شينجياڭدا مەملەكەتتىك شۇرات باقشاسىنان تاعى بەسەۋى كوبەيدى

  • كەلۋ قاينارى: شينجياڭ گازەتى تورابى
  • 09:32:12 09/01/2018

 

    شينحۋا اگەنتتىگىنىڭ 4 - قاڭتاردا ۇرىمجىدەن بەرگەن حابارى (ءتىلشى سۇن شاۋشيۇڭ). مەملەكەتتىك ورمان شارۋاشىلىعى مەكەمەسىنىڭ تەكسەرىپ وتكىزىپ الۋىمەن، شينجياڭداعى شۇرات باقشاسىنان تاعى بەسەۋىنە رەسمي تۇردە مەملەكەتتىك سۋلى - باتپاقتى ساياباق مارتەبەسى بەرىلدى. ءسويتىپ، تيانشاننىڭ وڭتۇستىگى مەن سولتۇستىگىندەگى مەملەكەتتىك شۇرات باقشاسىنىڭ جالپى سانى 52گە جەتتى.

    اۆتونوميالى رايوندىق ورمان شارۋاشىلىعى مەڭگەرمەسىنىڭ تانىستىرۋىنشا، وسى 5 شۇرات باقشاسى مىنالار: شينجياڭ باعراش كولى مەملەكەتتىك شۇرات باقشاسى، ۇلىڭگىر مەملەكەتتىك شۇرات باقشاسى، نيە مەملەكەتتىك شۇرات باقشاسى، ساۋان چيانچۋانحۋ كولى مەملەكەتتىك شۇرات باقشاسى، پوسكام ياركەن وزەنى مەملەكەتتىك شۇرات باقشاسى.

    بۇندا باعراش كولى مەملەكەتتىك شۇرات باقشاسىنىڭ جوباداعى اۋدانى 1573.71 شارشى كيلومەتر، قاراشار ويپاتىنىڭ «بۇيرەگى»، «وكپەسى» اتانعان؛ ۇلىڭگىر مەملەكەتتىك شۇرات باقشاسى ۇلىڭگىر كولى مەن جىلى كول دەيتىن ەكى بولىكتەن قۇرالعان، جالپى اۋدانى 127 مىڭ 155 گەكتار، ۇلىڭگىر كولى سولتۇستىك شينجياڭداعى ەڭ ءىرى ماڭگىلىك تۇشتى كول.

    قازىرگە دەيىن شينجياڭدا ءتۇرلى شۇراتتاردىڭ جالپى اۋدانى 3 ميلليون 940 مىڭ گەكتاردان استى، بۇندا اۋدانى 100 گەكتاردان اساتىن شۇراتتار 435، نەگىزىنەن، تيانشان، التاي، كۇنلۇن تاۋ سىلەمدەرى مەن تارىم، جۇڭعار ويپاتتارىنا تارالعان.

    اۆتونوميالى رايوندىق ورمان شارۋاشىلىق مەڭگەرمەسى تابيعي قورىق پەن شۇراتتى جەرلەردى باسقارۋ كەڭسەسىنىڭ قىزمەتكەرى: قازىر شينجياڭدا شۇرات باقشالارىنىڭ كوپشىلىگى سەرۋەندەۋگە اقىسىز اشىلدى، شۇراتتاردىڭ كەيبىرى جەرگىلىكتى كورىنىس رايوندارىمەن قاباتتاسقان جاعدايدا، جەرگىلىكتى ۇكىمەتتەر لايىقتى باعا بەلگىلەپ، ساياحاتشىلارعا اشىق ۇستاپ وتىر، - دەدى.

جاۋاپتى رەداكتور: گۇلدەن ماقسات قىزى