مادەنيەت بايلىعىمەن كەدەيلىكتەن ارىلۋعا جول اشتى

  • كەلۋ قاينارى: ىلە كەشى گازەتى
  • 03:47:01 11/01/2018

  

    قالينۇر بەلدەنبەك ۇلى حابارلايدى. وتكەن جىلدان بەرى كۇنەس اۋدانى باي مازمۇندى حالىقتىق مادەنيەت بايلعىن ابزال ەرەكشە مادەنيەت كاسبىنە اينالدىرىپ، «تاربيە بازاسى + كەدەي وتباسى» ءتاسىلى ارقىلى جەرگىلىكتى اۋىل-قىستاق ايەلدەرى مەن كەدەي وتباسىلاردى ۇيىنەن ۇزاماي -اق كەستەشىلىك سياقتى قول ونەرىمەن كىرىسىن ارتتىرىپ، كەدەيلىكتەن ارىلۋىنا جول اشتى.

    وتكەن جىلى قىركۇيەكتە كۇنەس اۋدانى كەڭسۋ قالاشىعى كوكتوبە قىستاعىنداعى از ۇلت ءداستۇرلى قولونەردى قورعاۋ جانە دامىتۋ نىسانىنا ءبىر ميلليون يۋان قارجى قوسىلدى، ىلە شانياۋ توقىما كيىم-كەشەك شەكتى جاۋاپكەرلىك سەرىكتىگىنەن تەحنيك ۇسىنىس ەتىلىپ، جەرگىلىكتى از ۇلت ايەلدەرىنە قولونەر، كەستەشىلىك، كيىم تىگۋ ونەرى ۇيرەتىلدى.

    گۇلاينا نۇرسالبەك قىزى —قىستاقتاعى كەدەي وتباسىنىڭ مۇشەسى، اقىسىز كاسىپتىك ۇيرەنۋگە قاتىناسىپ، ونەر ۇيرەنگەن سوڭ سەرىكتىككە ءبىرىنشى توپتا جۇمىسشىلىققا قابىلداندى.

    بۇل رەتكى كۋرس ەكى توپقا ءبولىندى، كۋرسانتتار دەرلىك سول قىستاقتاعى كەدەي وتباسى، تومەنگى تۇرمىستىق قاراجاتىمەن قامسىزداندىرىلاتىن وتباسى، قيىنشىلىعى اۋىر وتباسى جانە ادەتتەگى وتباسىلار. ءبىرىنشى توپتاعى كۋرستا 128 كۋرسانت تاربيەلەندى، ەكىنشى توپتا جوسپارمەن 72 كۋرسانت تاربيەلەنبەكشى، ءار رەتكى كۋرس ەكى اي جۇرگىزىلەدى، ءاربىر كۋرسانتقا كۇنىنە 35 يۋان كومەك قاراجات بەرىلەدى. العاش كۋرسقا قاتىناسقان 128 كۋرسانتتىڭ اراسىنان 50 كۋرسانت تولىمدى بولعان سوڭ ىلە شانياۋ توقىما، كيىم -كەشەك شەكتى جاۋاپكەرلىك سەرىكتىگىنىڭ جۇمىسشىسى بولدى.

    قىستاق تۇرعىنى التىنگۇل ابىلەتتىڭ ۇيلەرىندە قارت اتا - اناسى جانە كىشكەنە بالاسى بار، ۇيىنەن سىرتقا شىعپ ەڭبەك ىستەپ اقشا تابۋعا جاعدايى جار بەرمەيدى، قازىر ءۇيىنىڭ قاسىندا كۋرسقا قاتىناستى جانە كاسىپتەنىپ كىرىسىن ارتتىردى.

    التىنگۇل ابىلەت: ءبىر اي قازاق ۇلتىنىڭ كەستەشىلىك ونەرىن جاقسى ۇيرەندىم، ۇستازىما، پارتيا مەن ۇكىمەتكە راقىمەت، قىستاعىمىزدا زاۆود قۇرىلدى، زاۆودقا كىرىپ جاقسى ىستەپ، اقشا تاۋىپ، تۇرمىسىمدى جاقسارتامىن،-دەدى.

    ىلە شانياۋ توقىما كيىم -كەشەك شەكتى جاۋاپكەرلىك سەرىكتىگىنىڭ كۇنەس اۋدانىنداعى جاۋاپتىسى ءتالىپ ابدىربەك ۇلى: ءبىز مول ەرەكشە مادەنيەت بايلىعىن ابزال ەرەكشە مادەنيەت كاسىبىنە اينالدىرۋعا كۇش سالدىق، ءبىز كۋرسى + كەدەي وتباسى فورماسىمەن قيىنشىلىعى بار جۇمىسشىلاردىڭ ونەر ۇيرەنىپ، كىرىسىن ارتتىرىپ اۋقاتتانۋىنا دەم بەردىك،-دەدى.

جاۋاپتى رەداكتور: گۇلدەن ماقسات قىزى