باي مازمۇندى كوركەمونەر نومىرلەرى ارقىلى پارتيانىڭ ءۇنىن حالىققا جەتكىزدى

  • كەلۋ قاينارى: شينجياڭ گازەتى تورابى
  • 09:25:49 09/01/2018

  

    ۇسىنىس ەتىلگەن ءتىلشى ءۋالي مۇقاتجان ۇلى حابارلايدى. تاياۋدا، اراسان اۋداندىق ويىن - ساۋىق ۇيىرمەسىنىڭ ۇگىت اترەتى ءار ۇلت تۇرعىندارىنا، وتارداعى مالشىلارعا، شەكارا قورعانىسىنداعى كوماندير - جاۋىنگەرلەرگە پارتيا 19 - قۇرىلتايىنىڭ رۋحىن، مازمۇنىن، نەگىزگى ءتۇيىنىن جاپپاي ۇگىتتەپ، پارتيانىڭ ءۇنى مەن شىنايى قامقۇرلىعىن ولاردىڭ كوڭىل تۇكپىرىنە ۇيالاتتى.

    ۇگىت اترەتى قىستاقتارعا بارعاننان كەيىن، قىستاق كوميتەتى مەن قىستاق الاڭدارىندا كەرمە تۋ تارتۋ، ۇگىت تاقتالارىن شىعارۋ، پارتيا 19 - قۇرىلتايىنىڭ رۋحىن ۇگىتتەۋ اياسىندا باي مازمۇندى كوركەمونەر نومىرلەرىن ورىنداۋ سەكىلدى فورمامەن پارتيا 19 - قۇرىلتايىنىڭ رۋحىن ءار ۇلت بۇقاراسىنا جەتكىزدى. قىستاق تۇرعىندارى دا قيمىلعا بەلسەنە ات سالىسىپ، قۇرىلتاي رۋحىن دەن قويا ۇيرەندى.

    اراسان اۋدانى كولدەنەڭ مال فەرماسىنىڭ تۇرعىنى ليۋ كاي: اراسان اۋداندىق ويىن - ساۋىق ۇيىرمەسىنىڭ پارتيا 19 - قۇرىلتايىنىڭ مازمۇنىن وزەك ەتكەن ويىن نومەرلەرى جاندى دا ءماندى بولدى. باي مازمۇندى كوركەمونەر نومىرلەرىن كورىپ ايرىقشا سەزىمگە بولەندىك. پارتيا 19 - قۇرىلتايىنا قاتىستى كوپتەگەن بىلىمدەرگە يە بولدىق. پارتيا مۇشەسى سالاۋاتىممەن، پارتيا 19 - قۇرىلتايىنىڭ رۋحىن جاپپاي يگەرىپ، ءىس جۇزىندىك ارەكەتىم ارقىلى ۇيرەنگەن بىلىمدەرىمدى كورشى - قولاڭ، تۋىس - تۋعان، دوس - جاراندارىما جەتكىزەمىن، - دەدى.

    ۇگىت اترەتى اراسان اۋدانى اققوي اسىل تۇقىمدى مال فەرماسىنىڭ ءومىستى مال شارۋاشىلىق اترەتىنىڭ وتارلارىنا بارعاندا، الىس - جاقىننان جينالعان مالشىلار باي مازمۇندى ويىن نومىرلەرىن قىزىعا تاماشالاپ، ءان سالىپ، ءبي بيلەپ، قۋانىشقا شومدى. ۇگىت اترەتىندەگىلەر قاراپايىم دا ۇعىنىقتى تىلمەن پارتيا 19 - قۇرىلتايىنىڭ رۋحىن، ماڭىزدى تۇيىندەرىن اشالاپ ءتۇسىندىردى.

    90نان اسقان قارت مالشى ەسباي اقساقال تەبىرەنگەن بەينەدە تىلشىگە: مەن مالشىلىقپەن شۇعىلدانعانىما 40 جىلدان استى، وسى بارىستا پارتيا مەن ۇكىمەتتىڭ قامقورلىعىندا باي دا باقۋاتتى تۇرمىس كەشىرىپ كەلەمىن، ەشقانداي قيىنشىلىق كورمەدىم، پارتياعا العىسىم شەكسىز، - دەدى.

    ۇگىت اترەتى شەكارا قورعانىس اسكەري كازارمالارىنا بارعاندا، كوماندير - جاۋىنگەرلەردىڭ قىزۋ قارسى الۋىنا بولەنىپ، اسەم ءان مەن كۇمبىرلى كۇي ارقىلى پارتيا 19 - قۇرىلتايىنىڭ رۋحىن كوماندير - جاۋىنگەرلەرگە ءماندى تۇردە جەتكىزدى.

    جاۋىنگەر ۋاڭ حاي: بۇگىن تەبىرەنىسىمدە شەك جوق، شەكارا قورعانىس جاۋىنگەرى تۇرعىسىنان، پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، شەكارا قورعانىسى، وتاننىڭ تۇتاستىعى، قوعامنىڭ باياندى تىنىشتىعى ءۇشىن ءبىر كىسىلىك ۇلەسىمدى قوسامىن، - دەدى.

جاۋاپتى رەداكتور: گۇلدەن ماقسات قىزى