«ول ءبىزدىڭ جان اشىر جاقىنىمىز»

  • كەلۋ قاينارى: شينجياڭ گازەتى سايتى
  • 10:37:38 03/01/2018

 تىلشىلەرىمىز حان لياڭ، ياۋ گاڭ

 

    «قابىلعازى اعاي، جىلۋ جابدىقتارىن اكەلدىم». 16 - جەلتوقساندا ياڭ جۇڭپيڭ جۇك تاسيتىن اۆتوموبيلمەن بۇراتالا قالاسى شياۋيىڭپان قالاشىعى تولبۇلاق باتىس قىستاعىنىڭ تۇرعىنى قابىلعازى بايەدىل ۇلىنىڭ ۇيىنە كەلدى.

    بۇراتالا قالاسى قوعامدىق ساقتاندىرۋ مەكەمەسىنىڭ تولبۇلاق باتىس قىستاعىندا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تۇرعان قىزمەت اترەتىنىڭ باستىعى، قىستاقتىڭ ءبىرىنشى شۋجيى 2016 - جىلى قابىلعازىمەن تۋىستاسقان ەدى. اۆتونوميالى رايون ۇلتتار ىنتىماعى «تۋىستاسۋ اپتالىعى» قيمىلىن ورىستەتكەننەن كەيىن، ياڭ جۇڭپيڭ دەرەۋ تۋىسىنىڭ ۇيىنە بارىپ ولارمەن بىرگە تۇردى.

    قابىلعازى شىت جاڭا جىلۋ جابدىقتارىنا قاراپ تۇرىپ تەبىرەنە: ياڭ جۇڭپيڭ وتكەننەن بەرى ۇيىمىزدەگى كونەرگەن جىلۋ جابدىعىن الماستىرىپ بەرەمىن دەگەن، مىنە ەندى ءوزى قارجى شىعارىپ جىلۋ جابدىقتارىن اكەلىپتى، - دەدى.

    ءسوز كەزەگىندە قابىلعازىنىڭ جۇبايى كەمەلقان توقتاسىن قىزى: ياڭ جۇڭپيڭنىڭ كومەگى بولماسا، جۇبايىما وپەراتسيا جاساتۋ قاراجاتىن تولىق تابا المايتىن ەدىم، ول ءبىزدىڭ جان اشىر جاقىنىمىز، - دەدى. 2017 - جىلدىڭ باسىندا، قابىلعازىنىڭ باۋىر راگىنا شالدىققانى انىقتالادى، مۇنان حابار تاپقان ياڭ جۇڭپيڭ وعان ەمدەۋگە بەلسەنە سايكەسۋىن ايتادى. ياڭ جۇڭپيڭ: قابىلعازى اعاي ەمدەلۋ قاراجاتىنان قىسىلعاندا مەن وعان جاڭاشا اۋىل - قىستاق سەلبەسىپ ەمدەلۋىنە قاتىستى ساياساتتاردى انىق تۇسىندىرگەننەن كەيىن الاڭسىز ەمدەلدى، - دەدى. ياڭ جۇڭپيڭ جانە ونىڭ اۋىر ناۋقاسقا بەرىلەتىن قوسىمشا قاراجاتتى ءوتىنىش ەتۋىنە كومەكتەسۋمەن بىرگە، قىستاقتاعىلاردى جىلۋ اتاۋعا جۇمىلدىرادى.

    قىزمەت اترەتى مەن قىستاق تۇرعىندارىنىڭ كومەگىندە، قابىلعازى وپەراتسيا جاساتىپ ەمدەلۋ ارقىلى ساۋىعادى. قابىلحازى سياقتى كەدەي وتباسىلارعا قاراتا ياڭ جۇڭپيڭ قىزمەتتەستەرىنە جىلۋ اتاپ شوجە ساتىپ الىپ بەرىپ كومەكتەسۋگە جۇمىلدىرادى. ياڭ جۇڭپيڭ: قىستاق تۇرعىندارىنىڭ تاۋىق باعۋ ادەتى بار، ساۋداگەرلەر سىرت جەرلەردەن ارناۋلى كەلىپ، جوعارى باعادا ساتىپ الادى، مەن قىستاق تۇرعىندارىنا تاۋىق باقتىرۋ ارقىلى كەدەيلىكتەن ەرتە قۇتىلۋىنا كومەكتەسەمىن، - دەدى. جۋىقتان بەرى ياڭ جۇڭپيڭ اۋدان قالاشىعىنان قابىلعازىنىڭ ۇلىنا ىستەيتىن جۇمىس قاراستىرۋدا. «ورنىقتى قىزمەت بولسا، ولاردىڭ كەدەيلەكتەن قۇتىلۋى كەپىلدىككە يە بولادى»، - دەيدى ياڭ جۇڭپيڭ.

جاۋاپتى رەداكتور: گۇلدەن ماقسات قىزى