ءبىر پەنسيونەر كادردىڭ تۋىسقاندىق سۇيىسپەنشىلىگى

  • كەلۋ قاينارى: شينجياڭ گازەتى تورابى
  • 09:09:16 05/01/2018

      10 - جەلتوقسان كۇنى تاڭەرتەڭ، ءامىر ءابىلعازى ۇلى جۇبايىنا: بۇگىن مەن نىلقىداعى تۋىسىمنىڭ ۇيىنە بارىپ بىرنەشە كۇن تۇرامىن، سەن تەزىرەك مەنىڭ كورپە - جاستىعىمدى ازىرلە، پارتيا 19 - قۇرىلتايىنىڭ رۋحىن ۇگىتتەيتىن قولدانبانى دا ۇمىتىپ كەتپەي سالا سال، - دەدى.

    ءامىردىڭ جۇبايى شىعىسگۇل اڭتارىلا: سەن الدەقاشان دەمالىسقا شىقتىڭ، ەندى بارىپ نە قىلاسىڭ؟ - دەيدى.

    ءامىر كورپە - جاستىعىن بۋىپ - ءتۇيىپ جاتىپ: مەن دەمالىسقا شىققانىممەن، ءبىراق تۋىس دەگەن ومىرلىك قوي. اۆتونوميالى رايوندىق پارتكوم ۇلتتار ىنتىماعى «تۋىستاسۋ اپتالىعى» قيمىلىن ورىستەتىپ جاتقاندا، ءبىر ساقا پارتيا مۇشەسى رەتىندە، مەن باستاماشى بولىپ، تۋىسىممەن تۇرمىستا بىرگە بولۋىم كەرەك، دەمالىسقا شىقتىم دەپ تۋىسقا قاراماي كەتسەك بولمايدى، - دەدى.

    وتكەن جىلى ناۋرىز ايىندا ءامىر ىلە قازاق اۆتونوميالى وبلىستىق عىلىم - تەحنيكا مەكەمەسىنىڭ كادرى رەتىندە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىمەن بىرگە نىلقى اۋدانى سۇپتاي اۋىلى جوعارى ءمالى قىستاعىنا كەلەدى. قاراشا ايىندا ءامىر دەمالىسقا شىعادى. ءبىر پەنسياعا شىققان كادر رەتىندە، ءامىر ۇيىندە الاڭسىز دەمالىپ جاتۋعا ءتيىس ەدى، ءبىراق ول اۆتونوميالى رايوندىق پارتكومنىڭ تۇتاس كادرلاردى ۇلتتار ىنتىماعى «تۋىستاسۋ اپتالىعى» قيمىلىن ورىستەتۋگە ۇيىمداستىرعاندىعىن بىلگەن كەزدە، كوپشىلىكپەن بىرگە نەگىزگى ساتىعا ءتۇسۋدى باتىل تالاپ ەتەدى.

    سول كۇنى تۇستەن كەيىن ول قىزمەتتەستەرىمەن بىرگە اسىعىس - ۇسىگىس جوعارى ءمالى قىستاعىنا كەلگەننەن كەيىن، دەرەۋ تۋىسى نۇرجان ابىلاقات ۇلىنىڭ ۇيىنە كەلدى. ءامىر ءبىر شىنى شاي ىشۋگە دە ۇلگىرمەستەن سىبىرتكىنى قولىنا الا سالىپ، تۋىسىنا كومەكتەسىپ اۋلا ىشىندەگى ۇيىلگەن قاردى تازالاپ، تۋىسىمەن بىرگە كەشكى اسقا دايىندىق كوردى. كەشتە ول تۋىسىنا كورشى - قولاڭدارىن ۇيىنە شاقىرتىپ، ولارعا پارتيا 19 - قۇرىلتايىنىڭ رۋحى مەن مەملەكەتتىڭ حالىققا تيىمدىلىك جەتكىزۋ ساياساتىن ۇگىتتەدى.

    تۋىسىمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنۋ بارىسىندا، ول نۇرجاننىڭ ايەلى ءرايلا ايدىن قىزىنىڭ وسپە اۋرۋىنا شالدىققانىن، 3 بالاسىنىڭ وقۋدا ەكەندىگىن، ءرايلانى ەمدەتۋ ءۇشىن، نۇرجان وتباسىنىڭ مال - مۇلكىن ساتىپ تاۋىسقانىن، ونىڭ ۇستىنە قارىزعا باتقانىن، ءبىراق سوڭىندا ءرايلانىڭ ءومىرىن قۇتقارىپ قالا الماعاندىعىن بىلەدى. ءبىر جىلدان بەرى، نۇرجان سىرتقا شىعىپ جۇمىس ىستەپ ءبىراز اقشا تاپقان بولسادا، ءبىراق ءرايلا شيپاحانادا جاتىپ ەمدەلگەندە، ول كوپ قارىزعا باتقان - دى، قازىر ول وتباسىنىڭ 2018 - جىلعى سەلبەسىپ ەمدەلۋ قاراجاتىن تاپسىرۋعا دا امالسىز قالعان ەدى، اقشا تاپسىرۋ ۋاقىتى تاياپ قالعاندىقتان، ول نە ىستەرىن بىلمەي ابىرجيدى.

جاۋاپتى رەداكتور: جازيرا بولاتباي قىزى