تۋىت قامسىزداندىرۋى ايەلدەردىڭ ۇقىعىن قامتاماسىز ەتتى پەرزەنتتى بولعاندا مىنانى ەسەپتەن كوتەرتۋدى ۇمتپاعايسىز

  • كەلۋ قاينارى: شينجياڭ زاڭ جانە تۇرمىس گازەتى
  • 07:54:08 08/01/2018

   

    جۋىردا جاڭادان بوسانعان جاڭ حانىم ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنە بارىپ، تۋىت قامسىزداندىرۋىن ەسەپتەن كوتەرتۋ ءراسمياتىن ءساتتى بىتىرگەنى سول ەدى، ونىڭ بانكە كارتوچكاسىنا ءبىرتالاي اقشا ءتۇستى.

    بۇل جاڭ حانىمنىڭ بوسانعاننان كەيىن ەمدەۋ قامسىزداندىرۋىنان تىسقارى تاعى ءبىر ەسەپتەن كوتەرتىپ العان اقشاسى ەدى. جاڭ حانىم قۋانىشتى تۇردە:«بالالى بولىپ باسىما باس قوسىلىپ جاتقاندا، بۇل رەتكى ەسەپتەن كوتەرتۋ ءىسى ماعان ءبىر ءتۇرلى >توسىن< سي ىسپەتتى سەزىلدى»،- دەدى.

    جاڭ حانىمنىڭ ايتۋىنشا، تۋىت قامسىزداندىرۋىن ەسەپتەن كوتەرتۋ ءىسىن ول باسقالاردان ەستىگەننەن كەيىن سىناپ كورەيىن دەگەن ويمەن وسى اراعا كەلىپ ءراسىميات ءبىتىرىپتى، بۇرىن بۇل ساياساتتان حابارى جوق ەكەن.

    ءتىلشى كاسىپورىندا جۇمىس ىستەيتىن ءبىرقانشا ايەل قىزمەتشىلەرگە تىلشىلىك ىستەگەندە، بۇل ساياساتتى بىلەتىندەرى ماردىمسىز بولىپ شىقتى.

    ۇعىسۋعا قارعاندا، تۋىت قامسىزداندىرۋى ـ ادام ىستەتۋشى ورىننىڭ ءوز قىزمەتشىلەرى ءۇشىن تاپسىراتىن «بەس قامسىزداندىرۋ، ءبىر قور» ىشىندەگى قامسزداندىرۋ ءتۇرى بولىپ، جۇكتىلىك جانە پەرزەنتتى بولۋ مەزگىلىندەگى ايەل ەڭبەكشىلەردىڭ ەڭبەكتەن ۋاقتىلى قول ۇزگەن كەزدە، مەملەكەت پەن قوعام جاعىنان ەمدەۋگە قىزمەت وتەۋ، جوسپارلى تۋىت تولىقتاما قاراجاتى جانە تۋىت دەمالىسىمەن قامدالاتىن ءبىر ءتۇرلى قوعامدىق قامسىزداندىرۋ ءتۇزىمى، مەملەكەت پەن قوعام پەرزەنتتى بولعان جۇمىسشى - قىزمەتشىلەرگە قاجەتتى ەكونوميكالىق تولەم بەرەتىن جانە ەمدەۋ، كۇتىمدەۋ جۇرگىزەتىن قوعامدىق قامسىزداندىرۋ ءتۇزىمى ەكەن.

    تىلشىلىك بارىسىندا ءتىلىشى تۋىت قامسىزداندىرۋىنىڭ ەسەپتەن كوتەرۋ كولەمىنىڭ ءبىرشاما كەڭ ەكەنىن، پەرزەنتتى بولعاندا ىستەتۋدەن تىس، تاعى جاساندى جولمەن تۇسىك ءتۇسىرۋ، تەجەمدى تۋىت سياقتى وپەراتسيا قاراجاتتارىن دا ەسەپتەن كوتەرتۋگە بولاتىنىن ۇعىستى. ەسەپتەن كوتەرتۋ سالىستىرماسى جاعىندا ءار جەردىڭ ەكونوميكالىق جاعدايىنىڭ ۇقساس بولماۋىنا قاراي ەسەپتەن كوتەرۋ سالىستىرماسى دا ۇقساس بولمايتىندىعىن، مۇندا وپەراتسيا جاساتۋ جولىمەن بوسانعانداعى ەسەپتەن كوتەرۋ قاراجاتى قالىپتى بوسانعانداردىكىنە قاراعاندا جوعارى بولاتىنىن ۇعىستى.

    ۇعىسۋعا قاراعاندا، 2016 - جىلى ساۋىردە ادام كۇشى بايلىعى جانە قوعامدىق قامسىزداندىرۋ مينيسترلىگى تۋىت قامسىزداندىرۋى مەن نەگىزگى ەمدەلۋ قامسىزداندىرۋىن بىرىكتىرىپ اتقارۋدى العا قويعان، بۇل وسى ساياساتتىڭ تياناقتانۋىن جەبەۋگە ءتيىمدى بولعان.

    قازىر جاڭ حانىمنىڭ 10 مىڭ يۋاننان استام تۋىت قامسىزداندىرۋ قاراجاتى تياناقتانىپ بولدى.

    حانزۋشادان اۋدارعان: نۇركەلدى نۇراقىن ۇلى

جاۋاپتى رەداكتور: گۇلدەن ماقسات قىزى