بۇقارانىڭ تۇرمىس ورتاسى بارىنشا جاقسارتىلدى

  • كەلۋ قاينارى: ىلە گازەتى
  • 04:03:22 11/01/2018

    توعىزتاراۋ اۋدانى «حالىق تۇرمىسى جىلى» قۇرىلىسىن ىشكەرىلەي ورىستەتىپ، حالىققا تيىمدىلىك جاساۋ ساياساتىن جاپپاي تياناقتاندىرىپ، ءار ۇلت بۇقاراسىنىڭ كىرىس ارناسىن ۇزدىكسىز كەڭەيتىپ، تۇرمىس شارت–جاعدايىن كۇش سالا جاقسارتتى.

    ءدوڭمالى قالاشىعىنىڭ كارسىنبۇلاق قىستاعى اۆتونوميالى رايون دارەجەلى كەدەي قىستاق ەدى. اۋداندىق پارتكوم مەن ۇكىمەتتىڭ دەمەۋىندە 2016–جىلدىڭ سوڭىندا كەدەي قىستاق دەگەن قالپاعى الىنىپ تاستالعان بولاتىن. قىستاق ەكى كوميتەتى كەدەيلىكتەن قۇتىلدىرۋعا قاتىستى ءتيىمدى ساياساتتاردى بەلسەنە تياناقتاندىرىپ، تەحنيكاعا باۋلۋدى كۇشەيتىپ، قىستاق تۇرعىندارىنىڭ كىرىسىن باياندى ارتتىرۋعا مىعىم نەگىز قالادى.

    كارسىنبۇلاق قىستاعىندا اشىلعان كيىم–كەشەك تىگىنشىلىك ونەرىنە باۋلۋ كۋرسىنا قاتىناسقان ايەلدەر تىگىنشىلىك ونەرى مەن امالياتتىق بىلىمدەردى مۇقيات يگەردى. قىستاق تۇرعىنى جاڭىلسىن دۇيسەنبەك قىزى بىلتىر جەلتوقساننىڭ ورتا شەنىنەن باستاپ، كيىم–كەشەك تىگىنشىلىك ونەرىنە تاربيەلەۋ كۋرسىنا قاتىناسىپ، كوپتەگەن تەحنيكالىق بىلىمدەردى ۇيرەنگەن.

    جاڭىلسىن دۇيسەنبەك قىزى: پارتيا 19–قۇرىلتايىندا كوپتەگەن ءتيىمدى ساياساتتار العا قويىلعاندىقتان، تومەن كىرىستى وتباسىنداعى ايەلدەر جاقىن ماڭدا جۇمىسقا ورنالاسىپ، تۇرمىس ورەسىن جوعارىلاتتى، قىستاققا 40 تىگىنشىلىك ماشيناسى اكەلىندى. پارتيا مەن ۇكىمەتتىڭ بىزگە وسىنداي وراي جاراتىپ بەرگەنىنە العىس ايتامىن، بۇدان بىلاي قۇلشىنا جۇمىس ىستەپ، تۇرمىس ورەمدى جوعارىلاتامىن دەسە؛ قىستاق تۇرعىنى باقشاگۇل يماش قىزى: پارتيا مەن ۇكىمەت قىستاعىمىزعا تىگىنشىلىك سەلبەستىك كووپەراتيۆىن قۇرىپ بەردى، بۇرىن سىرتقا شىعىپ جۇمىس ىستەيتىنبىز، قازىر وتباسىمىزدان ۇزاماي –اق جۇمىس ىستەي الاتىن بولدىق، بۇدان بىلاي كەدەيلىكتەن قۇتىلىپ اۋقاتتانۋعا قۇلشىنامىن،–دەدى.

    توعىزتاراۋ قالاشىعىنىڭ تاشكەنساز قىستاعى 2016–جىلدىڭ باسىندا قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ جەتەكشىلىگىندە، اۋدان كولەمىندەگى تۇڭعىش رەتكى ەتتى كەپتەر باعىمشىلىق سەلبەستىك كووپەراتيۆىن قۇردى. ەكى جىلعا تاياۋ ۋاقىت تيجارات جۇرگىزۋدىڭ ناتيجەسىندە، كووپەراتيۆتىڭ كولەمىن ۇزدىكسىز كەڭەيتىپ، كووپەراتيۆ مۇشەلەرىنىڭ جىلدىق كىرىسىن 5 مىڭ يۋاننىڭ ۇستىندە ارتتىردى.

    توعىزتاراۋ قالاشىعى تاشكەنساز قىستاعىنىڭ 1–شۋجيى جاۋ شۋەرۇڭ بىلاي دەدى: 2018–جىلى قىستاعىمىزدا ارحيۆ تۇرعىزىلىپ كارتۋچكالاندىرىلعان 193 كەدەي وتباسىنا ەتتى كەپتەر تاراتىپ بەرىپ، جىلدىق كىرىسىن 6 مىڭ يۋان شاماسىندا ارتتىرامىز. سەلبەستىك كووپەراتيۆ ارقىلى جەرگىلىكتى ورىنداعى قىستاق تۇرعىندارىنىڭ شارۋاشىلىق قۇرۋ بەلسەندىلىگىن جوعارىلاتىپ، ولاردى اۋقاتتانۋعا باستايمىز.

    بۇل اۋدان بۇكىل ىنتا–پەيىلىمەن حالىق ءۇشىن قىزمەت ىستەۋدى ماقسات ەتۋگە باستان–اياق تاباندى بولىپ، توعىز ءىرى حالىق تۇرمىسى ينجەنەرياسىن بار كۇشپەن اتقارىپ، حالىق تۇرمىسىن كۇش سالا جاقسارتىپ جانە قامتاماسىزداندىرىپ، ءار ۇلت بۇقاراسىنىڭ حاۋىپسىزدىك سەزىمىن، تابىس سەزىمىن، باقىت سەزىمىن جانە تۇرمىس ورەسىن ۇزدىكسىز جوعارىلاتقان.

    زايرا ءابىلوقاس قىزى

جاۋاپتى رەداكتور: جازيرا بولاتباي قىزى