قازاقستان اقى بەرۋ ارقىلى 30 مىڭنان استام مىلتىقتى جيناپ الدى

  • كەلۋ قاينارى: حالىق تورابى
  • 09:09:06 11/01/2018

    

    حالىق تورابى، 8 – قاڭتار، بەيجيڭ. قازاقستان ىشكى ىستەر مينيسترلىگى 5 – قاڭتار بىلاي دەپ جاريالادى: قازاقستان ۇكىمەتى 2012 – جىلدان بەرى اقى بەرۋ ارقىلى قارۋ – جاراقتاردى جيناپ الۋ قيمىلىن قانات جايدىرىپ، بۇقارانىڭ قولىنان ٵر تۇردەگى مىلتىقتاردان 30 مىڭنان استامىن، قوپارعىش اسپاپتارىنان 130 تالىن، ءبىر ميلليوننان استام وق جيناپ العان، بۇعان ۇكىمەت قازىرگە دەيىن جيىنى ءبىر ميلليارد 36 ميلليون تەڭگە (مولشەرمەن 20 ميلليون 310 مىڭ يۋان) جۇمساعان.

ىشكى ىستەر مينيسترلىگىنىڭ ايتۋىنشا، اقى بەرۋ ارقىلى بۇقارانىڭ قولىنان قارۋ – جاراقتى جيناپ الۋ قيمىلى قىلمىستىڭ تۋىلۋ مولشەرىن تومەندەتكەن، اسىرەسە وق شىعارۋ قىلمىسىنىڭ تۋىلۋ مولشەرى ءۇشىن بەلسەندى رول اتقارعان. اقى بەرۋ ارقىلى قارۋ – جاراق، وق – دارىلەردى جيناپ العاننان بەرى قاراي، قازاقستاندا وق شىعارۋ قىلمىسىنىڭ تۋىلۋ مولشەرى 55 پايىز تومەندەگەن.

قازاقستان بۇرىن ءبىر مەزگىل جەكەلەردىڭ مىلتىق ساتىپ الۋىنا جانە گاز مىلتىعى، اڭ مىلتىعى قاتارلى مىلتىقتاردى ۇستاۋىنا جول قويعان، دەسە دە، مىلتىق ساتىپ العاننان كەيىن ءسوزسىز قاتىستى ورىنعا بارىپ تىزىمگە الدىرۋىڭىز كەرەك. جۋىق جىلداردان بەرى مىلتىققا قاتىستى دەلونىڭ كوبەيۋىنە ساي، قازاقستان ىشكى ىستەر مينيسترلىگى 2012 – جىلدان باستاپ اقى بەرىپ مىلتىقتى جيناپ الۋ قيمىلىن ورىستەتتى. بارلىق قۇرالى مەن قوپارعىش زاتتارىن تاپسىرعان تۇرعىنداردىڭ قىلمىستىق ىستەرى مەن جاۋاپكەرشىلىگى قۋزاستىرىلمايتىن بولىپ عانا قالماستان، ءمالىم مولشەردە قوسىمشا قاراجات الۋىنا بولادى.

مۇنان سىرت، قازاقستان پارلامەنتى قارۋ – جاراق، وق –ءدارى جانە قوپارعىش زاتتاردى باسقارۋ تۋرالى ارناۋلى زاڭ شىعارىپ، بۇقارانىڭ گاز مىلتىق جانە اڭ مىلتىعى قاتارلى مىلتىقتاردى ىستەتۋىنە تيىم سالدى، ٵرقانداي جەكە ٶز بەتىمەن ۇستاسا، جوتكەسە، ساتسا، ساقتاسا، تاسىمالداسا جانە قۇرال پايدالانۋ ارەكەتى بولسا زاڭسىز دەپ قارالدى.

جاۋاپتى رەداكتور: گۇلدەن ماقسات قىزى