ينتەرنەتتىڭ بولاشاعى قالاي بولادى

  • كەلۋ قاينارى: ىلە كەشى گازەتى
  • 03:55:14 11/01/2018

     «حالىق گازەتىنىڭ» رەداكتور ەسكەرتپەسى

    «سيفرلى ەكونوميكانى دامىتىپ، اشىقتىق پەن بىرگە يگىلىكتەنۋدى ىلگەرىلەتەيىك - عالامتور كەڭىستىگىندەگى تاعدىرلاس ورتاق تۇلعانى قول ۇستاسا بىرگە قۇرايىق» تاقىرىبىنداعى 4 – كەزەكتى دۇنيە جۇزىلىك ينتەرنەت ءماجىلىسى وتكەن جىلى 3 – جەلتوقساننان 5 – جەلتوقسانعا دەيىن جىجياڭ ولكەسىنىڭ ۋجىن قالاشىعىندا وتكىزىلدى. جاساندى زەردە، سيفرلى ەكونوميكا، 5G، زاتتار ينتەرنەتى، عالامتور كەڭىستىگىن جونگە سالۋ سياقتى ماسەلەلەر دۇنيە جۇزىنەن كەلگەن قوناقتاردىڭ قىزۋ تالقى تۇيىنىنە اينالدى؛ الۋان ءتۇرلى جاڭا تەحنيكالار، كوزدىڭ جاۋىن الاتىن جاڭا ونىمدەر، تاڭداندىراتىن جاڭا تابىستار ءماجىلىس الاڭىنداعىلاردى، دۇنيە جۇزىندەگىلەردى جالت قاراتتى. ينتەرنەت گەنى تۇرمىسىمىزعا ەندەي كىرىپ، جاڭا تەحنيكالار ۇزدىكسىز قولايلىلىق تۋدىرۋدا. بولاشاقتا ينتەرنەت قالاي وزگەرەدى؟ مۇنان دا ورەلى عىلىم – تەحنيكا تابىسى تۇرمىسىمىزعا قانداي اسەر ەتەدى؟ ينتەرنەت سالاسىنداعى كوشباسىلاردىڭ ۋجىن قالاشىعىنداعى ماجىلىستە بۇل جونىندە قانداي پىكىر بىلدىرگەنىن وقىپ كورىڭىز:

    اليبابا توبى القالار مەكەمەسىنىڭ ءتوراعاسى ما يۇن: بولاشاقتاعى 30 جىلدا ينتەرنەت «باردان جوققا» اينالادى

    بولاشاقتاعى 30 جىل ىشىندە ينتەرنەت «باردان جوققا» اينالادى، مۇنداعى «جوق» دەپ وتىرعانىمىز، ينتەرنەتتىڭ پايدالانىلمايتىن جەرى جوق دەگەندى بىلدىرەدى، ول كەزدە ەشكىم دە ينتەرنەتتەن ايرىلا المايدى.

    ينتەرنەت قازىر قوعامنىڭ بارلىق سالاسىنا ىشكەرىلەي ەندى، بۇل رەتكى تەحنيكالىق توڭكەرىستىڭ ىقپالى بۇرىنعى بارلىق تەحنيكالىق توڭكەرىستەردىڭ قوسىندىسىنان اسىپ كەتەرى داۋسىز.

    بولاشاقتاعى 30 جىلدا ساندى مالىمەت وندىرىستىك قۇرال - جابدىقتارعا اينالىپ، ەسەپتەۋ تاسىلدەرى وندىرگىش كۇشتىڭ رولىن اتقارادى، ينتەرنەت ءبىر ءتۇرلى وندىرىستىك قاتىناس بولىپ ەسەپتەلەدى. ەگەر، ءبىز ساندى مالىمەتتەنۋگە كوشپەسەك، ينتەرنەتپەن توعىسپاساق، وندا، وتكەن 30 جىل ىشىندەگى توك جالعانباعان كەزدەن ارى مەشەۋ كۇي كەشەمىز.

    بولاشاقتاعى 30 جىلدا ينتەرنەت تەك ينتەرنەت سەرىكتىكتەرىنىڭ ينتەرنەتى بولىپ قالماستان، بۇكىل ادامداردىڭ ينتەرنەتى بولادى. ينتەرنەت وتكەن 20 جىلدا جوقتان بار بولدى دەسەك، الداعى 30 جىلدا «باردان جوققا» اينالادى، مۇنداعى «جوق» دەگەن ءسوز ينتەرنەتتىڭ پايدالانىلمايتىن جەرى جوق دەگەندى بىلدىرەدى، ول كەزدە ەشكىم دە ينتەرنەتتەن ايرىلا المايدى.

جاۋاپتى رەداكتور: گۇلدەن ماقسات قىزى