مەملەكەتتىك كەڭەس «ەركىن ساۋدا تاجىريبە رايونىندا قاتىستى اكىمشىلىك زاڭ – ەرەجەنى، مەملەكەتتىك كەڭەستىڭ قۇجاتىن جانە مەملەكەتتىك كەڭەس جاعىنان بەكىتىلگەن تاراۋ ەرەجە – بەلگىلەمەسىن ۋاقىتتىق رەتتەۋ جونىندەگى ۇيعارىمدى» باسىپ تاراتتى

  • كەلۋ قاينارى: حالىق تورابى
  • 09:03:17 11/01/2018

    

    شينحۋا اگەنتتىگى، 9 – قاڭتار، بەيجيڭ. لي كىچياڭ زۇڭليدىڭ بەكىتۋىمەن مەملەكەتتىك كەڭەس بىرنەشە كۇننىڭ الدىندا «ەركىن ساۋدا تاجىريبە رايونىندا قاتىستى اكىمشىلىك زاڭ – ەرەجەنى، مەملەكەتتىك كەڭەستىڭ قۇجاتىن جانە مەملەكەتتىك كەڭەس جاعىنان بەكىتىلگەن تاراۋ ەرەجە – بەلگىلەمەسىن ۋاقىتتىق رەتتەۋ جونىندەگى ۇيعارىمدى» باسىپ تاراتتى، «ۇيعارىم» باسىپ تاراتىلعان كۇننەن باستاپ اتقارىلادى.


«ۇيعارىمدا» مىناۋ بەلگىلەندى: ەركىن ساۋدا تاجىريبە رايونىنداعى رەفورما جۇرگىزىپ، قاقپا اشۋعا قاتىستى شارالاردىڭ زاڭ بويىنشا ءساتتى اتقارىلۋىن قامتاماسىزداندىرۋ ءۇشىن، ەركىن ساۋدا تاجىريبە رايونىندا «جۇڭحۋا حالىق رەسپۋبليكاسىنىڭ كەمەلەردى تىزىمدەۋ ەرەجەسى» قاتارلى 11 اكىمشىلىك زاڭ – ەرەجەدەگى، «مەملەكەتتىك كەڭەس كەڭسەسىنىڭ مەملەكەتتىك جوسپار كوميتەتىنىڭ قالا رەليستى قاتىناس جابدىعىن جەرگىلىكتەندىرۋ اتقارۋ پىكىرىن تاراتۋ جونىندەگى ۇقتىرۋى»، «مەملەكەتتىك كەڭەس كەڭسەسىنىڭ قالالاردىڭ جۇردەك رەليستى قاتىناس قۇرىلىسىن باسقارۋدى كۇشەيتۋ جونىندەگى ۇقتىرۋى» سىندى 2 مەملەكەتتىك كەڭەس قۇجاتىنداعى جانە «شەتەل ساۋداگەرلەرى قارجى قوساتىن كاسىپتەر جەتەكشى تىزىمدىگى (2017 – جىلى وزگەرىس ەنگىزىلگەن)»، «شەتەل ساۋداگەرلەرىنىڭ حالىقتىق اۆياتسياعا قارجى قوسۋ بەلگىلەمەسى» سىندى مەملەكەتتىك كەڭەس جاعىنان بەكىتىلگەن 2 تاراۋ ەرەجە – بەلگىلەمەسىندەگى قاتىستى بەلگىلەمەلەر ۋاقىتتىق رەتتەلەدى.


«بەلگىلەمەدە» مىناۋ تالاپ ەتىلدى: مەملەكەتتىك كەڭەستىڭ قاتىستى تاراۋلارى مەن شاڭحاي، تيانجين، چۇڭچيڭ قالالارىنىڭ، گۋاڭدۇڭ، فۋجيان، لياۋنيڭ، جىجياڭ، حىنان، حۋبەي، سىچۋان، شانشي ولكەلەرىنىڭ حالىق ۇكىمەتتەرى قاتىستى رەتتەۋ جاعدايىنا قاراي ءوز تاراۋى، ءوز ولكە، قالاسى جاساعان ەرەجە جانە نورمالى قۇجاتتاردى سايكەستى رەتەۋى، تۇيىندە سىناق ەتۋدىڭ تالابىنا ۇيلەسەتىن باسقارۋ ءتۇزىمىن ورناتۋى كەرەك.

جاۋاپتى رەداكتور: گۇلدەن ماقسات قىزى