قازاقستان پرەزيدەنتى جۇڭگومەن بولعان قاتىناسىنا اسا ءمان بەرەتىنىن ءبىلدىردى

  • كەلۋ قاينارى: حالىق تورابى
  • 09:05:26 11/01/2018

    

    حالىق تورابى، 8 – قاڭتار، بەيجيڭ. قازاقستان پرەزيدەنتى نازاربايەۆ جازعان «تاۋەلسىز ءداۋىر» كىتابىنىڭ ەلەكتروندىق نۇسقاسى 4 – قاڭتار كۇنى جەكەلىك تورابىندا جاريالاندى. نازاربايەۆ كىتابىندا قازاقستان جۇڭگومەن بولعان جان – جاقتى ستراتەگيالىق سەرىكتەستىك قاتىناسىنىڭ دامۋىنا اسا ءمان بەرەتىنىن، قازاقستان مەن جۇڭگو ەكونوميكا جانە ساياسي جاقتا تاتۋ كورشى، سەنىمدى دوس جانە سەرىكتەستىك قۇرۋشى ەكەنىن اتاپ وتكەن.

نازاربايەۆ كىتابىندا قازاقستان تاۋەلسىزدىك العاننان بەرگى ماڭىزدى ىستەر مەن قازاقستاننىڭ بولاشاعى تۋرالى ءوز كوزقاراسىن بايانداعان.

ول كىتابىندا قازاقستاننىڭ «نۇرلى جول» جاڭا ەكونوميكا جوسپارى جىبەك جولى ەكونوميكا بەلدەۋى دارىپتەمەسىمەن ۇشتاسقانىن، ۇشتاسۋ قىزمەتى قاتىناس، ونەركاسىپ، جۇڭگوعا قازاقستاننىڭ اۋىل شارۋاشىلىق ونىمدەرىن ەكسپورت ەتۋ قاتارلى سالالاردا ورىستەتىلگەنىن جازعان.

نازاربايەۆ قازاقستان – جۇڭگو ەكى ەلدىڭ «نۇرلى جول» جاڭا ەكونوميكا جوسپارىن جىبەك جولى ەكونوميكا بەلدەۋى دارىپتەمەسىنە ۇشتاستىرۋ بارىسىنداعى قولدانعان نەگىزگى شارالارىن مىسالعا كەلتىرگەن. ماسەلەن، «باتىس ەۆروپا ــ جۇڭگونىڭ باتىس رايونى» حالىقارالىق تاسجولىنىڭ قازاقستاننان كەسىپ ءوتۋى، قازاقستان جاقتىڭ ءوز شەكاراسى ىشىندەگى بولىگىنە جاۋاپتى بولىپ قۇرىلىس جۇرگىزۋى. اتالعان تاسجول قۇرىلىسى اياقتاپ كولىك قاتىناعاننان كەيىن، ءارجىلعى تاسىمال مولشەرى 30 ميلليون تونناعا جەتەتىنىن جازعان.

نازاربايەۆ تاعى دا، جۇڭگودان جولعا شىعىپ قازاقستان ارقىلى رەسەي، ەۆروپا، ورتا ازيا جانە كاسپي تەڭىزى ەلدەرىنە قاتىنايتىن جۇك پويەزى تاسىمال مولشەرىنىڭ جىل سايىن ارتىپ بارا جاتقانىن تىلگە تيەك ەتكەن. جۇڭگو مەن ەۆروپا ەلدەرى ورتاسىنداعى زات تاسىمالىنا قولايلى بولۋ ءۇشىن، قازاقستاننىڭ كاسپي تەڭىزى جاعالاۋىنان ارنايى پورت سالعانىن اتاپ وتكەن. قازاقستان مەن جۇڭگو شەكاراسىنا ورنالاسقان قورعاس وتكەلىنىڭ جۇڭگو مەن ورتا ازياداعى بارلىق ەلدەردى ءوزارا تۇتاستىرعانىن دا تىلگە تيەك ەتكەن.

جاۋاپتى رەداكتور: گۇلدەن ماقسات قىزى