اۋىل-قىستاقتان كەلگەن مىڭنان استام جاس قۇلجا قالاسى قازانشى ۇلتتىق قولونەر بۇيىمدارى بازاسىندا كاسىپتەندى

  • كەلۋ قاينارى: ىلە كەشى گازەتى
  • 03:39:26 11/01/2018

   

    ءوز حابارىمىز. قاڭتاردىڭ 7-كۇنى قۇلجا قالاسى قازانشى ۇلتتىق قولونەر بۇيىمدارى بازاسىنان ۇعىسۋىمىزشا، جۋىقتاعى بىرنەشە جىلدان بەرى ەڭبەككۇش شوعىرلانعان كاسىپورىنداردى زور كۇشپەن قولداعان بۇل بازاداعى كاسىپورىن سانى 82 گە جەتىپ، اۋىل-قىستاقتان كەلگەن ءبىر مىڭ 83 جاس وسى ارادا كاسىپتەنگەن.

    چۇعلىق اۋىل شارۋاشىلىق عىلىم-تەحنيكاسىن اشۋ شەكتى سەرىكتىگىنىڭ ديرەكتورى نىعىمەتتىڭ تانىستىرۋىنشا، بۇل سەرىكتىك ارناۋلى جەمىس قويمالجىڭىن مانەرلەۋمەن اينالىسىپ، 2010-جىلى قۇرىلعاننان قازىرگە دەيىن تاڭقۋراي، قاراقات، الما سياقتى 9 ءتۇرلى جەمىستەن 63 ءتۇرلى قوراپتاعى جەمىس قويمالجىڭىن ءوندىرىپ، جىلدىق ءونىم مولشەرىن ءبىر مىڭ 300 توننادان اسىرعان. قازىر بۇل سەرىكتىكتەگى جالپى 58 جۇمىسشىنىڭ ىشىندەگى تومەن تۇرمىسى كەپىلدەندىرىلەتىن وتباسىدان كەلگەن 12 جاس تۇرمىس جاعدايى جاقسارعان سوڭ تومەن تۇرمىستى كەپىلدەندىرۋ قاراجاتىن الۋدان ىرىقتىلىقپەن باس تارتقان. ۇعىسۋىمىزشا، 2013-جىلى قۇلجا قالاسى قازانشى ۇلتتىق قولونەر بۇيىمدارى بازاسى قۇرىلىپ پايدالانۋعا بەرىلگەننەن كەيىن سول جىلى بۇل ارادا ىرگە تەپكەن كاسىپورىن سانى 20 دان اسسا، قازىر قولونەر بۇيىمدارى، ساياحات ەستەلىك بۇيىمدارى، ۇلتتىق كيىم-كەشەك، شينجياڭنىڭ ەرەكشە ونىمدەرى سياقتى سان-سالالى كاسىپتى قامتىپ، ءونىم تۇرى ءبىر مىڭ 800 دەن اساتىن ءتۇرلى كاسىپپەن اينالىساتىن كاسىپورىن سانى 82 گە جەتكەن. كاسىپورىنداردىڭ دامۋىن جەبەپ، قۇلجا قالاسىنىڭ اۋىل-قالاشىق، اۋىل-قىستاعىنداعى بوس ەڭبەككۇشتى كاسىپتەندىرۋ ماسەلەسىن ويداعىداي شەشۋ ءۇشىن قۇلجا قالاسى جۇمىسشى-قىزمەتكەرلەردى قابىلداۋ، تاربيەلەۋ، كاسىپتەندىرۋدى قامتاماسىزداندىرۋ، كىرىس كوزىن اشۋعا جەتەكشىلىك ەتۋ، دۇكەن ماياقىسى جانە باسقا جاقتاردا تيىمدىلىك جاساۋ قىزمەتىن ورىستەتىپ، اۋىل-قىستاق جاستارىنىڭ كاسىپتەنۋىنە ءتيىمدى ورتا ازىرلەگەن.

 

جاۋاپتى رەداكتور: گۇلدەن ماقسات قىزى