سارى سۇرلەمدى سۋلياۋ جارعاقپەن وراپ باسۋ تەحنيكاسى

  • كەلۋ قاينارى: ىلە گازەتى
  • 03:38:00 10/01/2018

    (2) اشىتقى باكتەرياسىن جانداندىرۋ ءادىسى. سارى سۇرلەمدى مەرزىمدى ۋاقىت ىشىندە اشىتۋ ءۇشىن وعان اشىتقى باكتەرياسىن قوسۋعا تۋرا كەلەدى. ول ءۇشىن 35 سەلتسي گرادۋستىق ءبىردىڭ بەسكە قاتىناسىنداي مولشەرىندەگى جىلى سۋدا 1 – 2 ساعات شىلاپ جانداندىرۋ ءادىسى قولدانىلادى. بۇل بارىستا انا باكتەريانىڭ تىرشىلىگى جاندانىپ، كوبەيۋ باسقىشىنا ءوتىپ، سان جاعىنان ەسەلەپ ارتادى. ءار توننا شيكى ماتەريالدى ولشەم بىرلىگى ەتە وتىرىپ ازىرلەنگەن باكتەريا سۇيىقتىعىنا 500 گرام جۇگەرى ۇنى قوسىلىپ ارالاستىرىلادى. ءار توننا شيكى ماتەريالعا قوسىلاتىن جالپى اشىتقى باكتەريا سۇيىقتىقى مىناداي بولادى: ءبىر كيلوگرام اشىتقى باكتەرياسى، 5 كيلوگرام جىلى سۋ، 500 گرام جۇگەرى ۇنى قوسىلادى.

    (3) اشىتقى باكتەريا سۇيىقتىعىن سۋدا سۇيىلتۋ ءادىسى. جوعارىداعى ءادىس بويىنشا جانداندىرىپ ازىرلەنگەن اشىتقى باكتەريا سۇيىقتىعىنا 25 – 30 سەلتسي گرادۋستىق جىلى سۋدان تاعى دا ءبىردىڭ 15 كە قاتىناسىنداي مولشەرىندە سۇيىلتىلىپ، سۇرلەمگە قوسۋعا ازىرلەنەدى.

    (4) اشىتقى باكتەريا سۇيىقتىعىن قوسۋ ولشەمى. ءار توننا تۋرالعان جۇگەرى مادەگىنە 1 – 1.5 كيلوگرام سۇيىلتىلعان باكتەريا سۇيىقتىعىن قوسىپ، تەگىس ارالاستىرامىز. ەگەر ساقتايتىن قامبانىڭ تەمپەراتۋراسى 7 – 10 سەلتسي گرادۋس شاماسىندا سالقىن بولسا، وندا قوسىلاتىن باكتەريا سۇيىقتىعىنىڭ مولشەرىن ارتتىرىپ، 1.5 كيلوگرام قوسقان ءجون.

    تاسپالى جارعاقپەن وراپ قوراپتاۋ بارىسى

    شيكى ماتەريالعا اشىتقى باكتەريا سۇيىقتىعىن قوسىپ نىعىزداپ تايلاپ، سۋلياۋ جارعاقپەن وراۋ ءادىسى: ءبىرىنشى باسقىشتا سۋدى بويىنا تولىق سىمىرگەن شيكى ماتەريالدىڭ ۇستىنە اشىتقى باكتەريا سۇيىقتىعىن بىركەلگى شاشىپ، تەگىس ارالاستىرىپ، تايلاۋشى جۇيەنىڭ سىرعىما ناۋاسىنا ايىرمەن سالىپ بەرۋ ارقىلى دوڭگەلەكتەپ تايلانادى؛ ەكىنشى باسقىشتا تايلاۋشى جۇيەنىڭ قاقپاعىنىڭ اشىلۋىمەن دومالاق تايلانعان مادەك دومالاعان كۇيىندە سۋلياۋ جارعاق پەن وراۋشى قوندىرعىنىڭ الاقانىنا كەلىپ ورنىعادى، ول قوندىرعى تەز اينالۋ بارىسىندا تاسپالى جارعاقپەن 2 – 4 قابات تۋمشالاپ وراپ قوراپتاپ شىعادى؛ ءۇشىنشى باسقىشتا ەكى ادام قول ارباعا سالىپ قويماعا اپارىپ قاتارلاپ جينايدى.

    قوراپتالعان سۇرلەمدى قامباعا جيناپ ساقتاۋ ءادىسى

    قوراپتالعان سۇرلەم اۋاسى قۇرعاق ورىندا ساقتالادى. ەگەردە اۋاسى ىلعال بولسا، سۇرلەمدە ءشىرۋ ءجايتى كورىلۋى مۇمكىن. قوراپتالعان سۇرلەمدى ءبىرىنىڭ ۇستىنە ءبىرىن قويىپ باستىرىپ جيناۋعا بولمايدى. ادەتتە 3 قاباتتان اسىرماۋ شارت ەتىلەدى. ايتپەگەندە سۋلياۋ جارعاقپەن ورالعان استىڭعى سۇرلەمنىڭ جارعاعى قىسىمعا شىداماي، اراسى اشىلۋ نەمەسە جىرتىلۋ سەبەبىنەن اۋا كىرىپ، وڭاي ءشىرىپ كەتەدى. ادەتتەگى جاعدايدا تايلانعان سارى سۇرلەم 35 – 30 كۇندە اشىپ بولادى. وسى كەزدەن باستاپ مالعا بەرسە بولا بەرەدى.

جاۋاپتى رەداكتور: گۇلدەن ماقسات قىزى