ۇلى ارماندى جۇزەگە اسىرۋ ءۇشىن، ۇلى كۇرەستەر جۇرگىزۋ كەرەك

  • كەلۋ قاينارى: ىلە گازەتى
  • 03:13:51 09/01/2018

    ۋاڭ ۋەيگۋاڭ

    

    شي جينپيڭ جولداس پارتيانىڭ 19–قۇرىلتاي بايانداماسىندا: ۇلى ارمانعا جەتۋ ءۇشىن، ۇلى كۇرەستەر جۇرگىزۋ كەرەك. پارتيامىز حالىقتى ىنتىماقتاستىرىپ جانە باستاپ، اۋىر سىندارعا توتەپ بەرىپ، اۋىر حاۋىپ–قاتەردەن ساقتانىپ، قيىن كەدەرگىلەردى جەڭىپ، ءىرى قايشىلىقتاردى شەشۋ ءۇشىن كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋى قاجەت دەپ اتاپ كورسەتتى. وسى ماڭىزدى بايىمداۋدى تەرەڭ ءتۇسىنۋ، ۇلى كۇرەس پەن ۇلى ارماننىڭ داۋىرلىك ءمانىن ءدال يگەرۋ _ «قوس 100 جىلدىق» كۇرەس نىساناسىنىڭ تاريحي توعىسۋ كەزەڭىندە كۇرەسكەرلىك رۋحتى ساۋلەلەندىرىپ، ۇلى كۇرەستەر جۇرگىزىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ماڭىزدى مانگە يە.

    ۇلى ارماندى جۇزەگە اسىرۋ _ جۇڭگو كوممۋنيستىك پارتياسىنىڭ العاشقى ماقساتى مەن بورىشى

    جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ _ جالپى جۇڭحۋا ۇلاندارىنىڭ ۇلى ارمانى. جۇڭگو كوممۋنيستىك پارتياسى قۇرىلا سالا كوممۋنيزمدى جۇزەگە اسىرۋدى پارتيانىڭ ەڭ وسكەلەڭ مۇراتى جانە ەڭ تۇپكى نىساناسى ەتىپ، ادىلەت جولىندا ەشتەڭەدەن تايىنباي، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىشتى ارقالاپ، حالىقتى ىنتىماقتاستىرىپ جانە باستاپ، قاجىماي–تالماي كۇرەس جۇرگىزىپ، ايبىندى دا شۇعىلالى داستان جازدى.

    جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ _ تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. جۇڭگو حالقىن ۇلتتىڭ ۇلى گۇلدەنۋىن جۇزەگە اسىرۋداي ادىلەت جولىنا باستاعان جۇڭگو كوممۋنيستىك پارتياسى جۇڭگو حالقىنىڭ باقىتىن كوزدەپ، جۇڭحۋا ۇلتىنىڭ گۇلدەنۋىن كوكسەۋدى ءوزىنىڭ العاشقى ماقساتى مەن بورىشى ەتتى. حالىقتىڭ تاماشا ومىرگە دەگەن تالپىنىس–تىلەگىن كۇرەس نىساناسى ەتكەن جۇڭگو كوممۋنيستىك پارتياسى حالىقپەن ەتەنە بولىپ جانە باستاپ، توڭكەرىس، قۇرىلىس، رەفورما بارىسىندا جەڭىستەن جەڭىستەرگە قول جەتكىزىپ، بەس مىڭ جىلدان استام وركەنيەت تاريحى بار جۇڭحۋا ۇلتىن كەدەيلىك پەن مەشەۋلىككە قوش ايتقىزىپ، جاپپاي وسىزامانداندىرۋعا قادام تاستادى، جۇڭحۋا وركەنيەتى وسىزامانداندىرۋ اياق الىسىندا تىڭ ومىرشەڭدىك بايقاتتى؛ 500 جىلدىق تاريحى بار سوتسياليزم يدەياسى دۇنيەدەگى جان سانى ەڭ كوپ مەملەكەتتە وسكەلەڭ رەالدىق پەن اتقارۋعا بولاتىن دۇرىس جولدى ءساتتى اشىپ، عىلمي سوتسياليزمنىڭ 21–عاسىرداعى جالىندى ومىرشەڭدىگىن ايگىلەدى؛ جەتپىس جىلعا جۋىق تاريحى بار جاڭا جۇڭگونىڭ قۇرىلىس ىستەرى كۇللى دۇنيەنى جالت قاراتارلىق تابىستارعا قول جەتكىزىپ، رەفورما جاساپ، ەسىك اشقاننان بەرگى قىسقا عانا 30 جىلدان استام ۋاقىتتا كەدەيلىكتەن ارىلىپ، دۇنيە جۇزىندەگى ەكىنشى ءىرى ەكونوميكالىق تۇلعاعا اينالدى. بۇگىن ءبىز ءار قانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەت–قۋاتىمىز دا جەتەدى.

    ۇلى ارماندى جۇزەگە اسىرۋ ءۇشىن، ۇلى مۇرات پەن ورتاق مۇراتتى تىعىز بىرلەستىرۋ كەرەك. ۇلى مۇرات پەن كوممۋنيزم ۇلى مۇراتى، جۇڭگوشا سوتسياليزم ورتاق مۇراتى بۇكىلدەي ۇقساس. ۇلى ارماندى، ۇلى مۇراتتى، ورتاق مۇراتتى جۇزەگە اسىرۋ ءۇشىن كۇرەسۋدە تاباندى بولۋ _ پارتيامىزدىڭ مۇرات–سەنىم جاعىندا جالپى پارتيا مۇشەلەرىنە قويعان پارتيالىلىق تالابى.

جاۋاپتى رەداكتور: جازيرا بولاتباي قىزى