وڭتۇستىك كورەيا مەن سولتۇستىك كورەيا پەنمۇنجومداعى حابارلاسۋ جەلىسى ارقىلى تىلدەسۋدى ىسكە اسىردى

  • كەلۋ قاينارى: حالىق تورابى
  • 08:09:20 05/01/2018

    

    شينحۋا اگەنتتىگى، 3 – قاڭتار، سەۋل (لۋ رۇي، گىڭ شۋەپىڭ) وڭتۇستىك كورەيا بىرلىككە كەلتىرۋ ءبولىمىنىڭ 3 – قاراشادا حابارلاۋىنشا، وڭتۇستىك كورەيا مەن سولتۇستىك كورەيا سول كۇنى پەنمۇنجومداعى حابارلاسۋ جەلىسىن قايتادان اشىپ، 20 مينۋتقا جۋىق تىلدەسكەن، نەگىزىنەن حابارلاسۋ جەلىسىنە تەحنيكالىق تەكسەرۋ جۇرگىزگەن. 


وڭتۇستىك كورەيا بىرىككەن اگەنتتىگىنىڭ حابارلاۋىنا قاراعاندا، بىرلىككە كەلتىرۋ ءبولىمىنىڭ ايتۋىنشا، سەۋل ۋاقىتى بويىنشا 3 – قاڭتار كۇنى ساعات 15تەن 30 مينۋتتان 15تەن 50 مينۋت وتكەنگە (بەيجيڭ ۋاقىتى بويىنشا 14تەن 30 مينۋتان 14تەن 50 مينۋت وتكەنگە) دەيىن، سولتۇستىك كورەيا جاق الدىمەن پەنمۇنجۇمداعى حابارلاسۋ جەلىسىنە تەلەفون جالعاعان. سولتۇستىك كورەيا مەن وڭتۇستىك كورەيا تەلەفون جانە فاكستى قالىپتى پايدالانۋعا بولاتىن – بولمايتىنى جونىندە تەكسەرۋ جۇرگىزگەن جانە تۇراقتاندىرعان. 


سول كۇنى وڭتۇستىك كورەيا كوكسارايىنىڭ حالىقپەن تىلدەسۋگە جاۋاپتى باس حاتشىسى يىن يۇڭ ساننىڭ ايتۋىنشا، وڭتۇستىك كورەيا مەن سولتۇستىك كورەيانىڭ پەنمۇنجۇمداعى حابارلاسۋ جەلىسىن قالپىنا كەلتىرۋىنىڭ ماڭىزى زور، بۇل سولتۇستىك كورەيا مەن وڭتۇستىك كورەيا اراسىندا كەز كەلگەن ۋاقىتتا تىلدەسۋگە مۇمكىندىك جاراتادى.


سولتۇستىك كورەيا تەلەۆيزياسىنىڭ 3 – قاڭتاردا حابارلاۋىنشا، سولتۇستىك كورەيانىڭ ەڭ جوعارى باسشىسى كيم جۇڭ ۇن سول كۇنى پەنمۇنجۇمداعى سولتۇستىك كورەيا مەن وڭتۇستىك كورەيانىڭ حابارلاسۋ جەلىسىن قايتادان قالپىنا كەلتىرۋگە بۇيرىق بەرگەن، وسى ارقىلى سولتۇستىك كورەيانىڭ كەلەسى ايدا وڭتۇستىك كورەيانىڭ پيۇڭچاڭ قالاسىندا وتەتىن 2018 – جىلعى قىسقى وليمپيادا ىستەرىن كەڭەسۋگە مۇمكىندىك جاراتۋدى ماقسات ەتكەن. بۇل 2016 – جىلى اقپاندا سولتۇستىك كورەيا مەن وڭتۇستىك كورەيانىڭ پەنمۇنجۇمداعى حابارلاسۋ جەلىسى ۇزىلگەننەن كەيىن تۇڭعىش رەت قايتادان جالعانۋى.

جاۋاپتى رەداكتور: گۇلدەن ماقسات قىزى