونىندە ءبىر رەتكى مال شارۋاشىلىق ماماندارىنىڭ عىلمي ساباعىن ورنالاستىردى. مال شارۋاشىلىق ماماندارىنىڭ قىستاققا كەلگەندىگىنەن حاباردار بولعان بۇقارا ەرتەمەن بۇل قىستاق كوميتەتىنىڭ جيىن زالىنا جينالعان بولاتىن.

    التاي ايماقتىق مال شارۋاشىلىق - مال شيپاگەرلىك ارناۋلى مەكتەبىنىڭ وقىتۋشىسى روزا سارى تال قىستاعىنداعى بۇقاراعا قاراپايىم دا ۇعىنىقتى تىلمەن مال باعىمشىلىعى جانە ىندەتتىڭ الدىن الۋ تەحنيكاسى جونىندە لەكسيا جاسادى ءارى جەكە - جەكە مال باعىمشىلىق تەحنيكاسى، مالدا كوپ كەزىگەتىن ىندەتتەر، مال ىندەتىنەن ساقتانۋ تەحنيكاسى، قىس ماۋسىمىنداعى ىندەتتەن ساقتانۋ باعىمشىلىق ءادىسى سياقتى تەحنيكالارعا جانە ناقتىلى تاجىريبەلەرگە جان - جاقتىلى تۇسىنىك جاسادى، تىكەلەي جەتەكشىلىك ەتتى، سونىمەن بىرگە مالشى بۇقارامەن پىكىر الماستىرىپ، ولاردىڭ ورتاعا قويعان ماسەلەرىنە ەگجەي - تەگجەيلى جاۋاپ بەردى.

    التاي ايماقتىق پروكۋراتۋرا مەكەمەسىنەن وسى قىستاققا تۇسكەن قىزمەت اترەتى مالشى قاۋىمىن تەحنيكالىق ونەرگە باۋلۋ ارقىلى ولارعا ءار تۇلىك مالدا بولاتىن ىندەتتەر جونىندەگى بىلىمدەردەن حاباردار ەتىپ، وزىق ۇيرەنۋ ادىستەرىن ۇيرەتۋ ارقىلى مالشىلاردىڭ باي - باقىتتى زامانعا بولعان سەنىمدەرىن بەكەمدەي ءتۇستى، سونىمەن بىرگە قۇرىلتايدىڭ رۋحىن اناعۇرلىم جاقسى تياناقتاندىرۋ ءۇشىن ءتۇرلى ۇگىت ماتەريالدارىن تاراتىپ، قىستاقتا ۇيرەنۋدىڭ تىڭ ورلەۋىن كوتەرىپ، بۇقاراعا ەگجەي - تەگجەيلى ءتۇسىندىرىپ، جۇرت كوڭىلىنە تەرەڭ ۇيالاتتى.

    اۋىلدىڭ قارتى قابدىراحىمان: «مال شارۋاشىلىق كاسىبىنىڭ ماماندارى بىزگە باعىمشىلىق تەحينكالارىن ۇيرەتتى، سونىمەن بىرگە قورا - قالتقىداعى مال تابىنىنا بارىپ كوكەيىمىزدەگى قولامتالى تۇيىندەردى اشالاپ ءتۇسىندىردى، مال باعىمشىلىعى جايىندا كوپتەگەن وزىق ۇيرەنۋ ادىستەرى مەن تاجىريبەلەرىن قابىلدادىق»،- دەدى.

 

    ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور: گۇلدەن ماقسات قىزى