ينتەرنەتتىڭ بولاشاعى قالاي بولادى

  • كەلۋ قاينارى: ىلە كەشى گازەتى
  • 03:55:14 11/01/2018

    ءبىز سيفرلى ەكونوميكا مەن ناقتى ەكونوميكا اراسىنداعى بايلانىستىڭ، استە، ءبىرىنىڭ ورنىن ءبىرى باسۋ ەمەس، قايتا، ءبىر – بىرىمەن توعىسۋ ەكەنىن بارعان سايىن تانىپ جەتتىك. ءبىز زەردەلى جولمەن بايلانىستىرۋ ارقىلى ءار سالا، ءار كاسىپتىڭ سيفرلانۋعا قاراي بۇرىلىس جاساۋىنا كومەكتەسۋىمىز، ءار سالا، ءار كاسىپتى ەڭ سوڭىندا بۇلتتى تەرمينالدا جاساندى زەردە ارقىلى ءىرى مالىمەتتەردى ءبىرجاقتى ەتە الاتىن ورەگە جەتكىزۋىمىز كەرەك. مۇنداي جەدەلدەتۋ مەن جاڭالىق جاراتۋ جاعىندا دۇنيە جۇزىندە قازىرگە دەيىن دايىن تۇرعان تاجىريبە جوق، بارلىق ينتەرنەتتىك كاسىپورىندار مەن ءار سالا، ءار كاسىپتەگى كاسىپورىنداردىڭ قول ۇستاسا سەلبەسىپ، اشىقتىق، بىرگە پايدالانۋ سىندى تۇرعىدان ىزدەنىس جاساۋىن جانە سىناپ كورۋىن قاجەت ەتەدى.

    بايدۋ سەرىكتىگىنىڭ باس القاسى جانە CEOى لي يانحۇڭ: جاساندى زەردە ءار سالا، ءار كاسىپتى وزگەرتەدى

    ءبىز ويلاپ جەتە الاتىن بارلىق سالا، قورا – جاي سالاسىنان تارتىپ، وقۋ – اعارتۋ، دەنساۋلىق ساقتاۋ، زات اينالىمى، ەنەرگەتيكا سىندى بارلىق سالا جاڭا تەحنيكالار مەن جاڭالىق جاراتۋ سەبەبىنەن وزگەرەتىن بولادى.

    ينتەرنەتتە ادام كۇشىنەن كەلەتىن تيىمدىلىك جوق بولعانىمەن، تەحنيكالىق جاقتان كەلەتىن تيىمدىلىكتىڭ بارلىعىن بايقادىق. جاساندى زەردەنى ۋاكىل ەتكەن جاڭالىقتار بولاشاقتاعى نەشە ون جىل ىشىندە سيفرلى ەكونوميكانىڭ دامۋىن ۇزدىكسىز ىلگەرىلەتەدى.

    جاساندى زەردە مەن بۇرىنعى ينتەرنەتتىڭ ۇقسامايتىن جەرى، ونىڭ قۋاتتى دا تىكەلەي بىرىكتىرۋ ەرەكشەلىگىنىڭ بولعاندىعىندا. بۇرىن ينتەرنەت سەرىكتىكتەرى نەگىزىنەن جۇمساق بولشەكتەردى زەرتتەپ جاساۋدى نەگىز ەتەتىن. قازىرگى تاڭدا جۇمساق بولشەك، قاتتى بولشەك، قىزمەت وتەۋ ۇشەۋىن پارمەندى بىرىكتىرگەندە عانا ونىمدىلىگىن ساۋلەلەندىرە الادى.

    جاساندى زەردە TOC سالاسىمەن (تۇتىنۋشىلارعا باعىتتالعان) عانا شەكتەلمەستەن، TOB سالاسىندا (كاسىپورىندارعا باعىتتالعان) دا كوپتەگەن پايدالانۋ قۇنىنا يە. جاساندى زەردە تەحنيكاسىC تەرمينالىن عانا بارىنشا وزگەرتىپ قالماستان، B تەرمينالىن دا وزگەرتەدى، اتاپ ايتقاندا، جاساۋ جاعى مەن قامداۋ جاعىن بىردەي وزگەرتەدى.

    ءبىز ويلاپ جەتە الاتىن بارلىق سالا، تەحنيكالىق جاڭالىقتار ارقىلى وزگەرەتىن بولادى. قورا – جاي سالاسىنان تارتىپ وقۋ – اعارتۋ، دەنساۋلىق ساقتاۋ، زات اينالىمى، ەنەرگەتيكا سىندى بارلىق سالا جاساندى زەردە تەحنيكاسىنىڭ ۇزدىكسىز جاڭالانۋى سەبەبىنەن وزگەرىسكە ۇشىرايدى. جاساندى زەردەنىڭ كوپتەگەن پايدالانۋ قۇنى بولادى، مۇنداي پايدالانۋ قۇنىن بايدۋ جالعىز ءوزى ىسكە اسىرا المايدى، بۇكىل قوعام مەن كاسىپورىندار بولىپ بىرگە قۇلشىنۋىمىز كەرەك.

جاۋاپتى رەداكتور: گۇلدەن ماقسات قىزى