بيىلدان باستاپ شينجياڭدا اعىلىشىن ءتىلىنىڭ مەملەكەتتىك دارەجە ەمتيحانى توقتاتىلادى

  • كەلۋ قاينارى: حالىق تورابى
  • 08:45:50 05/01/2018

 

      حالىق تورابى، 3 – قاڭتار، بەيجيڭ. ءتىلشىنىڭ كەشە شينجياڭ ۇيعۇر اۆتونوميالى رايوندىق وقۋ – اعارتۋ ەمتيحان بولىمىنەن ۇعىسۋىنشا، اتالعان ءبولىم جۋىردا جاريالاعان «شينجياڭدا اعىلىشىن ءتىلىنىڭ مەملەكەتتىك دارەجە ەمتيحانىن توقتاتۋ جونىندەگى ۇقتىرۋدا» بىلاي دەلىنگەن: شينجياڭدا 2003 – جىل تۇڭعىش اعىلىشىن ءتىلىنىڭ مەملەكەتتىك دارەجە ەمتيحانى (PETS) الىنعاننان 2017 – جىلدىڭ سوڭىنا دەيىن سوڭعى جارىم جىلدا 30 رەتكە تاياۋ ەمتيحان ۇيىمداستىرۋ قىزمەتىن جۇرگىزدى. جۋىق جىلداردان بەرى، شينجياڭدا اعىلىشىن ءتىلىنىڭ مەملەكەتتىك دارەجە ەمتيحانىنىڭ دامۋى كوپتەگەن ماسەلەلەرگە ءدۇپ كەلدى، بىرىنشىندەن، ەمتيحان بەرۋشىلەردىڭ سانى ۇزدىكسىز ازايۋدا، ءبىر رەتكى ەمتيحانعا تىزىمدەلۋشىلەردىڭ سانى 200گە جەتپەيتىن بولىپ، ٵر دارەجەدەگى ەمتيحان قۇرىلىمىنىڭ ەمتيحان قىزمەتى بارعان سايىن قيىنعا تۇسۋدە. ەكىنشىدەن، شينجياڭنىڭ ەمتيحان، وقۋشى قابىلداۋ ءتۇزىم رەفورماسىمەن سايكەسۋگە امالسىز قالدى، ەمتيحان كولەمىندە پالەندەي كورنەكتى ارتۋ بولمادى؛ ۇشىنشىدەن، قوعامدىق قىزمەت وتەۋى جاعى سالىستىرمالى تار بولىپ وتىر.

    جوعارىدا ايتىلعان جاعدايلارعا بايلانىستى، شينجياڭ ۇيعۇر اۆتونوميالى رايوندىق وقۋ – اعارتۋ ەمتيحان ءبولىمىنىڭ بايىپتىلىقپەن زەرتتەپ بەكىتۋىمەن جانە وقۋ – اعارتۋ مينيسترلىگى ەمتيحان ورتالىعىنىڭ ماقۇلداۋىمەن، 2018 – جىلدان باستاپ شينجياڭدا اعىلىشىن ءتىلىنىڭ مەملەكەتتىك دارەجە ەمتيحان قىزمەتىن توقتاتتى. ءتىلشىنىڭ ۇعىسۋىنشا، 2018 – جىلدان باستاپ شانشي ولكەسى دە اعىلىشىن ءتىلىنىڭ مەملەكەتتىك دارەجە ەمتيحانىن (PETS) توقتاتقان، 2017 – جىلدان باستاپ انحۇي ولكەسى اعىلىشىن ءتىلىنىڭ مەملەكەتتىك دارەجە ەمتيحانى توقتاعان.

جاۋاپتى رەداكتور: گۇلدەن ماقسات قىزى