قىلمىستىق ىستەر زاڭىنداعى اتامان قالاي تۇراقتاندىرىلادى

  • كەلۋ قاينارى: شينجياڭ زاڭ جانە تۇرمىس گازەتى
  • 04:25:52 08/01/2018

 

    ءۋالي قوشان ۇلى

 

    1. قىلمىستىق ىستەر زاڭىنداعى اتامان دەگەنىمىز قىلمىستىلار توبىندا باستى ۇيىمداستىرۋ، قولباسشىلىق ەتۋ،جوسپارلاۋ رولىن اتقارعان باس قىلمىستىلاردى كورسەتەدى. مۇندا قىلمىستىلار توبى دەپ ۇشتەن ارتىق ادامنان بىرىگىپ قىلمىس وتكىزۋ ٴۇشىن ۇيىمداسقان تۇراقتى قىلمىس ۇيىمىن كورسەتەدى. ولاردا نەگىزىنەن مىناداي ەرەكشەلىك بولادى: (1) قاتىناسقان ادام سانى ۇشتەن جوعارى بولادى، مۇشەلەرى تۇراقتى نەمەسە نەگىزىنەن تۇراقتى بولادى. (2) ولار ۇنەمى توپتاسىپ ٴبىر نەمەسە بىرنەشە ٴتۇرلى قىلمىستىق ارەكەتپەن شۇعىلدانادى. (3) اشىق - اشكەرە باستى اتامانى بولادى. كەيبىر اتاماندار توپتاسۋ بارىسىندا قالىپتاسادى، كەيبىر اتاماندار توپتاسا باستاعاندا ۇيىمداستىرۋشى جانە باسشىلىق ەتۋشى بولادى. (4) قىلمىستىق ارەكەتتى ماقساتتى تۇردە جۇرگىزەدى. (5) قىلمىس وتكىزگەن رەت سانى از نەمەسە كوپ بولعانىمەن قوعامعا كەلتىرگەن زيانى نەمەسە حاۋپى اۋىر بولادى.

    ۇيىمداستىرۋ دەپ باستىسى،باسقا قىلمىس وتكىزۋشىلەردى توپتاۋ ايتىلادى. جوسپارلاۋ دەپ باستىسى، قىلمىستىق ارەكەتتى جۇزەگە اسىرۋ ٴۇشىن ٴادىس - امالداردى جوبالاپ بەلگىلەۋ ايتىلادى. جەتەكشىلىك ەتۋ دەپ قىلمىستىڭ ٴار قايسى ساتىلارىندا باسقادا قىلمىستىلاردى قىلمىستىق ارەكەتتى جۇرگىزۋگە بۇيىرۋ، بۇيرىق ەتۋ ارەكەتى ايتىلادى.

    2. توپتاسىپ وتكىزگەن قىلمىستا ۇيىمداستىرۋ، جوسپارلاۋ، جەتەكشىلىك ەتۋ رولىن اتقارعان قىلمىستىلاردى كورسەتەدى. توپتاسىپ قىلمىس وتكىزۋ دەپ كوپ ادام توپتاسىپ جۇرگىزگەن قىلمىستىق ارەكەتتى كورسەتەدى، مىسالى، كوپ ادام توپتاسىپ توبەلەسۋ، جالپى مەن جەكەنىڭ مال - مۇلكىن توپتاسىپ بۇلاپ - تالاۋ سياقتى قىلمىستىق ارەكەتتەر ايتىلادى. توپتاسىپ قىلمىس وتكىزۋ مەن ٴىرى قىلمىستىلار توبى ۇقسامايدى، الدىڭعىسى قىلمىس وتكىزۋ ٴۇشىن كوپ ادامدى توپتاستىرادى، ولاردا ٴبىرشاما تۇراقتى قىلمىستىق ۇيىم جانە مۇشەلەرى بولمايدى.

    اتاماندار ٴىرى قىلمىستىلار توبى نەمەسە توپتاسىپ قىلمىس وتكىزۋشىلەردىڭ ىشىندە ۇيىمداستىرۋ، جوسپارلاۋ، جەتەكشىلىك ەتۋ رولىن اتقاراتىندىقتان، قىلمىسى ٴبىر شاما اۋىر بولادى. سوندىقتان قىلمىستىق توپتىڭ اتاماندارىنا ٴبىر شاما اۋىر جازا بەلگىلەنگەن.

جاۋاپتى رەداكتور: گۇلدەن ماقسات قىزى