جانبۇلاق كورىنىس ءوڭىرىنىڭ «دارەتحانا توڭكەرىسى» ساياحاتشىلارعا قولايلىلىق تۋدىردى

  • كەلۋ قاينارى: شينجياڭ گازەتى تورابى
  • 10:14:47 04/01/2018

  

 

    ەرىكتى تىلشىلەر باي يۇنفىڭ، ما ۋەيحۇڭ شونجىدان حابارلايدى. 7 - جەلتوقساندا شىنياڭدىق ساياحاتشى جاۋ يۋەۋەي جانبۇلاق كورىنىس ءوڭىرىنىڭ قىسقى كورىنىسىن تاماشالاپ عانا قالماستان، ونىڭ ۇستىنە ورتاسى رەتتى دە تازا، ءتۇرلى قۇرىلعىلارى تولىق، جۇلدىز دارەجەلى ساياحات دارەتحاناسى دا وعان وتە قولايلى، جانىنا جايلى سەزىلدى. ول: بۇل رەت كەلگەندە جانبۇلاق كورىنىس ءوڭىرىنىڭ قۇرىلعىلارى ءبىرشاما تولىق، اسىرەسە، دارەتحانالارى ءبىز ساياحاتشىلارعا وتە قولايلى ەكەنىن بايقادىم، - دەدى.

    ساياحاتتاعى ۇساق بۋىندار كىشى - گىرىم ءىس ەمەس. سوڭعى جىلدارى جانبۇلاق كورىنىس ءوڭىرى دارەتحانا قۇرىلىسىنا ايرىقشا ءمان بەرىپ، 2017 - جىلى تۇتاس كورىنىس وڭىرىندە ساياحات «دارەتحانا توڭكەرىسىن» جۇرگىزىپ، 2 ميلليون 622 مىڭ يۋان قارجى قوسىپ، جاڭادان جۇلدىز دارەجەلى 3 ساياحات دارەتحاناسىن سالىپ، 2 دارەتحانانى جاڭالادى. ءار دارەتحانادا ىلگەك، دارەت قاعازى قوندىرعىسى، قاعاز شارباق، اۆتوماتتى كەپتىرگىش جانە مۇمكىندىگى شەكتەۋلى جاندارعا، قارتتارعا، بالالارعا ارنالعان ارناۋلى ورىن دايىندادى، وسىنداي ۇساق بۋىندار قولايلى قىزمەت كورسەتۋدى اڭعارتادى.

    جانبۇلاق كورىنىس ءوڭىرىن باسقارۋ كوميتەتىنىڭ مەڭگەرۋشىسى جە جۇنۋىن: جانبۇلاق كورىنىس ءوڭىرى اۋەلگى 13 دارەتحانا نەگىزىندە، 2017 - جىلى جاڭادان 3 دارەتحانا سالدى، ونىڭ ۇستىنە جاڭا سالىنعان 3 دارەتحاناعا ەڭ جاڭا ولشەم بويىنىشا «3 - تۇردەگى تازالىق ءۇيىن» ورنالاستىرىلىپ، ساياحاتشىلاردىڭ قاجەتىن اناعۇرلىم ويداعىداي قاناعاتتاندىردى، - دەدى.

    ۇعىسۋعا قاراعاندا، جانبۇلاق كورىنىس ءوڭىرى 2018 - جىلى 3 ميلليون يۋان قارجى قوسىپ، جاڭادان جۇلدىز دارەجەلى 4 ساياحات دارەتحاناسىن سالۋدى، 13 دارەتحانانى جاڭالاۋدى، تۇگەلدەي A5 دارەجەلى كورىنىس ءوڭىرى ولشەمى بويىنشا وزگەرتۋدى ءارى قاجەتكە قاراي جاڭادا سالىناتىن(جاڭالاناتىن، كەڭەيتىلەتىن) الەۋمەتتىك دارەتحانا سانىن دەر كەزىندە تولىقتاۋدى، ۇستەمەلەۋدى جوسپارلاپ، كورىنىس ءوڭىرىن ساياحاتشىلاردىڭ جايلى بەكەتىنە اينالدىرادى ەكەن.

    اۋدارعان: قۇرمەت سارسەنباي قىزى (پراكتيكانت)

جاۋاپتى رەداكتور: گۇلدەن ماقسات قىزى