سارى سۇرلەمدى سۋلياۋ جارعاقپەن وراپ باسۋ تەحنيكاسى

  • كەلۋ قاينارى: ىلە گازەتى
  • 03:38:00 10/01/2018

    

    ءسادىقان بايتۋلاق ۇلى

    

    سارى سۇرلەم دەپ اتىزدا ساباعى سارعايىپ پىسقان جۇگەرىنى دانىمەن نەمەسە ءدانىن ايىرىپ الىپ ورىپ، تۋراعان سوڭ باسىلعان سۇرلەمدى ايتامىز. سارى سۇرلەمدى دانىمەن بىرگە باسسا دا، ءدانىن ايىرىپ الىپ قۇر مادەگىن باسسا دا بولادى. بۇدان تىس، سول جىلى باسىسا دا، اڭىزعا تىكتەپ قويىپ كەلەسى جىلى كۇن جىلىعان كەزدە باسسا دا بولادى، ۋاقىت شەكتەمەسىنە ۇشىرامايدى، سارى سۇرلەمدى ۇراعا (شۇڭقىرعا)، جازىق جەرگە، سۋلياۋ قالتاعا جانە سۋلياۋ جارعاقپەن (نىعىزداپ وراپ) باسسا دا بولادى. تاياۋ جىلداردان بەرى جوعارىداعى ءتورت ءتۇرلى ءادىستىڭ ىشىندە ارناۋلى جوبالانعان ەگىس ماشيناسى ارقىلى تۋرالعان مادەكتى تايلاپ، سۋلياۋ جارعاقپەن نەشە قاباتتاپ وراپ سۇرلەم باسۋ ءادىسى كەڭ كولەمدە قولدانىلۋدا. جۇگەرى مادەگىن ۇساقتاپ تۋراپ، اس تۇزىن، اشىتقى باكتەريا سۇيىقتىعىن جانە ۇيلەسىمدى مولشەردە سۋ قوسىپ، از ۋاقىت تۇمشالاپ قويىپ، نىعىزداپ تايلاپ، سۋلياۋ جارعاقپەن وراپ قوراپتاۋ سياقتى جۇمىستار بىرىنەن سوڭ ءبىرى ارنايى جوبالانعان ەگىس ماشيناسىنىڭ كومەگىمەن ورىندالادى.

    ازىرلىك جۇمىستارى

    كۇز ماۋسىمىندا اتىزدا سارعايىپ پىسقان جۇگەرى ساباعىن ورىپ، تۋراپ العان سوڭ سۋ قۇرامىن تولىقتاۋعا تۋرا كەلەدى. ادەتتە قۇرعاق جۇگەرى ساباعىنىڭ سۋ قۇرامى %20 – 12 شاماسىندا بولادى. وسى سۋ قۇرامىن %70 -60 كە جەتكىزۋ ءۇشىن ءار توننا تۋرالعان جۇگەرى مادەگىنە 900 – 1200 كيلوگرام سۋ قوسىپ دىمقىلدىعىن ارتتىرىپ ءارى 4 تە 8 ساعات تۇمشالاپ قويعاندا، ەشقانداي سۋ قالماي، مادەك بويىنا تولىق ءسىڭىپ كەتەدى. الاقانعا سالىپ سىققاندا سۋ الاقانعا جۇقسا، الايدا اقپاسا، وندا تۋرالعان مادەكتىڭ سۋ قۇرامىنىڭ ۇيلەسىمدى بولعاندىعىنان دەرەك بەرەدى. تۋرالعان مادەككە سۋ قۇيۋمەن بىرگە، تونناسىنا 2 – 4 كيلوگرامنان اس تۇزى قوسىلىپ، تەگىس ارالاستىرىلىپ ءدامى كەلتىرىلەدى.

    اشىتقى باكتەريا سۇيىقتىعىن ازىرلەۋدىڭ شارتتارى

    (1) سارى سۇرلەم باسۋ ءادىسى. سارى سۇرلەمدى ساقتايتىن قامبانىڭ تەمپەراتۋراسى 5 سەلتسي گرادۋستان تومەن بولسا وندا ءتۇرلى اشىتقى باكتەريالار تىرشىلىك ەتە المايتىندىقتان، تالشىقتى ۆيتاميندەر مەن قاتتى دەنەلەر پارشالانۋدان توقتايدى. سول ءۇشىن اشىتقى باكتەريالارىنىڭ تىرشىلىگىنە ەڭ ۇيلەسەتىن ورتا 15 – 30 سەلتسي گرادۋستىق ورتا تەمپەراتۋراسىن جاراتىپ بەرۋ ەڭ ماڭىزدى جۇمىس سانالادى. 30 – 35 كۇندىك سۇرلەمنىڭ مەرزىمدى اشۋ ۋاقىتى مەن ساپاسىنا كەپىلدىك ەتۋگە بولادى. سارى سۇرلەم بولسىن، الدە كوك سۇرلەم بولسىن بارىندە اشىتىپ باسۋعا قاتىناساتىن زاۆودىڭ جۇمىسشىلارى اشىتقى باكتەريالارى بولعاندىقتان، ولاردىڭ تىرشىلىك زاڭدىلىعىنا قۇرمەت ەتۋ ءۇشىن، اۋاسىز، ىلعالدى، تۇمشالانعان تاماشا ورتا جاراتىپ بەرۋ العى شارت ەتىلەدى.

جاۋاپتى رەداكتور: گۇلدەن ماقسات قىزى