سارى سۇرلەمدى سۋلياۋ جارعاقپەن وراپ باسۋ تەحنيكاسى

  • كەلۋ قاينارى: ىلە گازەتى
  • 03:38:00 10/01/2018

    سۋلياۋ جارعاقتا قوراپتالعان سارى سۇرلەمنىڭ مىناداي 5 ءتۇرلى ەرەكشەلىگى بار: (1) ۇزاق جىل ساقتاۋعا، الىس ورىنعا تاسىمالداۋعا، ءار تۇلىك مالعا بەرۋگە ۇيلەسەدى. (2) 45 تە 100 كيلوگرام مولشەرىندەگى سالماقتا قوراپتالعان سۇرلەمدى مالعا بەرۋ بارىسىندا اراسىنا اۋا كىرسە دە، ىستەتىپ بولۋ ۋاقىتى قىسقا بولعاندىقتان ءشىرىپ كەتىپ ساپاسى وزگەرۋ ءجايتى كورىلمەيدى. (3) ەگەردە قاتارلاپ تىزىلگەن سۇرلەمنەن بىرەر داناسى شىرىگەن كۇندە دە، 2 – 3 قابات سۋلياۋ جارعاقتان ءشىرىندى سۇيىقتىعى وتە المايتىندىقتان، قاتارىنداعى سۇرلەمگە دارىمايدى. (4) شيكىزات ساقتايتىن ورىن جىلى بولعاندا 4 ماۋسىمدا دا مانەرلەۋگە بولادى. (5) جوعارىداعى تەحنيكالىق ءادىس بويىنشا اشىتىلعان سارى سۇرلەمدى 10 جىلعا دەيىن حاۋىپسىز ساقتاۋعا بولاتىندىقتان، سارى سۇرلەم اشىتۋ ءادىسىنىڭ ىشىندەگى ەڭ ۇزاق ساقتالاتىن سۇرلەم دەۋگە بولادى.

    مىنە وسىنداي ەرەكشەلىكتەرى بولعاندىقتان شارۋالار وسى ءادىستى جىلى قارسى الىپ، قولدانىپ كەلەدى، دەسەدە تولىق اۆتوماتتاسقان تايلاۋشى، تاسپا جارعاقتى وراۋشى ەگىس ماشيناسىنىڭ رايونىمىزداعى باعاسى 26 مىڭ يۋان، ال جارتىلاي اۆتوماتتى ەگىس ماشيناسىنىڭ باعاسى 20 مىڭ يۋان شاماسىندا بولعاندىقتان، اۋىل – قىستاقتاردا كەڭ كولەمدە جالپىلاسا الماي وتىرعان جاعداي دا جوق ەمەس. كەيبىر وتباسىلارىنىڭ وسى ەگىس ماشيناسىن ساتىپ الىپ، بىرەر جىلدىڭ ىشىندە سوماسىن تاۋىپ العاندارى دا بار. داۋىرگە سايكەس وزىق تەحنيكادان پايدالانباي، باياعى ءداستۇرلى ادىسپەن ەگىن ەگىپ، مال باعۋدان كىرىس كوزىن اشۋعا بولمايتىندىعىن اماليات دالەلدەپ وتىر. سوندىقتان جاڭا تيپتەگى قولدانىلمالى تەحنيكادان ەل قاتارلى پايدالانىپ، اۋقاتتانۋ جولىنا تۇسۋگە تىنباي ىزدەنىس جاساۋ كەرەك.

جاۋاپتى رەداكتور: گۇلدەن ماقسات قىزى