وبلىستىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى جەمقورلىق ماسەلەسىنە قاتىستى 12 تيپتىك دەلونى حابارلاندىردى

  • كەلۋ قاينارى: ىلە گازەتى
  • 03:48:10 11/01/2018

    ورتالىق پەن اۆتونوميالى رايوندىق پارتكومنىڭ، وبلىستىق پارتكومنىڭ كەدەيلىكتەن قۇتىلدىرۋدان قامال الۋ قىزمەت ورنالاستىرۋى جونىندەگى تالاپتارىن مۇقيات تياناقتاندىرىپ، پارتيانى جاپپاي قاتاڭ جونگە سالۋ ساياسي جاۋاپكەرشىلىگىن، كەدەيلەردى سۇيەمەلدەۋ سالاسىنداعى باقىلاۋ، ءتارتىپ اتقارۋ، جاۋاپقا تارتۋدى قۋزاۋدى كۇشەيتىپ، بۇكىل وبلىستىڭ كەدەيلىكتەن قۇتىلدىرۋدان قامال الۋ نىساناسىنىڭ ءساتتى جۇزەگە اسۋىنا كەپىلدىك ەتۋ ءۇشىن كەزەكتە ىلە وبلىستىق ءتارتىپ تەكسەرۋ كوميتەتى جۋىردا تەكسەرىپ ءبىر جاقتى ەتكەن كەدەيلەردى سۇيەمەلدەۋ سالاسىنداعى جەمقورلىق ماسەلەسىنە قاتىستى 12 تيپتىك دەلونى اشىق حابارلادى. ولار مىنالار:

    1. نىلقى اۋدانى سۇپتاي اۋىلدىق پارتكومنىڭ بۇرىنعى شۋجيى جاڭ گاۋميڭنىڭ كەدەيلەردى سۇيەمەلدەۋ قاراجاتىن قىمقىرۋ، قيانات جاساۋ ماسەلەسى. 2013 – جىلى اقپاننان 2017 – جىلى شىلدەگە دەيىن سۇپتاي اۋىلى كەدەيلەردى سۇيەمەلدەۋ، حالىققا تيىمدىلىك جاساۋ سياقتى نىسان قارجىلارىن جالعان مالىمدەپ، قىمقىرىپ ءارى «شاعىن قازىنا» قۇرىپ، كەدەيلەردى سۇيەمەلدەۋ سيىرىن لينشان سيىر، قوي باعىمشىلىق كاسىپتىك كووپەراتيۆىنىڭ باعۋىنا بەرۋ سەبەبىنەن ءبىر ءبولىم كەدەيلەردى سۇيەمەلدەۋ سيىرى جوعالعان، جاڭ گاۋميڭنىڭ بۇعان باسشىلىق جاۋاپكەرشىلىگى بار. سونىمەن بىرگە، جاڭ گاۋميڭدە تاعى كەدەيلەردىڭ سۇيەمەلدەۋ قارجىسىن يەمدەنۋ، «شاعىن قازىنا» قارجىسىن جەكە باسىنا پايدالانۋ، پارا الۋ سياقتى تارتىپكە قايشى ماسەلەلەر ورىن تەپكەن. 2017 – جىلى قازاندا جاڭ گاۋميڭگە پارتيادان شىعارۋ، اكىمشىلىك مىندەتىنەن قالدىرۋ جازاسى بەرىلىپ، بەلگىلەمەگە قايشى العان دۇنيەلەرى قايتارىلىپ الىنىپ، قىلمىسقا قاتىستى ماسەلە دەرەكتەرى ءادىليا ورگانىنىڭ ءبىر جاقتى ەتۋىنە تاپسىرىلدى.

    2. نىلقى اۋدانى سۇپتاي اۋىلدىق پارتكومنىڭ بۇرىنعى مۇشەسى، بىرلىكساپ كادرى بەدەلبەك داۋكەن ۇلىنىڭ ۇقىعىن باس پايداسىنا پايدالانۋ، بۇقارانىڭ مۇددەسىن زيانداۋ ماسەلەسى. 2011 – جىلى قاراشادان 2016 – جىلى قاراشاعا دەيىن بەدەلبەك داۋكەن ۇلى سۇپتاي قىستاعى پارتيا ياچەيكاسىنىڭ شۋجيى مىندەتىن وتەگەن كەزدە كەدەي وتباسىلارعا تاراتۋعا ءتيىستى كەدەيلەردى سۇيەمەلدەۋ سيىرىن شارت – جاعدايى ۇيلەسپەيتىن تۋىس – تۋعاندارى مەن كەدەي ەمەس وتباسىلارعا تاراتىپ بەرگەن؛ كەدەيلەردى سۇيەمەلدەۋ سيىرىن لينشان سيىر، قوي باعىمشىلىق كاسىپتىك كووپەراتيۆىنىڭ باعۋىنا بەرۋ سەبەبىنەن ءبىر ءبولىم كەدەيلەردى سۇيەمەلدەۋ سيىرى جوعالعان. سونىمەن بىرگە، بەدەلبەك داۋكەن ۇلىندا وزگە بەلگىلەمەگە قايشى ماسەلەلەر دە ساقتالعان. 2017 – جىلى قاراشادا بەدەلبەك داۋكەن ۇلىنا پارتيادان شىعارۋ، اكىمشىلىك مىندەتتەن قالدىرۋ جازاسى بەرىلىپ، قىلمىسقا قاتىستى ماسەلە دەرەكتەرى ءادىليا ورگانىنىڭ ءبىر جاقتى ەتۋىنە تاپسىرىلدى.

    3. قۇلجا اۋدانى قاس اۋىلدىق پارتكومنىڭ مۇشەسى، بىرلىكساپ كادرى شەرنياز قۇرمانجاننىڭ، قازىنا ءبولىمىنىڭ باستىعى جاڭ چۋانزىڭنىڭ جانە اراوستەڭ قالاشىعىنىڭ ورىنباسار باستىعى شىرمامەت تۇرسىننىڭ ەڭ تومەنگى تۇرمىستى قامتاماسىزداندىرۋ قاراجاتىن جەكە بانكە كارتوچكاسىنا ساقتاۋ ماسەلەسى. 2014– جىلى قاڭتاردان 2016 – جىلى جەلتوقسانعا دەيىن شەرنياز قۇرمانجان، جاڭ چۋانزىڭ جانە قاس اۋىلى قازىنا ءبولىمىنىڭ سول كەزدەگى ارناۋلى ەسەپ بۇعالترى شىرمامەت تۇرسىن اۋىلدىڭ ەڭ تومەنگى تۇرمىستى قامتاماسىزداندىرۋ قاراجاتى، قامقورلىق قاراجاتى، حالىق ىستەرى قوسىمشا قاراجاتى سياقتى ارناۋلى قارجىلاردى كادرلاردىڭ جەكە بانكە كارتۋچكاسىنا اۋدارىپ ساقتاعان، سونىمەن بىرگە، ارناۋلى قارجىنى باسقا ماقساتقا جۇمساۋ سياقتى تارتىپكە قايشى ماسەلەلەر ساقتالعان. 2017 – جىلى قازاندا شەرنياز قۇرمانجان، جاڭ چۋانزىڭ، شىرمامەت تۇرسىندارعا پارتيا ىشىندە ەسكەرتۋ بەرۋ جازاسى بەرىلدى.

جاۋاپتى رەداكتور: جازيرا بولاتباي قىزى