رايونىمىز تۇرلىشە دارەجەدەگى ەمدەۋ قۇرىلىمدارى دياگنوز قوياتىن، ەمدەيتىن اۋرۋ تۇرلەرىنىڭ تىزىمدىگىن جاريالادى

  • كەلۋ قاينارى: شينجياڭ گازەتى تورابى
  • 10:21:54 04/01/2018

    

    يقۋاتتىق ورنى ناقتىلاندىرىلىپ، دارەجەگە ءبولىپ دياگنوز قويۋ، ەمدەۋ ىلگەرىلەتىلەدى

 

    ءتىلشىمىز چاۋ جين 2 - قاڭتاردا ۇرىمجىدەن حابارلايدى. جوعارى قان قىسىم، يىق بۋىنىنىڭ قابىنۋى سياقتى ناۋقاستاردى اۋىل - قالاشىق ەمحاناسى، الەۋمەتتىك اۋماق دەنساۋلىق ساقتاۋ قىزمەت كورسەتۋ پۋنكتى سياقتى نەگىزگى ساتى ەمدەۋ قۇرىلىمدارىندا ەمدەتۋگە؛ وكپە قابىنۋ، انالىق بەز قالتالى ىسىگى، جۇرەك ەتىنىڭ جەدەل ولەتتەنۋى سياقتى ناۋقاستاردى 2 - دارەجەلى ۋنيۆەرسال شيپاحانالاردا ەمدەتۋگە بولادى. 2 - قاڭتاردان باستاپ، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى تۇرلىشە دارەجەدەگى ەمدەۋ قۇرىلىمدارى دياگنوز قوياتىن، ەمدەيتىن اۋرۋ تۇرلەرىنىڭ تىزىمدىگىن (پايدالاناتىن) جاريالاپ، «تىزىمدىك» ارقىلى ءار دارەجەلى ەمدەۋ قۇرىلىمدارىنىڭ يقۋاتتىق ورنىن اناعۇرلىم ايقىندادى.

    تىزىمدىككە نەگىزدەلگەندە، تۇتاس رايونىمىزداعى 2 - دارەجەلى ۋنيۆەرسال ەمدەۋ قۇرىلىمدارى دياگنوز قوياتىن، ەمدەيتىن اۋرۋ تۇرلەرىنىڭ تىزىمدىگى ۇنەمى كەزدەسەتىن، ءجيى تۋىلاتىن 603 ءتۇرلى اۋرۋدى قامتيدى؛ نەگىزگى ساتى ەمدەۋ قۇرىلىمدارى (الەۋمەتتىك اۋماق دەنساۋلىق ساقتاۋ قىزمەت كورسەتۋ ورگانى، اۋىل - قالاشىق ەمحاناسى، قىستاق ەمحاناسى جانە 1 - دارەجەلىدەن تومەن قوعامدىق ەمدەۋ قۇرىلىمدارى) دياگنوز قوياتىن، ەمدەيتىن اۋرۋ تۇرلەرىنىڭ تىزىمدىگى ۇنەمى كەزدەسەتىن 81 ءتۇرلى اۋرۋدى قامتيدى. تىزىمدىك قىزمەتتىڭ ءىس جۇزىندىك جاعدايى بويىنشا، مەرزىمسىز تۇردە رەتتەلەدى جانە تولىقتىرىلادى.

    «وسى رەت جاريالانعان دياگنوز قويىلاتىن، ەمدەلەتىن اۋرۋ تۇرلەرىنىڭ تىزىمدىگى پايدالانۋعا ىستەتىلەدى، قازىر 2 - دارەجەلى ۋنيۆەرسال شيپاحانالار مەن نەگىزگى ساتى ەمدەۋ قۇرىلىمدارى دياگنوز قوياتىن، ەمدەيتىن اۋرۋ تۇرلەرى بەلگىلەندى، ءار دارەجەلى ەمدەۋ قۇرىلىمدارى بەلگىلەنگەن ەمدەۋ ءتۇرى كولەمىندە تاپتىشتەپ جۇمىس جاسايدى، كولەمنەن اتتاپ ەمدەۋگە العانداردىڭ سەبەبىن تەكسەرەدى ءارى ءونىمدى شارا قولدانىپ تاراتادى. سونىمەن قاتار ەمدەۋ قابىلەتىندە جەتەرسىزدىك بار - جوقتىعىن ءوزى تەكسەرۋ، ەمدەۋ شارت - جاعدايىن ازىرلەمەگەندەردىڭ قىزمەتكەرلەرىن باعىتتامالى تاربيەلەۋ ءارى ارناۋلى ناۋقاستار ءبولىمى قابىلەتى قۇرىلىسىن كۇشەيتۋ كەرەك». اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى ەمدەۋ ىستەرى، ەمدەۋدى باسقارۋ باسقارماسىنىڭ باستىعى ليۋ شياڭ وسىلاي دەي كەلىپ، 3 - دارەجەلى ۋنيۆەرسال شيپاحانالار ەمدەيتىن اۋرۋدىڭ ءتۇرى كۇردەلى ءارى كوپ بولعاندىقتان، وسى رەتكى پايدالاناتىن تىزىمدىككە تىركەلمەگەندىگىن ايتتى.

جاۋاپتى رەداكتور: گۇلدەن ماقسات قىزى