پارتيا 19 - قۇرىلتايىنىڭ رۋحى جەر ـ جەرگە، سالالارعا ىشكەرىلەي جەتكىزىلدى

  • كەلۋ قاينارى: ىلە گازەتى
  • 09:08:01 10/01/2018

  

    جالپىلىق مەنشىككە جاتپايتىن كاسىپورىنداردا

 

    19 - قۇرىلتاي بايانداماسىندا «جالپىلىق مەنشىككە جاتپايتىن شارۋاشىلىقتىڭ دامۋىنا دەم بەرىپ، قولداۋ كورسەتىپ، جەتەكشىلىك ەتىپ، حالىق باسقارۋىنداعى كاسىپورىنداردىڭ دامۋىن قولداپ، كاسىپكەرلىك رۋحتى جەبەپ جانە قورعاپ، ءتىپتى دە كوپ قوعامدىق تۇلعالاردى جاڭالىق اشۋعا، شارۋاشىلىق قۇرۋعا شابىتتاندىرىپ، جالپىلىق مەنشىككە جاتپايتىن شارۋاشىلىقتىڭ دامۋىن جانە جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەردىڭ اقاۋسىز جەتىلۋىن جەبەۋ كەرەك» دەپ اتاپ كورسەتىلدى. بۇل جالپىلىق مەنشىككە جاتپايتىن شارۋاشىلىقتى دامىتۋعا تاماشا وراي بولدى ءارى حالىق باسقارۋىنداعى كوپتەگەن كاسىپورىنشىلارعا تىڭ ءۇمىت باعىشتادى.

    جاقىننان بەرى كۇيتۇن قالاسىنىڭ جاڭادان قۇرىلعان پارتيا ۇيىمىنىڭ جۇڭجين ساۋدا ىستەرى عيماراتى پارتيا ياچەيكاسىنداعى پارتيا مۇشەلەرى مەن جالپىلىق مەنشىككە جاتپايتىن كاسىپورىنشىلار 19 – قۇرىلتاي رۋحىن ىشكەرىلەي ۇيرەندى ءارى پارتيا مۇشەلەرى مەن پارتيا ۇيىمىنا كىرۋگە ءوتىنىش بەرگەن بەلسەندىلەردى ءوزارا ۇيرەنۋگە، شوعىرلى ۇيرەنۋگە ۇندەپ، قاتىستى ۇيرەنۋ كىتاپتارىن تاراتىپ، قۇرىلتاي رۋحىن دايەكتى تياناقتاندىرۋعا بەرىك نەگىز قالادى.

    ساۋداگەر ليۋ ۋىنجيە بىلاي دەدى: بايانداماداعى «ءبىز جاڭا داۋىرگە قادام تاستادىق، بىزدە تىڭ يدەيالار پايدا بولىپ، جاڭا قايشىلىقتاردى تانىدىق، سونىمەن بىرگە تىڭ نىسانالار ورتاعا قويىلدى» دەگەن مازمۇن ماعان تەرەڭ اسەر قالدىردى. بۇل ءبىزدىڭ كاسىپورنىمىزعا تىڭ باعىت كورسەتىپ، سەنىمىمىزدى بەكەمدەدى. سوندىقتان ءبىز 19 - قۇرىلتاي رۋحىن شىنايى يگەرىپ، سوتسياليستىك وسىزاماندانعان قۇدىرەتتى مەملەكەت قۇرۋعا بار كۇشىمىزدى سالۋىمىز كەرەك.

    ساۋداگەر لي حۇڭبيڭ بىلاي دەدى: 32 مىڭ ارىپتىك پارتيا 19 - قۇرىلتاي بايانداماسىندا كوپتەگەن مازمۇندار ءبىزدىڭ ۇيرەنۋىمىزگە جانە يگەرۋىمىزگە تاتيدى. وسىنداي ءبىر جاڭا داۋىردە كاسىپورنىمىز 19 - قۇرىلتاي رۋحىن ىشكەرىلەي ۇيرەنىپ، ءتىپتى دە كوپتەگەن كاسىپ جاراتۋشىلاردى قاتارىمىزعا قوسىپ، ۇلى جۇڭگو ارمانىن جۇزەگە اسىرۋ ءۇشىن تيەسىلى ۇلەسىمىزدى قوسامىز.

    ۇعىسۋعا قاراعاندا، كۇيتۇن قالاسىنىڭ جاڭادان قۇرىلعان پارتيا ۇيىمىنىڭ جۇڭجين ساۋدا ىستەرى عيماراتىنىڭ پارتيا ياچەيكاسىندا جيىنى 10 پارتيا مۇشەسى بار بولىپ، تامىز ايىندا پارتيا ياچەيكاسى رەسمي قۇرىلعاننان بەرى 9 ساۋداگەر پارتياعا كىرۋ ءوتىنىشىن تاپسىرىپتى.

    ەركىنعازى احىمەتباي ۇلى

جاۋاپتى رەداكتور: گۇلدەن ماقسات قىزى