2018 – جىلى تومەندەگى باجى رەفورمالارىنىڭ قالتاڭىزبەن قاتىسى بار

  • كەلۋ قاينارى: حالىق تورابى
  • 08:34:11 05/01/2018

   

    ورتانى قورعاۋ رەفورماسى: 1 – قاڭتاردان باستاپ كاسىپورىن، ءىسورىن سياقتى ورىندار ورتانى لاستاۋ باجىسىن تاپسىرادى.

    2018 – جىلى 1 – قاڭتاردا «جۇڭحۋا حالىق رەسپۋبليكاسى ەكولوگيالىق ورتانى قورعاۋ زاڭى» رەسمي اتقارىلىپ، ەلىمىز ورتانى قورعاۋدىڭ شىت جاڭا زاڭىن قارسى الادى، ال لاس زاتتاردى ىعىستىرۋ اقىسىن جيناۋ تاريحقا اينالادى.

    ارتقان قۇن باجىسى: بيىلدان باستاپ فينانس قارجى قوسۋشىسى باجى كىرىسىنىڭ وزىندىك قۇنىن ويلاستىرۋى كەرەك.

    بۇندا بانكە، امانات سەرىكتىگى، جاريا قوردى باسقارۋ سەرىكتىگى جانە ونىڭ بالا سەرىكتىگى، اكتسيا سەرىكتىگى جانە ونىڭ بالا سەرىكتىگى سياقتىلاردى قامتىعان قارجى باسقارۋشى، ءونىم باسقارۋشى جونىنەن بيىلدان باستاپ ارتقان قۇن باجىسى ويلاستىرىلۋى كەرەك.

    2018 – جىلى 1 – قاڭتاردان باستاپ قارجى باسقارۋشى، ءونىم باسقارۋشىلار قارجى باسقارۋ، ءونىم تيجاراتىن باسقارۋ كاسىبىنىڭ پايدا سالىستىرماسى بويىنشا %3 تىك ارتقان قۇن باجىسىن تاپسىرادى.

    اۆتوموبيل ساتىپ الۋ باجىسى: اۆتوموبيل ساتىپ الۋ باجىسى قالپىنا كەلتىرىلىپ %10 بولدى، جاڭا ەنەرگيالى اۆتوموبيلدىڭ باجىسى ءۇرتىس كەشىرىم ەتىلەدى.

    «اۆتوموبيل ساتىپ الۋ باجىسى اۋەلگى %7.5 تەن رەتتەلىپ %10 بولاتىنىنا تاعى پالەن كۇن بار»... 2017 – جىلدىڭ سوڭىندا قىرۋار اۆتوموبيل تيجاراتى ساۋداگەرلەرى اۆتوموبيل ساتىپ الۋ باجىسى تيىمدىلىك ساياساتىن مىقتى ۇستاپ، قاريدارلاردى وسى ءتۇيىندى مىقتى يگەرىپ اۆتوموبيل ساتىپ الۋعا باۋرادى.

    2018 – جىلى 1 – قاڭتاردان باستاپ ماي ىعىستىرۋ قۋاتى 1.6 نەمەسە ودان تومەن مىنىسكە پايدالاناتىن اۆتوموبيلدەردى ساتىپ الۋ باجىسى 2017 – جىلعى %7.5 تەن زاڭدا بەلگىلەنگەن باجى تاپسىرۋ سالىستىرماسى %10 كە رەتتەلدى.

    كەدەن باجىسى: يمپورت ەتىلەتىن ءىشىنارا ازىق – تۇلىك، دەنساۋلىق ساقتاۋ ونىمدەرى، ءدارى – دارمەك سىندى تۇتىنۋ بۇيىمدارىنىڭ باجىسى زور مولشەردە تومەندەتىلەدى.

    2017 – جىلى 1 – جەلتوقساننان باستاپ ءىشىنارا تۇتىنۋ بۇيىمدارىنىڭ يمپورت كەدەن باجىسى تومەندەتىلىپ، ورتاشا باجى سالىستىرماسى %17.3 تەن %7.7 كە تومەندەتىلدى. بۇل: ازىق – تۇلىك، دەنساۋلىق ساقتاۋ ونىمدەرى، ءدارى – دارمەك، كۇندەلىكتى تۇتىنۋ بۇيىمدارى، كيىم – كەشەك، اياق كيىم، باس كيىم، وتباسى جابدىقتارى، مادەني كوڭىل اشۋ بۇيىمدارى، كۇندەلىكتى ۇساق – تۇيەك تۇتىنۋ تاۋارلارى سىندى تۇرلىشە تۇتىنۋ بۇيىمدارىن قامتىعان 187 ءتۇرلى 8 باجى الۋ تاۋارىنا سايادى.

جاۋاپتى رەداكتور: گۇلدەن ماقسات قىزى