وتكەن جىلى شينجياڭداعى ساياحات تاراۋلارى قابىلداعان ساياحاتشى مولشەرى تاريحتاعى جوعارى ورەگە جەتتى

  • كەلۋ قاينارى: ىلە كەشى گازەتى
  • 03:37:41 11/01/2018

  

    ءتىلشىنىڭ قاڭتاردىڭ 7-كۇنى اۆتونوميالى رايوندىق ساياحاتتى دامىتۋ كوميتەتىنەن ۇعىسۋىنشا، 2017-جىلى شينجياڭنىڭ ساياحات كاسىبىندە «قابىلداعان ساياحاتشىنى رەت-سانى بويىنشا 100 ميلليونعا جەتكىزۋ» جىلدىق نىساناسى كۇنى بۇرىن ورىندالىپ، 2017-جىلى قازاننىڭ 5-كۇنىنە دەيىن شينجياڭدا قابىلدانعان ساياحاتشى رەت-سانى بويىنشا 100 ميلليون 250 مىڭعا جەتىپ، جىلدىق مىندەت مەرزىمنەن بۇرىن اسىرا ورىندالعان. رەت-سانى بويىنشا 100 ميلليون ساياحاتشى قابىلداۋ وتكەلىن ءساتتى باسىپ وتكەن شينجياڭنىڭ ساياحات كاسىبى ىزىندە توقتاپ قالماي ۇزدىكسىز قۇلشىنىپ، 2017-جىلى قاراشانىڭ 30-كۇنىنە دەيىن رەت-سانى بويىنشا 105 ميلليون 619 مىڭ 100 ساياحاتشى قابىلداپ، ساياحاتشى سانى وتكەن جىلدىڭ ۇقساس مەزگىلىندەگىدەن ٪32.41، ساياحات كىرىسى ٪27.27 ارتىپ، تاريحتاعى ەڭ جوعارى ورە جاراتىلعان. تىلگە تيەك ەتۋگە تاتيتىنى شينجياڭنىڭ ساياحات كاسىبى تەز قارقىنمەن دامۋ بارىسىندا تۇتاس ءبىر جىلدا اۋىر حاۋىپسىزدىك شىرعالاڭى، ساياحاتقا قىزمەت وتەۋگە قاتىستى ناشار جاعداي، اۋىر دارەجەدەگى ورتانى ءبۇلدىرۋ جاعدايى تۋىلماي، ساياحات كاسىبى اتى زاتىنا ساي اقاۋسىز، ءتارتىپتى ىلگەرىلەتىلگەن.

    جىل باسىندا بەلگىلەنگەن نىسانانى ويداعىداي ورىنداۋ ءۇشىن شينجياڭداعى ساياحات تاراۋلارى قامداۋ سيپاتىندىق رەفورمانى تەرەڭدەتىپ، ساياحات ونىمدەرىنىڭ ساپاسىن جاقسارتىپ، مەملەكەتتىك 5A دارەجەلى ساياحات، كورىنىس رايوندارىنىڭ قىزمەت وتەۋ دەڭگەيىن اناعۇرلىم جوعارىلاتىپ، 4A دارەجەلى ساياحات، كورىنىس رايوندارىن ءتىپتى دە كەمەلدەندىرۋمەن بىرگە، شينجياڭداعى 10 ءىرى ساياحات سارا جولى لەنياسى جانە 9 ۋاكىلدىك سيپاتتاعى ساياحات، كورىنىس رايونى ونىمدەرىن تانىستىرىپ، 160 تۇرلىدەن استام قىس، كوكتەم مەزگىلىندەگى ساياحات قيمىلىن ورىستەتىپ، «قار-مۇز ساياحاتى»، «گۇل نەگە سونشا قىزىل»، «پويەزگە وتىرىپ شينجياڭدا ساياحاتتاۋ» سياقتى باي مازمۇندى ساياحات ماركالارىن جارىققا شىعارعان. سونداي-اق «جىبەك جولى قار-مۇز ساياحاتى، ۇلتتىق سالت-سانا» ساياحاتىن زور كۇشپەن جالپىلاستىرىپ، مايتاۋ-كۇشار تاس جولى ساياحات بىرلەستىگىن قۇرىپ، شينجياڭ-شيزاڭ تاس جولى ساياحات لەنياسى ونىمدەرىن اشۋ، كولىكپەن ساياحاتتاۋ، سەرۋەندەۋ، ۇلتتىق سالت-سانا، اۋىل-قىستاق ساياحاتى سياقتى الۋان ءتۇرلى، باي مازمۇندى ساياحات تۇرلەرىن شينجياڭنىڭ ساياحات كاسىبىندەگى جاڭا ارتۋ تۇيىنىنە اينالدىرعان. 2017-جىلى جەر-جەردەگى ساياحاتتى باسقارۋ تاراۋلارى 378 ورىندا دارەتحانا سالۋدى جوسپارلاپ، بۇل مەملەكەتتىك ساياحات مەكەمەسى بەلگىلەگەن 216 دارەتحانا سالۋ مىندەتىن اسىرا ورىنداۋعا بەرىك نەگىز قالادى. 118114 ساياحاتقا قىزمەت وتەۋ الەۋمەتتىك ارناۋلى لەنياسى قۇرىلىسى جاپپاي باستالىپ، الەۋمەتتىك قىزمەت وتەۋ جۇيەسى كەمەلدەندىرىلگەن. 2017-جىلى شينجياڭنىڭ ساياحات كاسىبىنە 20 ميلليارد 500 ميلليون يۋان قارجى قوسىلىپ، 436 ساياحات نىسانى اتقارىلىپ، ىشكى ولكەدەگى ەكونوميكالىق قۋاتى مىعىم قىرۋار كاسىپورىن شينجياڭدا ىرگە تەۋىپ، بۇل شينجياڭنىڭ ساياحات كاسىبىنىڭ دامۋىنا بەرىك نەگىز قالاعان.

جاۋاپتى رەداكتور: گۇلدەن ماقسات قىزى