2017 – جىلى شينجياڭدا جينالعان لاس زاتتارىن شىعارۋ باجىسى 650 ميلليون يۋان بولدى

  • كەلۋ قاينارى: حالىق تورابى
  • 08:07:48 05/01/2018

  

  − شينجياڭنىڭ 38 جىلعى لاس زاتتارىن شىعارۋ باجىسىن الۋ قىزمەتىنە اقىرى نۇكتە قويىلدى

 

   حالىق تورابى، 4 – قاڭتار، بەيجيڭ. ءتىلشىنىڭ جۋىردا شينجياڭ ۇيعۇر اۆتونوميالى رايوندىق ورتانى قورعاۋ مەڭگەرمەسىنەن ۇعىسۋىنشا، 2017 – جىلى شينجياڭدا جينالعان لاس زاتتارىن شىعارۋ باجىسى 650 ميلليون يۋان بولىپ، وتكەن جىلعا قاراعاندا 45 ميلليون 201 مىڭ 300 يۋان ارتقان، ۇقساس مەزگىلمەن سالىستىرعاندا، 7 پايىز جوعارىلاعان.

    مۇندا جەرگىلىكتى ورىنعا قاراستى كاسىپورىنداردان جينالعان باجى 404 ميلليون يۋان بولعان، اماناتتاۋ ارقىلى كاسىپورىنداردان جينالعان باجى 52 ميلليون 371 مىڭ 700 يۋان بولعان، اۆتونوميالى رايون دارەجەلى الىنعان باجى، تىكەلەي جينالعان ەلەكتر كۇشى باجىسى، سونداي – اق، جەتى مۇناي لاس زاتتارىن ءبولۋ اقىسى 200 ميلليون يۋان بولعان.

    رايوندار بويىنشا الىپ قاراعاندا، بايىنعولىن وبلىسى، تۇرپان قالاسى، ىلە وبلىسى، حوتان ايماعى،ءۇرىمجى قالاسى، سانجى وبلىسى، اقسۋ ايماعى قاتارلى 7 ايماق، وبلىس، قالانىڭ جينالعان لاس زاتتارىن شىعارۋ باجىسى ۇقساس مەزگىلدەگىمەن سالىستىرعاندا جەكە – جەكە 78 پايىز، 43 پايىز، 40 پايىز، 36 پايىز، 16 پايىز، 14 پايىز، 12 پايىز ارتقان.

    سونىمەن ءبىر ۋاقىتتا 2018 – جىلى 1 – قاڭتاردان باستاپ «ورتانى قورعاۋ باجى زاڭى» رەسمي اتقارىلدى، لاس زاتتارىن شىعارۋ اقىسى رەسمي تۇردە لاس زاتتارىن شىعارۋ باجىسى بولىپ وزگەرتىلدى، سونىمەن شينجياڭنىڭ 38 جىلعى لاس زاتتارىن شىعارۋ باجىسىن الۋ قىزمەتىنە اقىرى نۇكتە قويىلدى.

جاۋاپتى رەداكتور: گۇلدەن ماقسات قىزى