شۇعىل جاعدايدا ەمدەۋ شاراسىن قولدانعاندا ەمحانا تولەم ارقالامايدى

  • كەلۋ قاينارى: شينجياڭ زاڭ جانە تۇرمىس گازەتى
  • 04:24:58 08/01/2018

 

    ەڭ جوعارى حالىق سوتى مەكەمەسى 2017 - جىلى جەلتوقساننىڭ 13 - كۇنى «ەڭ جوعارى حالىق سوتى مەكەمەسىنىڭ ەمدەۋ زيانى جاۋاپكەرلىگى داۋ - شارى دەلولارىن قاراپ شىعۋدا زاڭ قولدانۋداعى ءبىر قانشا ماسەلەلەر جونىندەگى تۇسىندىرمەسىن» جاريالاپ، 2017 - جىلى جەلتوقساننىڭ 14 - كۇنىنەن باستاپ اتقارىلدى. «تۇسىندىرمەدە» ەمحانا مەن ناۋقاستار اراسىندا جاراسىمدى قارىم - قاتىناس ورناتۋ مەن قورعاۋ شىعار ءتۇيىن ەتىلىپ، ناۋقاس ەمدەۋ قۇرىلىمىنان تولەم تالاپ ەتكەندە، ەمدەۋ قۇرىلىمىندا ەمدەلگەندىك، زياندالعاندىق دالەل - ىسپاتىن تاپسىرۋى كەرەكتىگى ايقىندالدى.

    «تۇسىندىرمە» قايسى كولەمدەگى داۋ - شارلاردا قولدانىلادى

    ناۋقاس ەمدەۋ قۇرىلىمىنىڭ ناۋقاس تۇجىرىمداۋ - ەمدەۋ قيمىلى بارىسىندا دەنەسى نەمەسە مال - مۇلكى زياندالعاندىقتان ەمدەۋ قۇرىلىمىنان ەمدەۋ ونىمدەرىن ءوندىرۋشى، ساتۋشى نەمەسە قانمەن قامداۋ قۇرىلىمىنان ۇقىققا سۇعاناقتىق جاساۋ جاۋاپكەرلىگىن ارقالاۋدى تالاپ ەتكەن دەلولارعا وسى تۇسىندىرمە قولدانىلادى. سونىمەن بىرگە، بۇل «تۇسىندىرمەدە» مەديتسينالىق اجارلاندىرۋدان تۋىلعان زيان جاۋاپكەرلىگى داۋ - شارى دا ەمدەۋ زيانى جاۋاپكەرلىك داۋ - شارى كولەمىنە ەنگىزىلىپ، حالىق سوتى مەكەمەسىنىڭ زاڭ بويىنشا مەديتسينالىق اجارلاندىرۋ جاۋاپكەرلىك داۋ - شارىن قاراپ شىعۋىندا زاڭدىق نەگىزبەن قامدادى.

    « تۇسىندىرمەدە» دالەل - ىسپات كورسەتۋ قاعيداسى ايقىندالدى

    «تۇسىندىرمەدە» ەمحانا مەن ناۋقاستار اراسىندا جاراسىمدى قارىم - قاتىناس ورناتۋ مەن قورعاۋ شىعار ءتۇيىن ەتىلىپ، ناۋقاس ەمدەۋ قۇرلىمىنان تولەم تالاپ ەتكەندە ەمدەۋ قۇرىلىمىندا ەمدەلگەندىك، زياندالعاندىق دالەل - ىسپاتىن تاپسىرۋى كەرەكتىگى بەلگىلەندى. سونىمەن بىرگە ەمدەۋ قۇرىلىمى مەن شيپاگەرلەردە اعاتتىق بارلىعىن، ەمدەۋ قيمىلى مەن تۋىلعان زياندا سەبەپ - سالدارلىق قاتىناس بارلىعىن دالەلدەيتىن دالەل - ىسپاتپەن قامداي الماي، زاڭ بويىنشا ەمدەۋ زيانىن ساراپتاتۋ ءوتىنىشىن بەرگەندە، حالىق سوتى مەكەمەسى رۇقسات ەتپەيتىندىگى دە ايقىن بەلگىلەندى.

    ەمدەۋ داۋ - شارىندا بىرنەشە ۇقىققا سۇعاناقتىق جاساۋشى بولعاندا قالاي ىستەۋ كەرەك؟

    «تۇسىندىرمەدە» ەمدەۋ زيانى جاۋاپكەرلىگى داۋ - شارىندا بىرنەشە ۇقىققا سۇعاناقتىق جاساۋشى بولعاندا، ىسكە قاتىستى ادامنىڭ تۇراقتاندىرۋى مەن جاۋاپكەر قوسۋ قاعيداسى بەلگىلەنىپ، ناۋقاس ءبىر ءبولىم ۇقىققا سۇعاناقتىق جاساۋشىلاردى عانا ارىزدانعاندا، زاڭ بويىنشا باسقا سۋبيەكتىلەردى دە ورتاق جاۋاپكەر نەمەسە 3 - جاق ەتىپ قوسۋدى ءوتىنىش ەتسە، حالىق سوتى مەكەمەسى رۇقسات ەتۋى كەرەك ەكەندىگى ايقىن بەلگىلەندى.

جاۋاپتى رەداكتور: گۇلدەن ماقسات قىزى