«ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسى حالىقتى اۋقاتتانۋعا جەبەدى

  • كەلۋ قاينارى: شينجياڭ زاڭ جانە تۇرمىس گازەتى
  • 04:32:51 08/01/2018

     ۇستەگى جىلدان باستاپ، موڭعۇلكۇرە اۋدانىنداعى قىستاقتا تۇراتىن ءار قايسى قىزمەت گرۋپپاسى دالمە _ ءدال سۇيەمەلدەۋ، دالمە - ءدال كەدەيلىكتەن قۇتىلدىرۋ قىزمەتىن ماڭىزدى مىندەت ەتۋگە باستان - اياق تاباندى بولىپ، كەدەيلىكتەن قۇتىلدىرۋدان قامال الۋ قىزمەتىنە باسا نازار اۋدارىپ، ءتۇرلى كەدەيلىكتەن قۇتىلدىرۋدان قامال الۋ شارالارىن قولدانىپ، كورنەكتى ناتيجەلەرگە قول جەتكىزىپ، بارشا حالىق بۇقاراسىنىڭ جاقسى باعاسىنا يە بولدى.

    جۋىقتا، موڭعۇلكۇرە اۋدانى ۇزىنبۇلاق اۋىلى ۇزىنبۇلاق قىستاعىندا حالىققا تيىمدىلىك جەتكىزۋ سەلبەستىك كوپەراتيۆى رەسىمي قۇرىلدى. «ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسىن جىبەرگەن ورىن بولۋ تۇرعىسىنان ىلە وبلستىق اۋىل شارۋاشىلىعىن ماشينالاندىرۋ مەكەمەسىنىڭ ورىنباسار شۋجيى، مەكەمە باستىعى ەردوس ءبازىل ۇلى، قۇلجا قالاسى تاسبۇلاق ۇلتتىق كيىم - كەشەك تىگۋ شەكتى سەرىكتىگىنىڭ قىزمەتكەرى، اۋداندىق ايەلدەر بىرلەستىگى، باس جۇمىسشىلار ۇيىمى مەن ۇزىنبۇلاق اۋىلدىق ۇكىمەتتىڭ قاتىستى جاۋاپتىلارى كوپەراتيۆتىڭ قۇرىلۋ سالتىنا قاتىناستى.

    ىلە وبلستىق اۋىل شارۋاشىلىعىن ماشينالاندىرۋ مەكەمەسى مەن «ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسى قىستاققا كەلگەلى بەرى، قىستاقتىڭ ناقتى جاعدايىن مۇقياتتىلىقپەن تەكسەرىپ _ زەرتتەپ، قىستاقتىڭ ءىس جۇزىندىك جاعدايىنا ۇيلەسەتىن جوبا الىپ شىعىپ، ءارجاقتى ابزال بايلىقتى رەتكە سالا وتىرىپ، تىرەكتىك رولىن بارىنشا ساۋلەلەندىرىپ، جالپى 700 مىڭ يۋان قارجى قوسىپ، ۇلتتىق كەستەشىلىك بازاسىن قۇرىپ، قىستاقتاعى 30 جەلەكتىنى جۇمىسقا ورنالاستىرۋ ماسەلەسىن شەشىم ەتتى.

    موڭعۇلكۇرە اۋدانى ۇزىنبۇلاق اۋىلى ۇزىنبۇلاق قىستاعى حالىققا تيىمدىلىك جەتكىزۋ سەلبەستىك كوپەراتيۆىنىڭ زاڭدىق ۋاكىلى ءولزابايىر بىلاي دەدى: بۇگىن كوپەراتيۆ قۇرىلىپ، جابدىقتارىمىزدا، تاربيەلەيتىن مۇعالىمىزدا تولىق بولدى، بۇگىن ايەل جولداستار تەحنيكا ۇيرەنىپ جاتىر، ءبىز قىزمەت گرۋپپاسىندەگى كادرلارعا ەرەكشە العىس ايتامىز، جاقسى ۇيرەنىپ، جاقسى بۇيىمدار وندىرەمىز.

    ۇعىسۋعا قاراعاندا، موڭعۇلكۇرە اۋدانى ۇزىنبۇلاق اۋىلى ۇزىنبۇلاق قىستاعىنا تۇسكەن قىزمەت گرۋپپاسى قۇلجا قالاسىنداعى تاسبۇلاق ۇلتتىق كيىم - كەشەك شەكتى سەرىكتىگىمەن ونىمدەردى ساتىپ شىعارۋ جولىن اقىلداسۋدا، كەزەكتە، ۇزىبۇلاق قىستاعىنداعى حالىققا تيىمدىلىك جەتكىزۋ سەلبەستىك كوپەراتيۆىنىڭ كەستە بۇيىمدارى وسى قىستاقتاعى 30 جەلەكتىنى اۋقاتتانۋعا باستايدى.

    وبلىستىق اۋىل شارۋاشىلىعىن ماشينالاندىرۋ مەكەمەسىنەن ۇزىنبۇلاق اۋىلى ۇزىنبۇلاق قىستاعىنا ورنالاسقان قىزمەت گرۋپپاسىنىڭ باستىعى، قىستاقتىڭ ءبىرىنشى شۋجيى فىڭ جىچياڭ بىلاي دەدى: ۇزىنبۇلاق قىستاعىنىڭ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋ ءۇشىن مەكەمەمىزدەن قىستاققا تۇسكەن قىزمەت گرۋپپاسى ۇستەگى جىلى ءوندىرىستى سۇيەمەلدەۋدى باستى ءتۇيىن ەتە وتىرىپ، قىستاقتاعى كەدەي وتباسىلارىنداعى جەلەكتىلەردى ۇيىمداستىرىپ، قازاق ۇلتىنىڭ ءداستۇرلى كەستەشىلىگىن دامىتۋ جەلەكتىلەردى اۋقاتتانۋعا جەتەكتەدى.

    تولقىن ايتان قىزى

جاۋاپتى رەداكتور: گۇلدەن ماقسات قىزى