چاڭجياڭ اتىراۋىنان جولعا شىققان جۇڭگو – ەۆروپا جۇك پويەزىنىڭ سانى تاريحتاعى ەڭ جوعارى ورەگە جەتتى

  • كەلۋ قاينارى: حالىق تورابى
  • 08:04:38 05/01/2018

    حالىق تورابى، 4 – قاڭتار، بەيجيڭ. جۇڭگو تەمىر جولى شاڭحاي توبى شەكتى سەرىكتىگى 2 – قاڭتار كۇنى مالىمدەمە جاريالاپ، چاڭجياڭ اتىراۋىنان جولعا شىققان جۇڭگو – ەۆروپا (ورتا ازيا باعىتىندا قامتيدى) جۇك پويەزى 2017 – جىلى 1127 كەزەككە جەتىپ (مۇنىڭ ىشىندە 55 كەزەگى كەرى باعىتتاعى)، ۇقساس مەزگىلدەگىدەن 362 كەزەككە كوبەيىپ، ۇقساس مەزگىلدەگىدەن 47.32 پايز ارتىپ، تاريحتاعى ەڭ جوعارى ورەگە جەتتى.

    2017 – جىلى 1 – جەلتوقسان كۇنى، شاڭحايدان ماسكەۋگە باراتىن جۇڭگو – ەۆروپا جۇك پويەزى تۇڭعىش رەت قاتىناۋىن ىسكە اسىردى، سونىمەن، چاڭجياڭ اتىراۋىنداعى جۇڭگو – ەۆروپا جۇك پويەزى جالپى ەۆروپا باعىتىندا رەسەي، چەحيا، گەرمانيا، يسپانيا، انگليا قاتارلى 8 لەنيادا قاتىناسا، ورتا ازيا باعىتىندا قازاقستان، وزبەكستان، تۇركمەنستان، تاجىكستان قاتارلى 6 لەنيادا قاتىناپ، ەۆروپادان 8 مەملەكەتكە، ورتا ازيادا 8 مەملەكەتكە قاتىنادى.

    چاڭجياڭ اتىراۋى جۇڭگو – ەۆروپا جۇك پويەزىنىڭ كۇندىك قاتىناۋ ارالىعى 1300 كيلومەتر بولىپ، ەڭ تەز بولعاندا 12 كۇندە ەۆروپاعا جەتىپ، قاتىناۋ ۋاقىتى تەڭىزدە قاتىناۋ ۋاقىتىنىڭ ۇشتەن بىرىندەي عانا؛ بۇكىل ارالىققا قاتىناۋعا كەتكەن سوماسى اۋە تاسىمالى سوماسىنىڭ بەستەن بىرىندەي عانا. جۇك پويەزىنە تيەلگەن ەكسپورت ونىمدەرىنىڭ ءتۇرى كۇننەن كۇنگە مولايىپ، بۇرىنعى كەزدەگى ۇساق تاۋارلار مەن ەلەكتروندىق ونىمەن سىرت، توقىماشىلىق ونىمدەرى، اۆتوكولىك سايماندارى، ماشينا جابدىقتارى، ءۇي جيھازدارى قاتارلىلاردى دا قامتىدى.

جاۋاپتى رەداكتور: گۇلدەن ماقسات قىزى