ينتەرنەتتىڭ بولاشاعى قالاي بولادى

  • كەلۋ قاينارى: ىلە كەشى گازەتى
  • 03:55:14 11/01/2018

    بىرنەشە جىلدان بەرى دۇنيە جۇزىندە جاڭا تەحنيكا ءداۋىرى مەن جاڭا تەحنيكا جونىندە ۋايىم تارادى. شىنىن ايتقاندا، جاڭا تەحنيكالار ادامداردى جۇمىسسىز قالدىرمايدى، قايتا، ادامداردى اناعۇرلىم قۇندى جۇمىستاردى ىستەۋگە جەبەيدى؛ ادامداردىڭ ءوزىن – ءوزى قايتالاۋى بولىپ قالمايدى، قايتا جاڭالىق جاراتۋ بارىسى بولىپ، ادامداردىڭ قىزمەتىن «بىرتىندەپ دامىتادى». سوندىقتان، بۇل جونىندە الاڭداۋدان گورى، بىلەك سىبانا كىرىسكەنىمىز ابزال! جاڭا تەحنيكالاردىڭ جۇمىسىمىزدى تارتىپ اكەتۋىنەن الاڭداعاننان گورى، جاڭا تەحنيكالارمەن قاۋىشىپ، جاڭا ماسەلەلەردى شەشۋىمىز، جاڭا ورايلاردى جاراتۋىمىز كەرەك.

    وتكەن 30 جىلدا ءبىز ادامدى روبوتقا اينالدىردىق؛ بولاشاقتاعى 30 جىلدا ءبىز روبوتتاردى ادامعا اينالدىرامىز؛ الايدا، ەڭ سوڭىندا روبوتتار روبوت كۇيىنشە قالادى، ادامدار ادام بولىپ جاسايدى. تەحنيكانىڭ بەتالىسىن توسۋعا بولمايدى، ءبىراق، روبوتتا رۋح جوق، سەنىم جوق، ادامزات وزىمىزگە سەنۋىمىز، ماشينالاردى مەڭگەرە الاتىنىمىزعا سەنۋىمىز كەرەك.

    تىڭشۇن القالار كەڭەسىنىڭ ءتوراعاسى جانە CEOى ما حۋاتىڭ: جۇڭگو كاسىپورىندارى جاڭا تەحنيكانىڭ قوزعاۋشىلارى بولۋى كەرەك

    سيفرلى ەكونوميكا مەن ناقتى تۇلعالىق ەكونوميكانىڭ بايلانىسى، استە، ءبىرىنىڭ ورنىن ءبىرى باسۋ ەمەس، قايتا، ءوزارا توعىسۋ بولىپ تابىلادى، ءبىز زەردەلى بايلانىستىرۋدان پايدالانىپ، ءار سالا ءار كاسىپتىڭ سيفرلىلانۋعا قاراي بۇرىلىس جاساۋىنا كومەكتەسۋىمىز كەرەك.

    وتكەن ءبىر جىل ىشىندە سيفرلى ەكونوميكا دامۋى ەڭ تەز، جاڭالىق جاراتۋدا ەڭ بەلسەندى، ءورىسى ەڭ كەڭ ەكونوميكالىق ارەكەت بولدى. بۇكىل دۇنيە ءجۇزى كولەمىندە نەگىزگى عىلىم – تەحنيكا تابىسى ينتەرنەت سەرىكتىكتەرىمەن بىرگە ەڭ كورىنەۋ ورىنعا شىعىپ، جەدەل دامىدى. تەك، وتكەن ءبىر جىل ىشىندە دۇنيە جۇزىندەگى بازار قۇنى ەڭ جوعارى بولعان 10 سەرىكتىكتىڭ ىشىندە 7 سەرىكتىك عىلىم – تەحنيكا سەرىكتىگى، ال، بۇل 7 سەرىكتىك ەندى ءبىر جاعىنان تۇگەلدەي ينتەرنەت سەرىكتىكتەرى بولىپ ەسەپتەلەدى.

    دۇنيە جۇزىندەگى جاڭا كەزەكتى ءوندىرىس توڭكەرىسى الدىندا جاڭا عىلىم – تەحنيكالار كارتا ويىنىن قايتادان باستاۋ ورايىن اكەلدى. بۇرىن جۇڭگو كاسىپورىندارى جاڭا تەحنيكا جاعىندا نەگىزىنەن ىلەسۋشى بولىپ كەلسە، بۇگىنگى تاڭدا ءبىز جاڭا تەحنيكانى قوزعاۋشىلار جانە ۇلەس قوسۋشىلار بولۋىمىز، دۇنيە جۇزىندەگى سەرىكتەرىمىزبەن بىرگە دامۋىمىز كەرەك.

    تىڭشۇن سەرىكتىگى ينتەرنەتتى نەگىز ەتكەن عىلىم – تەحنيكا جانە مادەنيەت سەرىكتىگى بولىپ، جاڭالىق جاراتۋعا سۇيەنەدى. جاڭا ونىمدەر اي سايىن، ءتىپتى، كۇن سايىن جارىققا شىعۋدا، «ءىرى» سەرىكتتىكتەر دە جەدەل دە يكەمدىلىكپەن سايكەسۋى كەرەك. وتكەن ءبىر جىلدا تىڭشۇن سەرىكتىگى جاڭا تەحنيكا سالاسىنا قوسىلىمدى ارتتىرىپ، كوپتەگەن تابىسقا قول جەتكىزدى. مىسالى: قازىر جاساندى زەردە مەن مالىمەتتى ءبىرجاقتى ەتۋ قۋاتىنا سۇيەنە وتىرىپ، شيپاگەرلىك سالاسىنداعى كەسكىندەردى ماشينامەن ساراپتاۋعا جانە تالداۋ جاساتۋعا بولادى، وسى ارقىلى دياگنوز قويۋعا كومەكتەسەدى.

جاۋاپتى رەداكتور: گۇلدەن ماقسات قىزى