زاڭ شىعارۋ قىزمەت مەحانيزمى كەمەلدەندىرىلىپ، زاڭ شىعارۋ ساپاسى جوعارىلاتىلماق

  • كەلۋ قاينارى: شينجياڭ زاڭ جانە تۇرمىس گازەتى
  • 04:37:19 08/01/2018

    مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى ەكى ماڭىزدى ولشەمدى باسىپ تاراتتى

 

      پارتيا ورتالىق كوميتەتىنىڭ تالابى مەن زاڭ شىعارۋ زاڭىنىڭ قاتىستى بەلگىلەمەلەرى بويىنشا مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى «زاڭ شىعارۋ ساپاسىن جوعارىلاتۋ» دەيتىن ءتۇيىندى تىعىز توڭىرەكتەپ، 2017 - جىلى 28 – جەلتوقساندا «زاڭ شىعارۋ بارىسىنا ساياتىن كەلەلى مۇددەلىك ماسەلەلەردى رەتتەۋ، دالەلدەۋ، كەڭەس بەرۋ جونىندەگى قىزمەت ولشەمى» مەن «تالاس - تارتىس ءبىرشاما كۇشتى بولعان زاڭ شىعارۋداعى ماڭىزدى ىستەردە 3 - جاقتى باعالاۋعا قاتىناستىرۋ جونىندەگى قىزمەت ولشەمى» سىندى ەكى ماڭىزدى قىزمەت ولشەمىن جاريالادى.

    مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ قاتىستى جاۋاپتىسى تانىستىرىپ بىلاي دەدى: وسى ەكى قىزمەت ولشەمىنىڭ جاسالۋى __ پارتيا 18 - كەزەكتى ورتالىق كوميتەتى ءتورتىنشى جالپى ءماجىلىسىنىڭ جانە پارتيا 19 – قۇرىلتايىنىڭ رۋحىن تياناقتاندىرۋدىڭ ناقتى بەينەلەنۋى، بۇل 2017 – جىلى 20 – قاراشادا اشىلعان پارتيا 19 - كەزەكتى ورتالىق كوميتەتىنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 1 - رەتكى ماجىلىسىندە قاراپ ماقۇلدانعان. ەكى قىزمەت ولشەمىن شىعارۋداعى باستى ماقسات زاڭ شىعارۋداعى جوبا دايىنداۋ، دالەلدەۋ، كەڭەس بەرۋ، باعالاۋ، سايكەستىرۋ، قاراپ ماقۇلداۋ سياقتى قىزمەت مەحانيزمىن كەمەلدەندىرىپ، حالىق قۇرىلتايىنىڭ زاڭ شىعارۋ قىزمەتىندەگى جەتەكشىلىك رولىن ساۋلەلەندىرىپ، قوعامدىق كۇشتەردىڭ زاڭ شىعارۋ قىزمەتىندەگى بەلسەندى رولىن ساۋلەلەندىرىپ، زاڭ شىعارۋدىڭ عىلميلىعىن، دەموكراتيالىلىعىن، زاڭدىلىعىن ىشكەرىلەي ىلگەرىلەتىپ، ءاربىر زاڭدى شىعارۋ قىزمەتىن نەگىزگى زاڭنىڭ رۋحىنا ۇيلەستىرۋگە قۇلشىنىپ، حالىقتىڭ ەركىن بەينەلەپ، حالىقتىڭ قولداۋىنا يە بولۋ.

    وسى جاۋاپتى ادام تانىستىرىپ بىلاي دەدى: بۇل ەكى ولشەمدى شىعارۋدا مىنا ءبىر نەشە ءتۇيىن يگەرىلدى: بىرىنشىدەن، ماسەلەنى نىشان ەتۋدە تاباندى بولىپ، دەركەزىندە ۇيلەسىمدى شەشىم ەتىپ، زاڭ شىعارۋ بارىسىندا كەزدەسكەن كەلەلى مۇددەنى رەتتەۋ ماسەلەسى مەن تالاس – تارتىس ءبىرشاما كۇشتى بولعان ماڭىزدى زاڭ شىعارۋ ىستەرىن ءبىر جاقتى ەتىپ، زاڭ شىعارۋدىڭ ساپاسى مەن ونىمدىلىگىن جوعارىلاتىپ، زاڭ شىعارۋ شەشىمىنىڭ ۇيلەسىمسىز، كەمەلسىز بولۋىنىڭ جانە ۇزاققا سوزىلىپ، شەشىم تاپپاۋىنىڭ الدى الىندى؛ ەكىنشىدەن، كوپ جىلدان بەرگى زاڭ شىعارۋدى جوسپارعا الۋ، جوبا نۇسقاسىن جازۋ، قاراپ بەكىتۋ قىزمەتىندە قالىپتاسقان ءتيىمدى ادىستەر جاڭا جاعدايدا زاڭ شىعارۋداعى دالەلدەۋ، كەڭەس بەرۋ، باعالاۋ قىزمەتىنىڭ جاڭا تالابىمەن سايكەستىرىلىپ، قۇجات مازمۇنىنا ءسىڭدىرىلدى جانە كورنەكتىلەندىرىلدى؛ ۇشىنشىدەن، سالالىق، كاسىپتىك جانە تەحنيكالىق جاقتارداعى كۇشتەر مەن عىلمي جۇيەلى ادىستەردەن پايدالانىلىپ، بۇقارانىڭ زاڭ شىعارۋ بارىسىنا تارتىپپەن اتسالىسۋ ارناسى كەڭەيتىلىپ، ولاردىڭ زاڭ شىعارۋ قىزمەتىنە دەگەن ارمان – تىلەكتەرىن بەينەلەۋ جانە اڭىس ەتۋ ارناسى كەڭەيتىلىپ، زاڭ شىعارۋدىڭ دالدىگى مەن ونىمدىلىگى جوعارىلاتىلىپ، زاڭ شىعارۋ ورگاندارىنىڭ قوعامدىق مۇددەنى بەينەلەۋ، تەڭگەرۋ، رەتتەۋ جاعىنداعى ماڭىزدى رولى ءتىپتى دە جاقسى ساۋلەلەندىرىلدى.

جاۋاپتى رەداكتور: گۇلدەن ماقسات قىزى