لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «اس تۇزىن ارناۋلى ساتۋ ءادىسى» جاريالاندى

  • كەلۋ قاينارى: شينجياڭ زاڭ جانە تۇرمىس گازەتى
  • 07:52:36 08/01/2018

   

    شينحۋا اگەنتتىگىنىڭ 4 – قاڭتاردا بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭنىڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «اس تۇزىن ارناۋلى ساتۋ ءادىسى» (تومەندە قىسقاشا «ءادىس» دەلىنەدى) جاريالاندى، بۇل «ءادىس» جاريالانعان كۇننەن باستاپ اتقارىلادى. 1990 – جىلى 2 – ناۋرىزدا مەملەكەتتىك كەڭەس جاريالاعان «تۇز كاسىبىن باسقارۋ ەرەجەسى» وسىمەن ءبىر ۋاقىتتا كۇشىن جويادى.

    تۇز كاسىبى ەلىمىزدىڭ ماڭىزدى نەگىزدىك سيپاتتاعى كاسىپ سالاسى، اس تۇزى حالىق بۇقاراسىنىڭ دەنساۋلىق اقاۋسىزدىعىنا سايادى، پارتيا ورتالىق كوميتەتى مەن مەملەكەتتىك كەڭەس تۇز كاسىبى ءتۇزىلىس رەفورماسى قىزمەتىنە وسكەلەڭ ءمان بەرەدى. 2016 - جىلى ساۋىردە «مەملەكەتتىك كەڭەستىڭ تۇز كاسىبى ءتۇزىلىس رەفورما جوباسىن باسىپ تاراتۋ جونىندەگى ۇقتىرۋىندا» تۇزدى ارناۋلى ساتۋ تۇزىمىندە تاباندى بولۋ نەگىزىندە قامداۋ سيپاتىندىق قۇرىلىمدىق رەفورمانى ىلگەرىلەتۋ ورتاعا قويىلىپ، تۇز بايلىعىن ۇتىمدى ءبولىپ، بازاردىڭ ومىرشەڭدىك قۋاتىن اناعۇرلىم اشۋ تالاپ ەتىلدى. تۇز كاسىبى ءتۇزىلىس رەفورماسىنىڭ ءساتتى جۇرگىزىلۋىن قامتاماسىزداندىرۋ ءۇشىن، مەملەكەتتىك كەڭەستىڭ ورنالاستىرۋى بويىنشا بۇرىنعى «اس تۇزىن ارناۋلى ساتۋ ادىسىنە» وزگەرىس ەنگىزىلدى.

    تۇز كاسىبى ءتۇزىلىس رەفورماسى جوباسىنداعى تۇزدى ارناۋلى ساتۋ تۇزىمىندە تاباندى بولۋ، تۇزدىڭ باعاسىن بەلگىلەۋ مەحانيزمىنە رەفورما جۇرگىزۋ جانە تۇزدى ءوندىرۋ، تاسۋ، ساتۋ بۋىندارىنداعى جوسپارلى باسقارۋدى كۇشىنەن قالدىرۋ بەلگىلەمەسىنە ساي، «ادىستە» تۇزدى ارناۋلى ساتۋ ءتۇزىمىنىڭ ناقتى مازمۇنى كەمەلدەندىرىلدى. بىرىنشىدەن، ولكە دارەجەلى تۇز كاسىبىن باسقارۋ تاراۋى ءبىر تۇتاس جوسپارلاۋ، ۇيلەسىمدى ورنالاستىرۋ تالابى بويىنشا اس تۇزىنداعى ءتۇيىن ەتىلگەن ءوندىرۋ، تولايىم ساتۋ كاسىپورىندارىن بەكىتىپ تۇراقتاندىرادى. ەكىنشى، ءتۇيىن ەتىلگەن تۇز ءوندىرۋ كاسىپورىندارى تۇزدى تولايىم ساتۋ كاسىبىمەن شۇعىلدانۋدى ءوتىنىش ەتسە، ولكە دارەجەلى تۇز باسقارۋ تاراۋى ونىڭ ءتۇيىن ەتىلگەن تۇز تولايىم ساتۋ كاسىپورنى بولۋىن تۇراقتاندىرۋى ءارى تۇز تولايىم ساتۋ كاسىپورنى كۋالىگىن بەرۋى كەرەك؛ ءتۇيىن ەتىلگەن اس تۇزىن تولايىم ساتۋ كاسىپورنى مەملەكەت بەلگىلەگەن كولەمدە اس تۇزىن ساتادى، ءارقانداي ورىن مەن جەكەنىڭ بوگەت بولۋىنا نەمەسە شەكتەۋ قويۋىنا بولمايدى؛ اس تۇزىنىڭ باعاسىن ساتۋشى دەربەس بەلگىلەيدى. ءۇشىنشى، بۇرىنعى «اس تۇزىن ارناۋلى ساتۋ ادىسىندەگى» اس تۇزىن ءوندىرۋ، تولايىم ساتۋ، ءبولىپ تاراتۋ، تاسىمالداۋ سياقتىلار جونىندەگى بۇيرىق سيپاتىنداعى جوسپارلى باسقارۋ، اس تۇزىن تاسىمالداۋعا رۇقسات بەرۋ بەلگىلەمەلەرى ءوشىرىپ تاستالدى.

    «ادىستە» اس تۇزىمەن قامداۋ جاعىنداعى حاۋىپسىزدىك ءتۇزىمى كەمەلدەندىرىلىپ، ولكە دارەجەلى تۇز كاسىبىن باسقارۋ تاراۋلارى اس تۇزى زاپاس قورى ءتۇزىمىن قۇرىپ جانە كەمەلدەندىرىپ، اس تۇزى زاپاس قورى جاۋاپكەرلىگىن ۇكىمەت ۇستىنە الۋى؛ اس تۇزىن وندىرۋگە، تولايىم ساتۋعا مىندەتتەلگەن كاسپورىندار اس تۇزى زاپاس قورى جاۋاپكەرلىگىن ارقالاپ، اس تۇزىن ۇيلەسىمدى ساقتاۋى؛ اۋدان دارەجەلىدەن جوعارى جەرگىلىكتى حالىق ۇكىمەتى قاجەتتى شارا قولدانىپ، شەكارا، شالعاي رايوندار مەن ۇلتتىق رايونداردى اس تۇزىمەن قامداۋعا كەپىلدىك ەتۋى؛ تۇز كاسىبىن باسقارۋ تاراۋلارى قاتىستى تاراۋلارمەن بىرلىكتە اس تۇزىمەن قامداۋداعى شۇعىل جاعدايعا توتەپ بەرۋ جوباسىن جاساپ، توسىن ۋاقيعا تۋىلعاندا اس تۇزىمەن قامداۋعا سايكەستىرۋى، قامتاماسىز ەتۋى بەلگىلەندى.

جاۋاپتى رەداكتور: گۇلدەن ماقسات قىزى