ساۋان اۋدانى تاماشا ەكولوگيالىق ورتا قۇرۋعا كۇش سالدى

  • كەلۋ قاينارى: ىلە گازەتى
  • 04:04:11 11/01/2018

    جاقىنعى جىلدان بەرى ساۋان اۋدانى باس نىسانانى تىعىز توڭىرەكتەي وتىرىپ، ەكولوگيالىق ورتانى قورعاپ، جاسىل دامۋ كوزقاراسىندا تاباندى بولىپ، ورتاسى تازا، كورىكتى ساۋان قۇرىپ، حالىق بۇقاراسىنا باقىت جاراتۋ جاعىندا ۇزدىكسىز قۇلشىنىپ كەلەدى.

    ساۋان اۋدانى لاس سۋدى ءبىر جاقتى ەتۋ زاۆودىنىڭ سەحىنا بارا قالساڭىز بۇكىلدەي اۆتوماتتاسقان ءبىر جاقتى ەتۋ جابدىقتارىنىڭ جۇيەلى اينالىسقا ءتۇسىپ، جۇمىس جۇرگىزىپ جاتقاندىعىن بايقايسىز.

    بۇل زاۆود 2016–جىلى قىركۇيەك ايىندا رەسمي اينالىمعا تۇسكەننەن بەرى جۇمىس جۇرگىزۋى ورنىقتى بولىپ، ءبىر جاقتى ەتكەن تۇرمىستىق لاس سۋى ورتانى قورعاۋ ولشەمىنە جەتكەن.

    بۇل زاۆودتىڭ باستىعى باي حۋا تىلشىگە: ءبىز مۇندا جايشىلىقتا پايدالانىلاتىن A20 تەحنيكاسىنا MBR تەحنيكاسىن قوسا پايدالاندىق، MBR تەحنيكاسى -بەيجيڭ سۋ بايلىق قاينارىن قورعاۋ ورىندارى جاعىنان ءبىلىم مەنشىك ۇقىعىنا يە بولعان جاڭا تەحنيكا. بۇل ەكى ءتۇرلى تەحنيكانىڭ بىرلەستىرىلۋى لاس سۋدى ءبىر جاقتى ەتۋدىڭ ونىمدىلىگىن بارىنشا جوعارىلاتتى. اسىرەسە، قىس ماۋسىمىندا لاس سۋدى ءبىر جاقتى ەتۋدە رولى زور بولۋمەن بىرگە، لاس سۋدى ءبىر جاقتى ەتىپ، سۋ شىعارۋ ساپاسىن بارىنشا جوعارىلاتادى. قازىر بۇل زاۆودتىڭ شىعارعان سۋىنىڭ ساپاسى مەملەكەت جاعىنان ورتانى قورعاۋدىڭ ءبىرىنشى دارەجەلى ولشەمىنە جەتتى،–دەدى.

    بۇل زاۆودقا جالپى 137 ميلليون 352 مىڭ 500 يۋان قارجى قوسىلعان، يەلەگەن جەر اۋماعى 59.58 مۋ بولىپ، كۇندەلىكتى 30 مىڭ توننا لاس سۋدى ءبىر جاقتى ەتۋ، الىس ارالىقتا كۇنىنە 60 مىڭ توننا لاس سۋدى ءبىر جاقتى ەتۋ قۋاتىنا يە ەتىپ جوبالانعان. نىساننىڭ سالىنىپ، ىسكە قوسىلۋى اۋدانىمىزدىڭ تۇلعالىق جوباسى مەن ەكونوميكالىق دامۋىنا تۇساۋ بولاتىن قيىن ماسەلەلەردى شەشىپ، اۋدانىمىزدىڭ سۋ بايلىق قاينارىنان تۇلعالىق جاقتان پايدالانۋ سالىستىرماسىن جاپپاي جوعارىلاتىپ، ورماندى سۋارۋ مەن قالا قۇرىلىسىنا پايدالانىلاتىن سۋدىڭ جەتىسپەۋ ماسەلەسىن ءونىمدى شەشتى.

    ۇعىسۋىمىزشا، بۇل زاۆودتىڭ ىسكە قوسىلۋى مەملەكەتىمىزدىڭ «لاس سۋدىڭ ورتانى لاستاۋىنان ساقتانۋ قيمىل جوباسى» ساياساتىنىڭ جەتەكشىلىگىنە ءۇن قوسىپ، شينجياڭنىڭ لاس سۋدى ءبىر جاقتى ەتۋ ورەسىن بارىنشا جوعارىلاتىپ، ورتانى قورعاۋ تەبىنىن ارتتىرىپ، ساۋان اۋدانىنىڭ لاس سۋدى ءبىر جاقتى ەتۋدەگى قيىن ماسەلەلەرىن شەشۋمەن بىرگە، سۋ بايلىق قاينارىنان پايدالانۋداعى جەتەرسىز جاقتارىن تولىقتاعان.

    ساۋلە كەنجەبەك قىزى

    جانار بولسىن قىزى

جاۋاپتى رەداكتور: جازيرا بولاتباي قىزى